يىڭى تۇغۇتلۇق ئايالنىڭ كۈتۈنىشىگە سەل قاراشقا بولمايدۇ، ئەگەر تۇغۇت كۈتۈنىشى ياخشى بولمىسا، كىيىلىك تەسىرى ئىنتايىن چوڭ بولۇپ، بۈگۈن كۆپچىلىكنىڭ دىققىتىگە، تۇغۇتىدا ياخشى كۈتۈنمىگەن ئاياللاردا كۆرىنىدىغان ئۈچ ئەھۋالنى تۇنۇشتۇرۇپ ئۆتىمىز.

تۇغۇتتىن كىيىن سەمىرىپ كىتىدۇ
   نۇرغۇن ئاياللار تۇغۇپ بولغاندىن كىيىن، سەۋەپسىزلا سەمىرىپ كىتىپ، ئۇرۇق بەدەن شەكلى ۋە چىرايلىق كىيىملىرى بىلەن خوشلىشىدۇ؛ ئەمىلىيەتتە بۇ، تۇغۇتىدا كۈتۈنۈش ياخشى بولمىغانلىقتىن كىلىپ چىقىدۇ. ئادەتتە، ئاياللار ھامىلدارلىق مەزگىلىدە، ئۇلارنىڭ بەدەن ئېغىرلىقى 12-11كىلوگىرام ئەتراپىدا يۇقىرىلايدۇ؛ بۇ ئەھۋال، بەدەننىڭ تۇغۇت ۋە تۇغۇتتىن كىيىنكى ئانا سۈتى ئاجرىلىش ئۈچۈن قىلغان ئىنىرگىيە توپلاش تەييارلىقى بولۇپ ھىسابلىنىدۇ. تۇغۇتتىن كىيىنكى كۈتۈنۈشتە بولسا، ھازىرقى جەمئىيەتنىڭ تۇرمۇش سەۋيىسى بويىچە ئېيتقاندا، ئادەتتە كۈندىلىك ئۇزۇقلانغانغا ئوخشاش ئۇزۇقلانسىلا، بەدەنگە يىتەرلىك ئۇزۇقلۇق قوبۇل قىلىشقا بولىدۇ؛ شۇڭا، ئۇزۇقلۇق تۇلۇقلاشنى باھانە قىلىپ، چوڭ يەپ چوڭ ئىچىشتىن ساقلىنىش ھەمدە بۇ ئارقىلىق تۇغۇتتىن كىيىن سەمىرىپ كىتىشنىڭ ئالدىنى ئېلىش كىرەك.

چىرايى قېرىپ كىتىدۇ
   ئاياللار تۇغۇتىدا، زور ئىنىرگىيە سەرپ قىلىدۇ، شۇڭا بۇ سەۋەپلىك، ئۇلارنىڭ قېرىپ كىتىشىمۇ تىزلىشىپ كىتىدۇ؛ بىراق، ئەگەر تۇغۇتتىن كىيىن ياخشى كۈتۈنسە، بۇ خىل ئەھۋالنى ئەسلىگە ئەكىلىشكە بولىدۇ. شۇڭا، تۇغۇتىدا ياخشى كۈتۈنگەن ئاياللار، تۇغۇتتىن كىيىن چىرايى نۇرلىنىپ باشقىچە چىرايلىق بولۇپ كىتىدۇ؛ ئەكسىچە، ياخشى كۈتۈنەلمىگەن ئاياللار بولسا، چىرايى ئۆڭۈپ سارغىيىپ كىتىدۇ ھەمدە يۈز تىرىسى مايلىقلىشىپ، قېرى چىراي بولۇپ قالىدۇ.