بۈگۈن تۇنۇشتۇرماقچى بولغان قىزارتىپ پىشۇرۇلغان كۆك كاۋا مەيلى سىرتقى شەكلىدىن بولسۇن ياكى تەم جەھەتتىن بولسۇن، قىزارتىپ پىشۇرۇلغان گۆشكە ئىنتايىن يېقىن كىلىدۇ.

كىتەرلىك ماتىريال
    كۆك كاۋا(冬瓜)
كىتەرلىك خۇرۇچ ماتىريالى
    يىمەكلىك مېيى، تۇز، شېڭچۇۋ جىياڭيۇسى، لاۋچوۋ جىياڭيۇسى، ئاق شىكەر

 

    كۆك كاۋىنىڭ سىرتقى پوستىنى سويۇۋىتىپ، ئۇنى قەنتتىن چوڭراق پارچە قىلىپ توغرايمىز؛ ئەگەر كۆك كاۋىنىڭ سىرتقى يۈزىدە پىچاق بىلەن سىزىقچە سىزىپ قويساق، كۆك كاۋىغا تەم كىرىشى تېخىمۇ ئاسانغا توختايدۇ.

    قازانغا ماي قۇيۇپ، قىزىغاندىن كىيىن كۆك كاۋىنى قازانغا سېلىپ، كىچىك ئوتتا داغلايمىز؛ كۆك كاۋىنىڭ تۆت تەرىپى ئازراق ساغارغىچىلىك داغلىساق بولىدۇ.

    كۆك كاۋىنى بىر چەتكىراق ئىتتىرىپ قويۇپ، قازانغا ئىككى قوشۇق ئاق شىكەر قۇيۇپ، كىچىك ئوتتا ئاستاغىنا قورۇپ مالتىلايمىز؛ شىكەر ئىرىپ بولغاندىن كىيىن كۆك كاۋا بىلەن قوشۇپ نەچچە مالىتىلاپ قورۇيمىز.

    ئىككى قوشۇق شىڭچوۋ جىياڭيۇسى، ئازراق لاۋچوۋ جىياڭيۇسى قوشۇپ، مالتىلاپ قورۇپ رەڭ كىرگۈزىمىز؛ كەينىدىن قازانغا كۆك كاۋا پۈتۈنلەي چۆككىچىلىك قايناقسۇ قۇيۇپ، چوڭ ئوتتا قاينىتىۋالغاندىن كىيىن، تۇۋاقنى يېپىپ، ئوتنى ئوتتۇرا دەرىجىلىك ئوتقا تەڭشەپ 10 مىنۇت قاينىتىمىز.

    10 مىنۇت توشقاندىن كىيىن، تۇۋاقنى ئېچىپ، چوڭ ئوتقا ئالماشتۇرۇپ، قازاندىكى كاۋىنى مالتىلاپ قورۇيمىز؛ جىياڭيۇنىڭ تۇز تەركىبى بولغاچقا، بۇ يەردە قازانغا تۇز قۇيمىساقمۇ بولىدۇ؛ قازاننىڭ سۈيى قايناپ يېرىمغدىن كۆپرەك سۈيى قالغان ۋاقىتتا ئوتنى ئۆچۈرۈپ قاچىغا ئۇسساق بولىدۇ.