باھار پەسلى كېلىپ ھاۋا ئىللىشقا باشلىدى، شۇڭا سوغۇق تەملەشتۈرۈلگەن سەيلەرمۇ، تاماق ئۈستىلىدە تېخىمۇ كۆپلەپ كۆرۈلىدىغان بولدى. بۈگۈن كۆپچىلىكنىڭ دىققىتىگە، موگونىڭ تۆۋەن ماي تەركىبلىك تەييارلاش ئۇسۇلى—قولدا تىتىپ تەملەشتۈرۈلگەن موگو تونۇشتۇرۇپ ئۆتىمىز.    كىتەرلىك ماتېرىيال: سىپرېس موگوسى(杏鲍菇)، سامساق چانالمىسى، كىچىك قىزىلمۇچ، شىڭچوۋ جىياڭيۇسى، شىڭچوۋ، ئاچچىقسۇ، ئاق شېكەر، غولپىياز مايسىسى، قىزىتىلغان ماي
تەييارلاش ئۇسۇلى
   سىپرېس موگوسىنى پاكىزە يۇيۇپ تازىلايمىز؛ موگونى تاللىغاندا، رەسىمدىكىگە ئوخشاش ئۇزۇنلۇقى 15-12 سانتېمىتىر ئەتراپىدا بولغىنى ئەڭ ياخشى.    موگونى ئوتتۇرىدىن كىسىپ ئىككى پارچە قىلىپ، دۈملەش قازىنىغا سېلىپ دۈملەيمىز؛ تەخمىنەن ئون مىنۇت ئەتراپىدا دۈملىسەك پىشىدۇ.    موگونى دۈملەپ پىشۇرغان ئارىلىقتا قىيام تەييارلىۋالىمىز: كىچىك قاچىدىن بىرنى تەييارلاپ، سامساق چانالمىسى، كىچىك قىزىلمۇچ سالىمىز؛ كەينىدىن قازاندا ئازراق ماي قىزىتىپ، ئۈستىگە قۇيۇپ تەكشى ئارىلاشتۇرىمىز؛ كەينىدىن يەنە ئىككى قوشۇق شىڭچوۋ جىياڭيۇسى، بىر قوشۇق ئاچچىقسۇ، ئاز مېقداردا ئاق شېكەر قوشۇپ، تەكشى ئارىلاشتۇرۇپ قىيام تەييارلايمىز.    موگو پىشىپ بولغاندىن كېيىن، قازاندىن ئېلىپ سۇۋۇتۇپ، قولىمىزدا تىتىپ ئۇزۇن قەلەمچە ھالىتىگە ئەكىلىمىز.    تەڭشەپ تەييار قىلغان قىيامنى موگونىڭ ئۈستىگە قۇيۇپ تەكشى ئارىلاشتۇرساقلا، بۈگۈنكى قولدا تىتىپ تەملەشتۈرۈلگەن موگو تەييار بولغان بولىدۇ.