كۈز كىرگەندىن بۇيان ھاۋا بارغانسىرى سۇۋۇپ كىتىۋاتىدۇ. ھەريىلى بۇ پەسىلگە كەلگەندە، مەن خۇددى سەرەڭگە ساتقۇچى قىزچاققا ئوخشاش، پۇت-قوللىرىم مۇزلاپ ماغدۇر قالمايدۇ، سىزدىمۇ بۇنىڭغا ئوخشاش ئەھۋال بارمۇ؟
   بۇنداق ئەھۋالدا، قان ۋە ماغدۇر تۇلۇقلايدىغان ھەمدە بەدەنگە ھۆللۈك يەتكۈزۈپ چىراي گۈزەللەشتۈرىدىغان قارا توخۇ شورپىسى ئىچىپ بەدەنگە قۇۋۋەت تۇلۇقلاش زۈرۈردۇر.

   قارا توخۇ شورپىسىنىڭ جىگەر ۋە مۇئەننەسنى قۇۋۋەتلەش، قان تۇلۇقلاپ چىراي گۈزەللەشتۈرۈش، كۆزنى روشەنلەشتۈرۈش قاتارلىق ئۈنۈملىرى بار؛ بولۇپمۇ بەدىنى ئاجىز ۋە كەم ماغدۇر، جىگەر-بۆرەك ئاجىز، ئاشقازان-ئۆت ھەزىم ئىقتىدارى ناچار كىشىلەرگە قارىتا، بەلگىلىك داۋالاش ھەم ياخشىلاش ئۈنۈمىگە ئىگە.
كىتەرلىك ماتىريال
   قارا توخۇ گۆشى، چىلان، ئالقات، پىچەكگۈل
خۇرۇچ ماتىريالى
    زەنجىۋىل، تۇز، تېتىتقۇ ھارىقى
 

 

   قازانغا سۇ قۇيۇپ، قارا توخۇ گۆشىنى سېلىپ ئوتنى ياقىمىز؛ ئىككى قوشۇق تېتىتقۇ ھارىقى قوشۇپ قاينىتپ، ئۈچ مىنۇت قاينىغاندىن كىيىن توخۇ گۆشىنى سۈزۈپ ئېلىۋالىمىز.

   قازاننى قايتىدىن ئېسىپ، تەرتىپ بويىچە قارا توخۇ گۆشى، زەنجىۋىل پارچىسى، چىلان، توغرالغان پىچەكگۈل، ئالقات قاتارلىقلارنى قازانغا سېلىپ، تۇۋاقنى يېپىپ چوڭ ئوتتا قايناتقاندىن كىيىن، كىچىك ئوتقا ئالماشتۇرۇپ 60مىنۇت قاينىتىمىز.

   ئاخىرىدا تۇز قۇيۇپ تەم تەڭشىسەك، قارا توخۇ قۇۋۋەت شورپىسى تەييار بولىدۇ.