يېقىندا بەزى ئانىلار سۆز قالدۇرۇپ، بوۋىقىنىڭ تەسلىم بولغانغا ئوخشاش قوللىرىنى ئېگىز كۆتۈرۋىلىپ ئۇخلايدىغانلىقىنى ئېيتىپ، بۇنداق ئەھۋالدا بوۋاقنىڭ بىلەك مۇسكۇللىرىنىڭ تارتىشىپ زەخمىلىنىپ قېلىشىدىن ئەنسىرەۋاتقانلىقىنى ئېيتقان.

   ئەمىلىيەتتە، بوۋاقلاردىكى بۇ خىل "تەسلىم بولۇش" شەكلىدىكى ئۇخلاش ھالىتى، ناچار ئۇخلاش ھالىتى ئەمەس؛ پەقەت ئوڭدىسىغا يېتىپ ئۇخلىسىلا، ئادەتتە پۇت-قولنى قايسى شەكىلدە تۇتۇپ يېتىشنىڭ بەدەنگە يامان تەسىرى يوق. ئۇنىڭ ئۈستىگە، بوۋاقلار ئادەتتە 6-5ئايلىق بولغاندا ئۆرۈلۈشنى ئۆگىنىدىغان بولغاچقا، ئۇ ۋاقىتتا، بوۋاق بۇ خىل ئۇخلاش ھالىتىنى تەبىئىيلا ئالماشتۇرىدۇ.

بوۋاق نىمە ئۈچۈن بۇ خىل ھالەتتە يېتىپ ئۇخلايدۇ
   ئالدى بىلەن، بوۋاقلاردىكى بۇ خىل "تەسلىم بولۇش" شەكلىدىكى ئۇخلاش ھالىتى، ئۇلارنىڭ بىر خىل ئادەتلەنگەن ئۇخلاش ھالىتى ھىسابلىنىدۇ؛ چۈنكى، ھامىلدارلىق ئاخىرقى مەزگىلىدە، ھامىيلىنىڭ يوغىنىشىغا ئەگىشىپ، ھامىيلە ئانىنىڭ بالىياتقۇسىدا بەدىنى تۈگۈلگەن ھالەتتە ياتىدۇ، بۇ ۋاقىتتا ئۇلار كۆپىنچە ئىككى قولىنى بېشىنىڭ ئىككى يېنىغا قويۇش قىياپىتىنى ساقلايدۇ. شۇڭلاشقا، ئۇلار تۇغۇلغاندىن كىيىن، شەرتلىك رىفىلىكىس ئاساسىدە، تەبىئىلا مۇشۇ خىل ھالەتتە ياتىدۇ؛ بۇنىڭدا، ئۇلار يەنىلا ئانىسىنىڭ قوسىقىدىكى ۋاقىتتىكىدەك تۇيغۇغا ئىگە بولۇپ، بىخەتەرلىك تۇيغۇسى تېخىمۇ كۈچلۈك بولىدۇ. ئۇنىڭ ئۈستىگە، قولىنى بېشىنىڭ ئىككى تەرىپىدىن ئۈستى تەرەپكە سوزۇلدۇرۇپ يېتىش، ئۇلارغا نىسبەتەن ئەڭ راھەت يېتىش ھالىتى بولۇپ، ئەكسىچە ئەگەر قوللىرىنى چۈشۈرۈپ ئۇخلىسا، تېخى ئۆرۈلۈشنى بىلمەيدىغان كىچىك بوۋاققا نىسبەتەن، ئۇلارنى بىئارام ھىس قىلدۇرۇپ قويىدۇ.