كالا گۆشى كومىلىچى شورپىسى كۆپچىلىككە تۇنۇشلۇق، ئۇنىڭ ئۇزۇقلۇق قىمىتى ئىنتايىن يۇقىرى بولۇپلا قالماي، تەمىمۇ ياخشى، چوڭلار ھەم بالىلار ئوخشاشلا ياقتۇرۇپ يەيدۇ.
   گۆش تۈرلىرى بىر قەدەر كۆپ بولۇپ، بىز ئادەتتە كۆپرەك ئىستىمال قىلىدىغىنى قوي گۆشى ۋە توخۇ گۆشىدۇر. كالا گۆشىنىڭ ئۇزۇقلۇق قىممىتى، گۆش تۈرلىرى ئىچىدە ئالدىنقى قاتاردا تۇرىدىغان بولۇپ، كالتسىي ۋە قان تولۇقلاش ئۈنۈمىگە ئىگە. تۆۋەندە، كالا گۆشى كومىلىچى شورپىسى تەييارلاش ئۇسۇلىنى، ئاددىيلا تۇنۇشتۇرۇپ ئۆتىمىز.

    كىتەرلىك ماتىريال: كالا گۆشى، يالىڭاچ سۇلۇ(油麦菜)، تۇخۇم، تۇز، جىياڭيۇ، تېتىتقۇ ھارىقى، قارىمۇچ، كىراخمال
    بىرىنچى قەدەمدە، كالا گۆشىنى سۇغۇق سۇغا بىردەم چىلاپ قويىمىز؛ بۇنىڭدا، كالا گۆشى يۈزىدىكى ئارىلاشما ماددىلار ۋە قانلارنى چىقىرۋەتكىلى بولىدۇ. چىلاپ بولغاندىن كىيىن، كالا گۆشىنى سۈزۈپ قۇرۇتقاندىن كىيىن، ئۇنى ئۇششاق چاناپ قىيما قىلىمىز.

   ئىككىنچى قەدەمدە، چاناپ تەييارلىغان كالا گۆشىنى قاچىغا سېلىپ، ئۈستىگە تۇز، جىياڭيۇ، تېتىتقۇ ھارىقى، تۇخۇم قاتارلىقلارنى قوشۇپ تەكشى ئارىلاشتۇرىمىز. تۇخۇم قوشۇشتىكى مەقسەت، ئارىلاشما قىيمىنى بىر-بىرىگە چاپلاش قىلىش ۋە كومىلاچ قىلغاندا شەكىلگە كىرگۈزۈپ مۇقىملاشتۇرۇش ئۈچۈن بولىدۇ. تەكشى ئارىلاشتۇرغاندىن كىيىن، قولىمىزغا بىر قېتىم ئىشلىتىلىدىغان سۇلياۋ پەلەي كىيىپ، قىيمىنى قولىمىزدا مۇجۇپ، مۇۋاپىق چوڭ-كىچىكلىكتىكى كومىلاچ قىلىپ تەييارلايمىز.

    كۆكسەينى يۇيۇپ پاكىزلىغاندىن كىيىن، بېغىچىدىن ئاجرىتىپ قويساقلا بولىدۇ، توغراش كەتمەيدۇ. بارلىق ماتىرياللارنى تەييارلاپ بولغاندىن كىيىن، قازاننى ئېسىپ، مۇۋاپىق مىقداردا سۇ قۇيۇپ، چوڭ ئوتتا سۇنى قاينىتىمىز؛ سۇ قايناپ چىققاندىن كىيىن، كالا گۆشى كومىلىچىنى قازانغا سېلىپ بەش مىنۇت ئەتراپىدا قاينىتىمىز.