خاسىڭنىڭ ئىستىمال ئۇسۇلى ئىنتايىن كۆپ بولۇپ، مايدا داغلاپ ۋە سۇدا پىشۇرۇپ سۇغۇق سەي قاتارىدا ئىستىمال قىلىشقا بولىدۇ. خاسىڭنىڭ ئىستىمال قىممىتى نىسبەتەن يۇقىرى بولۇپ، ھەمىشە خاسىڭ يەپ بەرگەندە نۇرغۇنلىغان پايدىلىق ئۈنۈملەرگە ئىرىشكىلى بولىدۇ. بۈگۈن كۆپچىلىكنىڭ دىققىتىگە، خاسىڭنىڭ باشقىچە بىر خىل يىيىش ئۇسۇلىنى—چۈرۈك پوستلۇق خاسىڭ تەييارلاش ئۇسۇلىنى تۇنۇشتۇرۇپ ئۆتىمىز.

كىتەرلىك ماتىريال
    خاسىڭ، تۇخۇم، ئۇن، كىراخمال
تەييارلاش ئۇسۇلى
    1. ئالدى بىلەن خاسىڭنى يۇيۇۋەتكەندىن كىيىن، سۇغا ئون مىنۇت چىلاپ قويىمىز.
   2. خاسىڭنى سۈزۈپ ئېلىپ باشقا بىر قاچىغا سالىمىز؛ ئۈستىگە تۇخۇمدىن بىر چىقىپ تەكشى ئارىلاشتۇرىمىز؛ كەينىدىن يەنە ئازراق كىراخمال سېپىپ ئارىلاشتۇرىمىز؛ بۇنىڭغا ئۇلاپلا، ئازراق ئۇن قوشۇپ، چىنىدە قۇرۇق ئۇن قالمىغان، ئۇننىڭ ھەممىسى خاسىڭغا چاپلاشقان ھالەتكە ئەكىلىمىز. (ئەگەر شارائىت يار بەرسە، خاسىڭنى ئالاھىدە تەييارلانغان سۈزگۈچتىن بىر ئۆتكۈزىۋەتسەك بولىدۇ، بۇنىڭدا خاسىڭ بىر-بىرىگە چاپلىشىۋالمايدۇ)

   3. قازانغا ماي قۇيۇپ قىزىتىپ، ئارىلاشتۇرۇپ تەييارلىغان خاسىڭنى سېلىپ كىچىك ئوتتا داغلايمىز؛ داغلاش جەريانىدا يىنىك ھالدا ئارىلاشتۇرۇپ بەرسەك بولىدۇ، بۇنىڭدا خاسىڭنىڭ پۈتكۈل قىسمى تەكشى داغلىنىدۇ. ئاخىرىدا، خاسىڭ داغلىنىپ ئالتۇن سېرىق كۈيۈك رەڭگىگە ئۆزگەرگەندە سۈزۈپ ئېلىۋالىمىز.
  4. قازاننى باشقىدىن ئېسىپ مۇۋاپىق مىقداردا سۇ قۇيىمىز؛ سۇنىڭ ئۈستىگە ئاق شىكەر قۇيۇپ كىچىك ئوتتا قاينىتىمىز؛ شىكەر پۈتۈنلەي ئىرىپ كىچىك كۆپۈكچىلەر پەيدا بولۇشقا باشلىغاندا، داغلاپ تەييارلىغان خاسىڭنى سېلىپ، مالتىلاپ تەكشى ئارىلاشتۇرغاندىن كىيىن قاچىغا ئۇسۇپ ئالساق بولىدۇ. ئەگەر كۈنجۈت يىيىشنى ياخشى كۆرىدىغان دوستلار بولسا، ئازراق كۈنجۈت سېپىپ ئارىلاشتۇرۋەتكەندىن كىيىن ئاندىن قاچىغا ئۇسۇپ ئالسا بولىدۇ. بۇ خىل ئۇسۇلدا تەييارلىغان خاسىڭ سۇۋىغاندىن كىيىن، چۈرۈك ھەم يىيىشلىك بىر ئۇششاق يىمەكلىك تەييار بولىدۇ.