سەي كاۋىسى، ئۆزى ئەرزان، ئەمما يىيىشلىك بىر خىل كۆكتات. سەي كاۋىسىنىڭ تەركىبىدە، ۋىيتامىن C، گىلىكوزا، كالتسىي قاتارلىق نۇرغۇنلىغان ئۇزۇقلۇق ماددىلار بار بولۇپ، بالىلارنىڭ ئۆسۈپ يىتىلىشىنى ئىلگىرى سۈرۈش روى بار. بۇندىن باشقا، سەي كاۋىسىنىڭ سۇ تەركىبى مول بولۇپ، تىرىنى يۇمرانلاشتۇرۇش، تىرىنىڭ رەڭگى ئۆچۈپ كىتىشنى ياخشىلاپ، تىرىنى ئاقارتىش قاتارلىق ئۈنۈملەرنى كۆرسىتىدۇ. ئادەتتە سەي كاۋىسىنى كۆپرەك ئىستىمال قىلىپ بەرگەندە، ئىسسىق يەلنى ھەيدەپ، ئۆپكىنى قۇۋۋەتەيلەيدۇ ۋە ھۆتەلنى توختىتىدۇ؛ بەدەننىڭ ئىممونت كۈچىنى ئاشۇرۇپ، مىتابولىزىمنى تەڭشەيدۇ ۋە ئۇرۇقلاش ئۈنۈمى كۆرسىتىدۇ.

    بۈگۈن كۆپچىىكنىڭ دىققىتىگە، 10مىنۇتتىلا تەييارلاشقا بولىدىغان سەي كاۋىسى قورىمىسىنى تەييارلاش ئۇسۇلىنى تۇنۇشتۇرۇپ ئۆتىمىز.
كىتەرلىك ماتىريال           
    سەي كاۋىسى، تۇز، غولپىياز، زەنجىۋىل، يىمەكلىك مېيى

تەييارلاش ئۇسۇلى
    سەي كاۋىسىنى پاكىز يۇغاندىن كىيىن، تۆت پارچە قىلىپ كىسىپ ئاجرىتىۋالغاندىن كىيىن، بۆلەك ھالىتىدە توغرىۋالىمىز.

    بىر نەچچە قېتىمدا بىر چەيدونى تىگىگە تەككۈزۈپ توغرىساق، رەسىمدىكىگە ئوخشاش ئۈزۈلۈپ كەتمەيدىغان پارچە شەكىلدە چىقىدۇ. بۇنداق توغراشتىكى سەۋەپ، ئۇنىڭ پىشىشى ۋە تەم كىرىشى تېخىمۇ تىز بولىدۇ.

    قازانغا ماي  قۇيۇپ قىزىتقاندىن كىيىن، توغرالغان غولپىياز ۋە زەنجىۋىلنى سېلىپ تەم چىقىرىمىز.

    سەي كاۋىسىنى سېلىپ چوڭ ئوتتا قورۇيمىز، ئۈستىگە ئازراق سۇ سېپىۋىتىمىز.

    قورۇپ سەي كاۋىسىنىڭ رەڭگى تېخىمۇ يىشىل بولۇپ ئۆزگەرگەن ۋاقىتتا، خۇرۇچ ماتىرياللىرىنى قوشساق بولىدۇ.

    تەكشى مالتىلاپ ئارىلاشتۇرغاندىن كىيىن، ئوتنى ئۆچۈرۈپ تەخسىگە ئۇسساق بولىدۇ.

    دىققەت قىلىشقا تىگىشلىكى شۇكى، سەي كاۋىسىنى خام يىيىشكە ماس كەلمەيدۇ، ئەمما بەك قورىۋىتىشكىمۇ بولمايدۇ، بولمىغاندا ئۇزۇقلۇق تەركىبى زىيانغا ئۇچراپ، تەمىمى تازا ياخشى بولالمايدۇ.