ئانىنىڭ ياسىنىپ يۈرۈشنى ياخشى كۆرۈشى ياكى كۆرمەسلىكى، بالىغا زور تەسىر كۆرسىتىدىغان بولۇپ، بۇ خىل تەسىر بالا قورامىغا يەتكەندىن كىيىن تېخىمۇ كۆرنەرلىك بولىدۇ.

   ئانىسى ياسىنىپ يۈرۈشنى ياخشى كۆرسە، بالىسى ئۆزىگە تېخىمۇ ئىشىنىدىغان بولىدۇ
   ئانا ئەگەر چىرايلىق كىيىنىپ، ئۆزىنى نەپىس ياساپ يۈرسە، قارىماققا پاكىزە ھەم رەتلىك كۆرىنىدۇ، بالىمۇ ئانىسىدىن پەخىرلىنىدۇ. سىز بالىنى تېخى يېشى كىچىك ئويلاپ قالماڭ، ئۇلارنىڭ سەت-چىرايلىققا قارىتا ئىنىق تۇنۇشى بار. يەسلىدىكى بالىلارنىڭ ھەممىسى ئانىسىنىڭ كۆينەك كىيىپ گىرىم قىلىپ يۈرۈشىنى ياخشى كۆرىدىغان بولۇپ، باشقا بالىلار ياكى مۇئەللىملەر ئانىسىنى ماختىغان ۋاقىتتا، ئۇلار كۆڭلىدە ئىنتايىن خۇشال بولىدۇ.
   بالا كىچىك ۋاقىتتا، ئانا ياسىنىشقا ئەھمىيەت بىرىپ، بالىنىڭ گۈزەللىككە قارىتا بىۋاستە سىزىمى بار بولۇشقا تۈرتكە بولۇشى ھەمدە ئوقۇش ۋاقتىنى ئىسراپ قىلدىڭ دەپ، بالىنىڭمۇ ياسىنىشىغا توسقۇنلۇق قىلماسلىقى كىرەك. ئەگەر بالا كىچىكىدىنلا بىر خىل ياخشى ئادەت يىتىلدۈرسە، قانداق سورۇندا قانداق كىيىم كىيىش قاتارلىق ساۋاتلارنى ئىگىلەپ، ئۆزىگە بولغان ئىشەنچىسىمۇ ئاشىدۇ. كەلگۈسىدە بالا جەمئىيەتكە قەدەم قويۇپ خىزمەتكە قاتناشقاندىن كىيىن، ئۆزىگە ئىشىنىدىغان بالىلارنىڭ تېخىمۇ ئاسان مۇۋەپپىقىيەت قازىنىدىغانلىقىنى بىلەلەيسىز.

   ئانا ياسىنىپ يۈرۈشنى ياخشى كۆرسە، بالا ئۆزىگە قاتتىق تەلەپ قويىدىغان ھەم رەتلىك چوڭ بولىدۇ
   ياسىنىپ يۈرۈشنى ياخشى كۆرىدىغان ئانىلار، ئەسلىدىنلا رەتلىك ھەم ئۆزىگە قاتتىق تەلەپ قويىدىغان كىلىدۇ؛ بولمىغاندا، ئىزچىل تۈردە چىرايلىق ياسىنىپ يۈرۈشنى داۋاملاشتۇرالىشى ناتايىن. ئەگەر ئانىنىڭ بۇ جەھەتتىكى ئىپادىسى ياخشى بولسا، ئۇنداقتا بالىمۇ بۇنىڭ تەسىرىگە ئۇچرايدۇ.
   ئۆزىنىڭ ئوبرازىغا دىققەت قىلىش، ئۆزىنى لوڭقىغا ئايلاندۇرۇپ قويۇش دىگەنلىك ئەمەس؛ ئەكسىچە، باشقىلارغا ئۆزىنىڭ ياخشى تەرىپىنى نامايەن قىلىش، قارشى تەرەپكە قىلىنغان بىر خىل ھۆرمەتتۇر.
   ئانىنىڭ بالىغا بەرگەن تەسىرى ھەرۋاقىت ئوبرازىغا ئالاھىدە دىققەت قىلىدىغان ۋە ئۆزىگە قاتتىق تەلەپ قويىدىغان بولسا، بالىمۇ ئانىسىنى دورايدۇ. ئاتا-ئانىلارنىڭ ئارتۇقچىلىقلىرىنى بالا ھەممىدىن ئاسان ئىسىدە تۇتىۋالىدىغان بولۇپ، ئۆزىنىڭمۇ مۇنەۋۋەر تەرىپىنى نامايەن قىلىشقا تىرىشىدىغان بولىدۇ. بالا بۇ خىل ئۆزىگە قاتتىق تەلەپ قويۇش ۋە رەتلىك بولۇشنى ئىزچىل تۈردە بوشاشماي داۋاملاشتۇرۇپ كەتسە، ئۇلارنىڭ كەلگۈسىگە قارىتا ئىنتايىن پايدىلىق بولىدۇ.

