ئاپلىسىن، تۇرمۇشىمىزدا ئەڭ كۆپ ئۇچرايدىغان مىۋىلەرنىڭ بىرى بولۇپ، ئۇ ئەڭ دەسلەپ دۆلىتىمىزدىن تارقىلىپ، ئوتتۇرا ئەسىرگە كەلگەندە ئاندىن ياۋرۇ-ئامىرىكا ئەللىرىگە تارقالغان. ئاپلىسىن چۈچۈمەل تەملىك بولۇپ، ئۇنىڭ پوستىنى دورىغا قوشۇشقا بولىدۇ.
خەنزۇچە ئاتىلىشى:  橘子
لاتىنچە ئاتىلىشى:  Citrus reticilata
ئىنگىلىزچە ئاتىلىشى: Mandarin Orange
تارقالغان رايونلىرى: خۇبېي، فۇجىيەن، جېجىياڭ، جىياڭشى، خۇنەن، سىچۈەن، گۇاڭشى ئۆلكىلىرى

ئۇزۇقلۇق تەركىبى
    ھەر 100گىرام ئاپلىسىن تەركىبىدە، 176 كىلو كالورىيە ئىنىرگىيە، 88.2 گىرام سۇ، 0.8 گىرام ئاقسىل، 0.4 گىرام ياغ، 1.4 گىرام يىمەكلىك تالا ماددىسى، 8.9 گىرام كاربون سۇ بىرىكمىلىرى، 0.5 مىللىگىرام كاروتىن، 0.05 مىللىگىرام تىئامىن، 0.04 مىللىگىرام رىبوفلاۋىن، 0.2 مىللىگىرام نىكوتىنىك كىسلاتا، 19 مىللىگىرام ۋىيتامىن C، 0.45 مىللىگىرام ۋىيتامىن E، 177 مىللىگىرام كالىي، 1.3 مىللىگىرام ناترىي، 19 مىللىگىرام كالتسىي، 16 مىللىگىرام ماگنىي، 0.2 مىللىگىرام تۆمۈر، 0.05 مىللىگىرام مانگان، 0.1 مىللىگىرام سىنىك، 0.07 مىللىگىرام مىس، 18 مىللىگىرام فوسفور بار.

ئىستىمال قىممىتى
    1. ئاپلىسىن تەركىبىدە مول مىقداردا ۋىيتامىن C ۋە لىمون كىسلاتاسى بار بولۇپ، ھۆسىن گۈزەللەشتۈرۈش ۋە ھارغىنلىقىنى تۈگىتىش رولى بار.
    2. ئاپلىسىننىڭ ئىچىدىكى نىپىز پوستىدا يىمەكلىك تالا ماددىسى ۋە مىۋە كىسلاتاسى بار بولۇپ، چوڭ تەرەتنى راۋانلاشتۇرۇش ۋە خولىستىرىننى تۆۋەنلىتىش ئۈنۈمى بار.
    3. ئاپلىسىننىڭ قىل قان تۇمۇرلارنىڭ ئىلاستىكىلىقىنى كۈچەيتىش، قان بېسىمنى تۆۋەنلىتىش، يۈرەكتىكى تاجىسىمان ئارتىرىيە قان تومۇرلىرىنى كېڭەيتىش قاتارلىق ئۈنۈمى بار بولۇپ، تاجىسىمان يۈرەك كىسىلى ۋە ئارتىرىيە قېتىشىشنىڭ ئالدىنى ئالىدۇ.
   4. تەتقىقاتلاردا ئىسپاتلىنىشىچە، يىڭى ئاپلىسىن شەربىتى تەركىبىدە بىر خىل راكقا قارشى ئاكتىپچانلىقى ئىنتايىن كۈچلۈك بىر خىل ماددا بار بولۇپ، ئۇ راك پەيدا قىلىدىغان خېمىيىلىك ماددىلارنى پارچىلاپ، راك ھۈجەيرىلىرىنىڭ پەيدا بولۇشىنى توسۇش ھەمدە راڭ پەيدا قىلغۇچى ماددىلارنىڭ ھۈجەيرە يادروسىغا بۇزغۇنچىلىق قىلىشىنى توسۇپ، گېننىڭ ساقلىقىنى ساقلاش ئۈنىمىگە ئىگە ئىكەن.