بۈگۈن كۆپچىلىكنىڭ دىققىتىگە، شىنجاڭنىڭ ئۆزگىچە ھەم ئەنئەنىۋى سوغۇق سەيلىرىدىن بىرى بولغان ئۈچ خىل رەڭلىك سوغۇق سەي(يەنى بىز ئادەتتە ئېيتىدىغان لاۋخۇ سەي ياكى پىلاخۇڭ) تەييارلاش ئۇسۇلىنى تونۇشتۇرۇپ ئۆتىمىز.
   كىتەرلىك ماتېرىيال: كۆكمۇچ، شوخلا، پىياز، يۇمغاقسۈت، سامساق

   تەم خۇرۇچلىرى: ئاق ئاچچىقسۇ، تۇز، كۈنجۈت مېيى

   تەييارلاش ئۇسۇلى: كۆكمچ بىلەن پىيازنى قەلەمچە ھالىتىدە توغرايمىز؛ شوخلىنى يالپاق ھالەتتە توغرايمىز؛ يۇمغاقسۈتنى كىچىك بۆلەك ھالىتىدە توغرايمىز؛ سامساقنى ئۇششاق چاناپ توغرايمىز.

   تەملەندۈرۈش ئۇسۇلى: چوڭراق قاچىدىن بىرنى تەييارلاپ، توغراپ تەييارلىغان كۆكمۇچ، پىياز، شوخلا، سامساق قاتارلىقلارنى سېلىپ، ئۈستىگە مۇۋاپىق مىقداردا ئاق ئاچچىقسۇ، تۇز قوشۇپ ئاستا ئارىلاشتۇرىمىز. ئارىلاشتۇرۇپ بولغاندىن كېيىن چىرايلىق تەخسىگە ئۇسۇپ ئېلىپ، ئۈستىگە توغراپ تەييارلىغان يۇمغاقسۈتنى سېپىپ ئىستېمال قىلساق بولىدۇ.