   ئانا ياسىنىپ يۈرۈشنى ياخشى كۆرسە، بالا نىمىنىڭ گۈزەللىك ئىكەنلىكىنى تېخىمۇ ئوبدان چۈشىنىدۇ
   ياسىنىپ يۈرۈش، قېنىق گىرىم قىلىپ ئويۇن قويىدىغانلاردەك يۈرۈش دىگەنلىك ئەمەس، بەلكى ئۆزىنىڭ يېشىغا ماس كىلىدىغان سۈپىتىنى نامايەن قىلىشتۇر. ئانىسى ياسىنىپ يۈرۈشنى ياخشى كۆرسە، بالا كىچىكىدىن باشلاپلا گۈزەللىك تەربىيىسىگە ئىرىشىپ، ئۆزىنىڭ ئەڭ ياخشى ھالىتىنى قانداق نامايەن قىلىشنى بىلەلەيدۇ ھەمدە گۈزەللىككە قارىتا بولغان تۇنۇشىمۇ باشقىلارغا قارىغاندا تېخىمۇ سەزگۈر بولۇپ، قالايمىقان نەرسىلەرنىڭ تەسىرىگە ئۇچرىمايدۇ.
   مىنىڭ بىر خىزمەتدېشىم، ئادەتتە كىيىنىشكە ئەھمىيەت بىرىدىغان بولۇپ، قىزى تۇلۇق ئوتتۇرا مەكتەپتە ئوقۇيدىغان ۋاقىتتىلا، ئۇ قىزىغا كىيىمنى قانداق ماسلاشتۇرۇپ كىيىش، ئاددى گىرىم قىلىش ھەققىدىكى ساۋاتلارنى ئۆگەتكەن. كىيىن ئۇ قىزىدىن مۇھەببەتلەشكەن ياكى مۇھەببەتلەشمىگەنلىكىنى سورىغاندا، قىزى جاۋاپ بىرىپ مۇنداق دىگەن: "سىرتقى تۇرقى قاملاشقان ئادەم كۆپ، ئەمما روھى جەھەتتىنمۇ قاملاشقان ئادەمنى تاپماق تەس". ئادەم پەقەت ئۆزى گۈزەل نەرسىلەرنى كۆرۈپ باققان ۋاقىتتىلا، ئاندىن بەزىبىر چاكىنا نەرسىلەرنىڭ ئېزىقتۇرۇشىغا ئۇچرىماي، نىمىنىڭ ھەقىقى گۈزەللىك ئىكەنلىكىنى تۇنۇپ يىتەلەيدۇ. بۇنىڭدىن كۆرىۋىلىشقا بولىدۇكى، ئانىنىڭ ياسىنىپ يۈرۈشنى ياخشى كۆرىدىغان بولۇشى، بالىنىڭ كىيىنكى لايىق تاللاش قارىشىغىمۇ تەسىر كۆرسىتىدۇ.