كىچىك بالىلاردا، ئادەتتە تاماق يىگەن ۋاقىتتا گېلىغا سۆڭەك ياكى باشقا يىمەكلىك تۈرۈپ قالىدىغان، ياكى بولمىسا بىرەر نەرسە ئويناپ يۈتۈپ سېلىپ گېلىغا تۈرۈپ قالىدىغان ئەھۋاللا كۆرىلىدۇ؛ بۇ ئىنتايىن خەتەرلىك ئەھۋال بولۇپ، ھەربىر ئاتا-ئانا بولغۇچى، بۇ ھەقتىكى جىددى ئەھۋالغا تاقابىل تۇرۇش ئۇسۇللىرىدىن ئازدۇر-كۆپتۇر خەۋەردار بولۇپ قويىشى كېرەك. ئۇنداقتا، بۇنداق ئەھۋالدا قانداق قىلماق لازىم؟

   ئالدى بىلەن، بالىنىڭ روھى ھالىتىنى كۆزىتىپ، ھۇشى بار يوقلۇقىغا ۋە كالپۇكى كۆكىرىپ قالغان ئەھۋال بار يوقلۇقىغا قارايمىز.
  ئىككىنچىدىن، بالىنىڭ ئۈنۈملۈك ھالدا نەپەس ئالالايدىغان ياكى نەپەس ئالالمايدىغانلىقىنى، كۆرۈنەرلىك بولغان نەپەسلىنىش ھەرىكىتى بار يوقلۇقىنى كۆزىتىپ تەكشۈرىمىز. ئەگەر بالىنىڭ ھۇشى جايىدا بولسا ۋە پىكىر ئالماشتۇرالايدىغان بولسا، ئۇنداقتا ئاتا-ئانىلار ھامرىك قوساق قىسىمغا زەربەر بىرىش ئۇسۇلىنى (بۇ بىر خەلقئارادا ئورتاق قوللىنىدىغان ئۇسۇل، كونكىرتنى ئاستىدىكى رەسىمدىن پايدىلانسىڭىز بولىدۇ) قوللىنىپ، بالىغا قارىتا جىددى قۇتقۇزۇش ئېلىپ بېرىش كېرەك.