تۆتىنچى ئاينىڭ كىرىشىگە ئەگىشىپ، ھاۋا بارغانسىرى ئىسسىشقا باشلىدى. شۇڭا بۇ مەزگىلنى چىڭ تۇتۇپ ئۇرۇقلاش كۈرىشىنى باشلىشىمىزغا توغرا كىلىدۇ، بولمىغاندا يازلىقى كەيگىلى كىيىم تاپالماي قالىسىز. بۈگۈن كۆپچىلىكنىڭ دىققىتىگە، پىشۇرۇش كەتمەيدىغان ھەمدە توغراپ ئارىلاشتۇرساقلا ئىستىمال قىلغىلى بولىدىغان، ئەمما سەمىرتىپ قويۇشتىن قەتئى ئەنسىرەش كەتمەيدىغان بىر خىل سۇغۇق سەينى تۇنۇشتۇرىمىز.
   بۇ خىل سۇغۇق سەينى تەييارلاش ئىنتايىن ئاددى، ئۇنىڭ ئۈستىگە ئىشلىتىلگەن يىمەكلىك ماتىرياللىرى تەركىبىدە تالا ماددىسى ئىنتايىن مول بولۇپ، ئۈچەينىڭ قىمىرلىشىنى ئىلگىرى سۈرۈپ، بەدەندىكى مايلارنى كۆيدۈرۈپ ئۇرۇقلىتىدۇ.

كىتەرلىك ماتىرياللار:
    پىياز، زەنجىۋىل، كۆكمۇچ، قىزىلمۇچ، غولپىياز
خۇرۇچ ماتىرياللىرى:
    ئاچچىقسۇ، ئاق شىكەر، شىڭچوۋ جىياڭيۇسى، كۈنجۈت مېيى، تېتىتقۇ
 

    پىياز، زەنجىۋىل، غولپىياز، كۆكمۇچ، قىزىلمۇچ قاتارلىقلارنىڭ ھەممىسىنى قەلەمچە ھالىتىدە توغرايمىز.

    توغراپ تەييار قىلغان بارلىق يىمەكلىك ماتىرياللىرىنى بىر قاچىغا سېلىپ ئارىلاشتۇرىمىز.

    ئۈستىگە بىر قوشۇق ئاچچىقسۇ، بىر قوشۇق شىڭچوۋ جىياڭيۇسى، ئىككى قوشۇق شىكەر قوشۇپ تەكشى ئارىلاشتۇرىمىز.

    ئاخىرىدا ئازاراق كۈنجۈت مېيى قوشۇپ ئارىلاشتۇرۋەتسەكلا تەخسىگە ئۇسۇپ يىيىشكە تەييارلانساق بولىدۇ