بۈگۈن كۆپچىلىكنىڭ دىققىتىگە، ئوسۇڭنى سوغۇق تەملەشتۈرۈش ئۇسۇلىنى تونۇشتۇرۇپ ئۆتىمىز. ئوسۇڭ ئادەتتىكى بىر خىل كۆكتات بولۇپ، تەركىبىدە ئاقسىل، ياغ، كاربون سۇ بىرىكمىلىرى، يېمەكلىك تالا ماددىسى قاتارلىقلار بار. بولۇپمۇ، ئۇنىڭ تەركىبىدە بەلگىلىك مىقداردا يۇد ماددىسى بار بولۇپ، كەيپىياتنى تەڭشەش رولىنى ئوينىيالايدۇ، دائىم ئىستېمال قىلىپ بەرگەندە بولسا، جىددىي كەيپىياتنى يوقىتىپ، ئۇيقۇغا پايدىلىق بولىدۇ.

   ئوسۇڭنى تەييارلاش ئۇسۇلى كۆپ خىل بولۇپ، سوغۇق تەملەشتۈرۈش، ئادەتتە بىر قەدەر كۆپ ئۇچرايدىغان ئۇسۇلدۇر. لېكىن ئوسۇڭنى سوغۇق تەملەشتۈرگەندە، ئاۋۋال سۇدا قاينىتىپ ئېلىۋېلىش كېرەكمۇ يوق؟ بۇنىڭ جاۋابىنى، تۆۋەندىكى ئوسۇڭنى سوغۇق تەملەشتۈرۈش ئۇسۇلى تونۇشتۇرۇلىشىدىن بىلىۋالالايسىز.

   كىتەرلىك ماتېرىيال: ئوسۇڭ، قىزىلمۇچ، غولپىياز مايسىسى، تۇز، توخۇ تەم جەۋھىرى، ماي

تەييارلاش ئۇسۇلى

   1. ئالدى بىلەن تەييار قىلغان يېمەكلىك ماتېرىياللىرىنى ييۇيۇپ پاكىزلايمىز.

   2. ئوسۇڭنى ئىنچىكە قەلەمچە قىلىپ توغراپ قاچىغا سېلىپ، ئۈستىگە بىر قوشۇق تۇز قوشقاندىن كېيىن تەكشى ئارىلاشتۇرۇپ 15مىنۇت قويۇپ قويىمىز.

   3. 15مىنۇتتىن كېيىن، ئۇسۇڭنىڭ سۈيى چىقىپ تەييار بولىدۇ؛ بۇ ۋاقىتتا چىققان سۇنى تۆكىۋىتىمىز ھەمدە ئوسۇڭنى قولىمىزدا يىنىك سىقىپ چىقىپ بولالمىغان سۇ تەركىبلىرىنى چىقىرىۋېتىمىز.

   4. قىزىلمۇچنى كىچىك چەمبەرسىمان توغراپ، قاچىدىكى ئوسۇڭنىڭ ئۈستىگە قوشىمىز. كەينىدىن قازاندا بىر چۆمۈچ ماي قىزىتىپ، قىزىق ماينى ئوسۇڭنىڭ ئۈستىگە قۇيىمىز.