ئانار، يۇپۇرماق تاشلايدىغان دەرەخ ياكى چاتقال تۈرىگە تەۋە، تاق يوپۇرماقلىق؛ ئادەتتە جۈپ ياكى غۇژمەك مىۋە بىرىدۇ، يان يوپۇرمىقى يوق. مىۋىسى يۇمىلاق شەكىللىك، پوستى قېلىن، ئۇرۇغى كۆپ، مىۋە چۈشۈش ۋاقتى 10-9ئاي؛ مىۋە دانىچىسى سۈزۈك ھەم شەربەتلىك.

   خەنزۇچە ئاتىلىشى: 石榴
   لاتىنچە ئاتىلىشى: Punica granatum linn.
   ئىنگېلىزچە ئاتىلىشى: Pomegranate
   تەۋەلىكى: ئۆسۈملۈكلەر دۇنياسى—يېپىق ئۈسۈملۈكلەر تىپى—قوش پەللىلىك ئۆسۈملۈكلەر سىنىپى، ئىپتىدائى گۈللۈكلەر كەنجى سىنىپى—مېدۇزا ئەترىتى—ئانار ئائىلىسى—ئانار ئۇرۇقدېشى
   ئىسىم قويغۇچى ۋە ئىسىم قويغان ۋاقىت: Linn.,1753

ئۇزۇقلۇق تەركىبى
   ئانارنىڭ مىۋە ئېتى، دانىچە قىزىل گۆھەرگە ئوخشاش بولۇپ، چۈچۈمەل ئەمما شەربەتلىك كېلىدۇ، ئۇزۇقلۇق قىممىتى يۇقىرى. ئانار تەركىبىدە، مىۋە ساخارىدلىرى، ئەلا سۈپەتلىك ئاقسىل، ئاسان سۈمۈرىلىدىغان ياغ قاتارلىقلار مول بولۇپ، ئادەم بەدىنىگە ئېنېرگىيە تولۇقلايدۇ، ئەمما بەدەننىڭ يۈكىنى ئاشۇرىۋەتمەيدۇ.
ئانار تەركىبىدە كۆپ خىل ئۇزۇقلۇق ماددىلار بار بولۇپ، ئاساسلىق ئۇزۇقلۇق ماددىلار تۆۋەندىكىچە: كاربون سۇ بىرىكمىلىرى %17، سۇ %79، شېكەر %17-13؛ ئانار تەركىبىىدىكى ۋىتامىن Cنىڭ مىقدارى ئالمىنىڭ ئىككى ھەسسىسىگە توغرا كېلىدۇ. لېكىن، ئانار تەركىبىدە ياغ بىلەن ئاقسىلنىڭ مىقدارى نىسبەتەن تۆۋەنرەك بولىدۇ.

دورىلىق قىممىتى
   1. ئېغىزى قۇرۇپ كېتىدىغان بولۇپ قالغان، ئىچى سۈرۈپ قالغان ۋە قالقانسىمان بەز ياللۇغلىنىپ قالغانلارغا ماس كېلىدۇ.
   2. قەۋزىيەت ۋە سۈيدۈك يولى ياللۇغلىنىپ قالغان بىمارلار، دىئابىت كېسىلى بىمارلىرى يېمەسلىكى كېرەك.

ھۆسىن گۈزەللەشتۈرۈش ئۈنۈمى
   1. ئانار تەركىبىدە مىنرالنى ماددىلار، سىئانىن ۋە ئانار پولىفونىلىدىن ئىبارەت ئىككى خىل ئوكسىدلىنىشقا قارشى تۇرغۇچى ماددا  ۋە ۋىتامىن C فولىن كىسلاتا قاتارلىقلار مول بولغاچقا، تىرىگە يىتەرلىك تۈردە سۇ تولۇقلاپ بىرەلەيدۇ.
   2. ئانار تەركىبىدىكى سىئانىن ماددىسى، ھازىرغا كەلگۈچىلىك، يېمەكلىك تەركىبىدىن چەككىلەپ ئېلىشقا بولىدىغان، كۆز مۇسكۇللىرىنى قوغدايدىغان ماددا بولۇپ ھېسابلىنىدۇ؛ شۇڭا، ئانارنى كۆپرەك ئىستىمال قىلغاندا، كۆزنى قوغداش ئۈنۈمىگە ئېرىشكىلى بولىدۇ.