بۈگۈن تۇنۇشتۇرماقچى بولغان، ئاق تۇرۇپتىن تەييارلانغان سۇغۇق سەي ئىشتىھانى ئېچىپلا قالماي، يەنە تاماققا قوشۇپ يىيىشكىمۇ بولىدۇ؛ نۇرغۇن رېستورانلاردا ئالقىشقا ئىرىشكەن سۇغۇق سەي ھىسابلىنىدۇ.

كىتەرلىك ماتىريال
    ئاق تۇرۇپ، قاقمۇچ، سامساق
كىتەرلىك خۇرۇچلار
    ئاچچىقسۇ، لاۋچوڭ جىياڭيۇسى، تۇز، ناۋات، شىڭچوۋ جىياڭيۇسى، شىكەر

 

 

    ئاق تۇرۇپنى پستىنى سويۇپ يۇيۇپ پاكىزلىغاندىن كىيىن، بىر سانتىمىتىر كەڭلىكتە قەلەمچە ھالىتىدە توغرايمىز.

    توغراپ تەييار قىلغان تۇرۇپ قەلەمچىسىنىڭ ئۈستىگە 15گىرام تۇز قوشۇپ، 30 مىنۇت ئەتراپىدا تۇزلاپ تۇرۇپنىڭ سۈيىنى چىقىرىمىز ھەمدە چىقارغان تۇرۇپ سۈيىنى تۆكىۋىتىمىز.

    كەينىدىن يەنە 15گىرام ئاق شىكەر قوشۇپ، يەنە 30مىنۇت قويۇپ، يەنە بىر قېتىم سۈيىنى چىقىرىمىز.

    ئاق تۇرۇپنىڭ سۈيىنى چىقىرىپ بولغۇچە بولغان ئارلىقتا قىيام تەييار قىلىشقا تۇتىشىمىز؛ قازانغا 10تال گۈلە، ئىككى چىش سامساق، ئۈچ تال قاقمۇچ، 30گىرام ناۋات، ئىككى قوشۇق شىڭچوۋ جىياڭيۇسى، بىر قوشۇق لاۋچوۋ جىياڭيۇسى، بىر قوشۇق ئاچچىقسۇ قۇيىمىز.

    كەيندىن ئۈستىگە بىر ئسىتاكان سۇ قۇيۇپ قايناتقاندىن كىيىن قويۇپ قويىمىز.

    تەييار بولغان تۇرۇپنى سىقىپ سۈيىنى چىقىرىمىز

    سۈيىنى چىقىرىپ بولغاندىن كىيىن، تۇرۇپنى ئېغىزىنى ئىتىشكە بولىدىغان قاچىغا سېلىپ، ئۈستىگە سۇۋۇپ تەييار بولغان قىيامنى، تۇرۇپ چۆكۈشكىچىلىك قۇيىمىز.

    قاچىنىڭ ئېغىزىنى ھىم ئىتىپ، تازا چايقاپ تەكشى ئارىلاشتۇرغاندىن كىيىن، ئىككى كۈن قويۇپ ئاندىن ئېلىپ ئسىتىمال قىلساق بولىدۇ.