مايدا داغلانغان گۈمبەمەدەك(موگو) بولسا، ناھايىتى تەملىك بىر خىل يىمەكلىك بولۇپ، ئۇ بىر قارىماققا خۇددى داغلانغان توخۇ قانىتىدەك كۆرىنىدۇ؛ بۇ تائامنى تەييارلاشمۇ ئىنتايىن ئاسان بولۇپ، ئەگەر قولىڭىز ئىتتىك بولسا، 10 مىنۇتتىلا تەييار قىلىپ بولالايسىز.

كىتەرلىك ماتىريال
   گۈمبەمەدەك، ئۇن، كىراخمال
تەم خۇرۇچى
   خاجۇ(五香粉)، تۇز ئارلاشتۇرۇلغان كاۋاۋىچىن سوقمىسى(椒盐)

 

تەييارلاش ئۇسۇلى
 
Step 1
گۈمبەمەدەكنى يۇيۇپ تازىلىغاندىن كىيىن قولىمىزدا تىتىپ كىچىكرەك ھالەتكە ئەكىلىمىز.


Step 2

   چوڭراق قاچىدىن بىرنى تەييارلاپ، ئۇنىڭغا چوڭراق قوشۇقتا ئالتە قوشۇق ئۇن، ئۈچ قوشۇق كىراخمال قۇيىمىز؛ ئۇن بىلەن كىراخمالنىڭ نىسبىتى ئىككىدە بىر بولىدۇ. كەينىدىن مۇۋاپىق مىقداردا خاجۇ (五香粉) ۋە سۇ قۇيۇپ، تەكشى ئارىلاشتۇرۇپ، قىيام تەييارلايمىز.

   گۈمبەمەدەكنىڭ يۈزىدىكى سۇلىرىنى پاكىزە قۇرۇتقاندىن كىيىن، ئۇنى قاچىدىكى قىيامغا چىلاپ، گۈمبەمەدەك سىرتقى يۈزلىرىگە قىيامنى تۇلۇق يۇقىتىمىز.

   قازاننى ئېسىپ ماي قىزىتىمىز؛ ماي قىزىغاندىن كىيىن قىيامغا چىلانغان گۈمبەمەدەكنى سېلىپ، ئوتتۇرا دەرىجىلىك ئوتتا ئىككى مىنۇت داغلىغاندىن كىيىن سۈزۈۋالىمىز؛

   سۈزۈۋالغان گۈمبەمەدەكنى ئازراق قويۇپ سۇۋۇتقاندىن كىيىن، ئۇنى يەنە قايتا قازاندىكى مايغا سېلىپ داغلايمىز؛ بۇنىڭدا گۈمبەمەدەك تېخىمۇ چۈرۈك بولىدۇ؛ گۈمبەمەدەكنىڭ يۈزى ئالتۇن سېرىق رەڭگە ئۆزگەرگەندە سۈزۈۋالىمىز.

   ئاخىرىدا داغلاپ بولغان گۈمبەمەدەكنىڭ ئۈستىگە تۇز ئارىلاشتۇرۇلغان كاۋاۋىچىن سوقمىسى سېپىۋەتسەك، بۈگۈنكى تائام تەييار بولغان بولىدۇ.