ھاۋا بارغانسىرى ئىسسىپ كىتىپ بارماقتا، نۇرغۇن كىشىلەر ئالدىراش ھالدا ھەرخىل سۇغۇق سەي تەييارلاش ئۇسۇللىرىنى ئۆگەنمەكتە. ئەمىلىيەتتە، مەيلى سۇغۇق سەي تەييارلاش بولسۇن ياكى لەمپۇڭ، راڭپىزا قاتارلىقلار بولسۇن، پەقەت تەم تەڭشەش شەربىتىنى تەييارلىۋالساقلا، قانداق يىمەكلىك قوشساق، ئوخشاشلا يىيىشلىك بولىۋىرىدۇ. بۈگۈن كۆپچىلىكنىڭ دىققىتىگە، ھەرخىل سۇغۇق سەي ۋە راڭپىزا قاتارلىقلارغا ئورتاق ئىشلىتىشكە بولىدىغان تەم تەڭشەش شەربىتى تەييارلاشنى تۇنۇشتۇرۇپ ئۆتىمىز.

 

 

   تەرخەمەكنى چەيدو بىلەن نەچچىنى ئۇرۋەتكەندىن كىيىن، كىچىك بۆلەك ھالىتىدە توغرىۋالىمىز.

   قۇرۇتۇلغان دۇفۇ قېقى بىلەن قېرىنقولاقنى سۇغا چىلاپ قويۇپ ئالغاندىن كىيىن، بىر قاينىتىپ پىشۇرۋالىمىز.

    چوڭراق قاچىدىن بىرنى تەييارلاپ، تەرخەمەكنى، قۇرۇتۇلغان دۇفۇ قېقى ۋە قېرىنقولاقلارنى قوشقاندىن كىيىن، ئۈستىگە يەنە ئازراق توغرالغان پىياز ۋە يۇمغاقسۈت قوشۇپ تەم كىرگۈزىمىز؛ ئاخىرىدا، ھەممەيلەن ياقتۇرۇپ يەيدىغان مايدا داغلانغان خاسىڭ قوشىمىز.

   ئەمدىكى نۆۋەتتە، ھەرخىل سۇغۇق سەيلەرگە ئورتاق ئىشلتىشكە بولىدىغان شەربەت تەييارلايمىز. چىنىگە ئىككى قوشۇپ شىڭچوۋ جىياڭيۇسى، بىر قوشۇق ئاچچىقسۇ، بىر قوشۇق كۈنجۈت مېيى، بىر قوشۇق تۇز، بىر قوشۇق شىكەر، مۇۋاپىق مىقداردىكى سامساق چانالمىسى، قاقمۇچ(بەك ئاچچىق يىيەلمەيدىغانلار سالمىسىمۇ بولىدۇ)، ئۈچ قوشۇق مۇچ سوقمىسى(بەك ئاچچىق يىيەلمەيدىغانلار ئاچچىقى يوق مۇچ سوقمىسى قوشسا بولىدۇ) قوشىمىز.

   ئۈستىگە بىر چۆمۈچ قىزىتىلغان ماي قويۇپ تەكشى ئارىلاشتۇرۋەتكەندىن كىيىن سۇۋۇتساق، شەربەت تەييار بولغان بولىدۇ.