بۈگۈن كۆپچىلىكنىڭ دىققىتىگە تۇنۇشتۇرىدىغىنىمىز كۈدە كومىلىچى بولۇپ، بۇ خىل تائامنىڭ تەييارلاش ئۇسۇلى ئاددى، ئەمما تەم ئىنتايىن ياخشى، بىر قېتىم يەپ كۆرسىڭىز، گۆشسىز تائاملارنىڭمۇ بۇنداق يىيىشلىك بولىدىغانلىقىدىن ھەيران قالماي تۇرالمايسىز.

     كۈدە، سەۋزە، تۇخۇم، قوناق كىراخمالى، ئۇن، سامساق
كىتەرلىك تەم-خۇرۇچلار
     ئاقمۇچ، ئاچچىقسۇ، شىڭچوۋ جىياڭيۇسى، مۇچ يېغى، كۈنجۈت يېغى

 

 

Step 1

كۈدىنى ئۇششاق چاناپ توغراپ، قاچىغا سالىمىز.

سەۋزىنىمۇ ناھايىتى ئۇششاق قىلىپ چاناپ توغراپ، كۈدە سېلىنغان قاچىغا قوشىمىز.

Step 2
كۈدە ۋە سەۋزە سېلىنغان قاچىغا ئىككى تۇخۇم چاقىمىز.

چوڭ بىر قوشۇق ئاق مۇچ، 10 گىرام قوناق كىراخمالى قوشۇپ تەكشى ئارىلاشتۇرىمىز.

كەينىدىن، ئاز مىقداردا كۆپ قېتىمغا بۆلۈپ، 100-80 گىرام ئەتراپىدا ئۇن قوشىمىز.

تەكشى ئارىلاشتۇرۇپ، قولىمىزدا سىقىپ كۇمىلاچ قىلالىغۇدەك ھالەتكە ئەكىلىمىز.

Step 3
ئارىلاشتۇرۇپ تەييارلىغان ماتىريالنى قولىمىزدا سىقىپ ئۇۋۇلاپ كۇمىلاچ قىلىپ چىقىمىز.

تەييار قىلغان كۇمىلاچلارنى قاسقانغا سېلىپ 15مىنۇت دۈملەيمىز.

Step 4
بۇ ئارىلىقتا قىيام تەييارلاش ئۈچۈن، بىر قاچىغا ئالدى بىلەن مۇۋاپىق مىقداردا چانالغان سامساق سالىمىز.

     كەينىدىن بىر قوشۇق ئاچچىقسۇ، ئىككى قوشۇق شىڭچوۋ جىياڭيۇسى، بىر قوشۇق مۇچ مېيى، بىر قوشۇق كۈنجۈت مېيى قوشۇپ تەكشى ئارىلاشتۇرغاندىن كىيىن، ئىشلىتىش ئۈچۈن ئېلىپ قويىمىز.

    كومىلاچنى دۈملەپ بولغاندىن كىيىن، ئۇنىڭ ئۈستىگە ئالدىدا تەييار قىلغان قىيامنى قۇيساق، بۈگۈنكى كۈدە كومىلىچى تەييار بولغان بولىدۇ.