بۈگۈن كۆپچىلىككە تۇنۇشتۇرماقچى بولغىنىمىز، كۆپچىلىكنىڭ ھەممىسى ياقتۇرۇپ يەيدىغان پېدىگەن ئاساسلىق ماتىريال قىلىنغان قورۇما—پىدىگەن قەلەمچىسى قورۇمىسىدۇر. پىدىگەننى بۇ خىل ئۇسۇلدا قورۇپ يىگەندە، ئۇنىڭ ئۇزۇقلۇق تەركىبى مول كىلىدىغان بولۇپ، ئادەمگە گۆشتىنمۇ تەملىك بىلىنىدۇ.

كىتەرلىك ماتىريال
    پىدىگەن، ئۇچلۇق قىزىلمۇچ، سامساق، غولپىياز
تەم خۇرۇچلىرى
    قۇرۇق كىراخمال، پۇرچاق قىيامى، شىڭچوۋ جىياڭيۇسى، ئاچچىقسۇ، ئاق شىكەر، يىمەكلىك مېيى

 

 

Step 1
پىدىگەننىڭ پوستىنى سويىۋىتىپ، توم ھەم ئۇزۇنراق ھالەتتە قەلەمچە شەكىلدە توغرايمىز.

توغرالغان پىدىگەن قەلەمچىلىرى ئۈستىگە بىر قوشۇق قۇرۇق كىراخمال تۆكىمىز.

قولىمىز بىلەن تەكشى ئارىلاشتۇرۇپ، كىراخمالنىڭ پىدىگەن يۈزلىرىگە تۇلۇق يېپىشىشىغا كاپالەتلىك قىلىمىز.

ئۇچلۇق قىزىلمۇچنى يۇمىلاق چەمبەر ھالىتىدە توغراپ، ئىشلىتىش ئۈچۈن ئېلىپ قويىمىز.


Step 2
قازانغا ماي قۇيۇپ، يەتتە ئۈلۈش قىزىتقاندىن كىيىن پىدىگەن قەلەمچىسىنى سالىمىز.

ئوتتۇرا دەرىجىلىك ئوتتا ئۈچ مىنۇت ئەتراپىدا داغلايمىز.

پىدىگەن يۈزلىرى ئازراق ئالتۇن سېرىق رەڭگە ئايلانغاندا، پىدىگەن قەلەمچىلىرىنى سۈزۈپ ئېلىۋالىمىز.


Step 3
قازاننىڭ تىگىدە ئازراق ماي قالدۇرۇپ، توغرالغان سامساق ۋە قىزىلمۇچنى سالىمىز.

كىچىك ئوتتا قورۇپ، قىزىلمۇچ يۈزىدىكى سۇ تەركىبىنى پۈتۈنلەي قۇرىتىمىز.

كەينىدىن ئىككى قوشۇق پۇرچاق قىيامى سېلىپ، چۆمۈچ بىلەن قورۇپ قىزىل ماي چىقىرىمىز.


Step 4
بۇ ۋاقىتتا قازانغا ئىككى قوشۇق شىڭچوۋ جىياڭيۇسى، بىر قوشۇق ئاچچىقسۇ، يېرىم قوشۇق ئاق شىكەر قوشىمىز.

داغلانغان پىدىگەن قەلەمچىسىنى سالىمىز.

ئوتتۇرا دەرىجىلىك ئوتتا ئۆرۈپ قورۇپ، پىدىگەن قەلەمچىسىگە تەم خۇرۇچلىرىنىڭ تەمىنى كىرگۈزىمىز.


Step 5
ئاخىرىدا ئىككى قوشۇق سۇلۇق كىراخمال قوشۇپ، مۇۋاپىق مىقداردا غولپىياز توغرالمىسى قوشىمىز.

تەكشى ئارىلاشتۇرۇپ ئازراق قورىۋالغاندىن كىيىن، ئۇسۇپ ئالساق بولىدۇ.