بۈگۈن كۆپچىلىككە تۇنۇشتۇرماقچى بولغان تائام، پىدىگەن، يېسى پۇرچاق(豆角) قورىمىسى بولۇپ، پېدىگەن بىلەن يېسى پۇرچاقنى ئاۋۋال مايدا بىر قاتار داغلىۋالغاندىن كىين قورىساق، تېخىمۇ تەملىك بولىدۇ.

كىتەرلىك ماتىريال:
    پىدىگەن، يېسى پۇرچاق، سامساق
تەم خۇرۇچلىرى:
    يىمەكلىك مېيى، تۇز، شىڭچوۋ جىياڭيۇسى، پۇرچاق قىيامى

تەييارلاش ئۇسۇلى
 

 

پىدىگەننى يۇيۇپ پاكىزلىغاندىن كىيىن، ئۈچ بۇرجەك ھالەتتە توغرايمىز.

توغراپ بولغاندىن كىيىن چوڭراق قاچىغا سالىمىز.

ئىككى قوشۇق تۇز قوشىمىز.

20 مىنۇت تۇزلاپ، پىدىگەننىڭ سۈيىنى چىقىرىمىز.

بۇ ۋاقىتتا يېسى پۇرچاقنى بۆلەك ھالىتىدە توغرىۋالىمىز.


-Step 2-
پىدىگەننى تۇزلاپ بولغاندىن كىيىن، ئۇنى قولىمىزدا سىقىپ سۈيىنى چىقىرىمىز، بۇنىڭدا پېدىگەن ماينى ئازراق سۈمۈرىدۇ.


-Step 3-
قازانغا ماي قويۇپ ئوت ياقىمىز؛ ماي 7 ئۈلۈش قىزىغاندا يېسى پۇرچاقنى سېلىپ ئوتتۇرا ھال ئوتتا داغلايمىز.

تەخمىنەن يېرىم مىنۇت ئەتراپىدا داغلاپ، يېسى پۇرچاقنىڭ يۈزىدە قاپارتما ئۆرلەشكە باشلىغاندا سۈزۈپ ئېلىۋالساق بولىدۇ.

ماي قايتا قىزىغاندىن كىيىن، پېدىگەننى سالىمىز.

ئوتتۇرا ھال ئوتتا يېرىم مىنۇت داغلايمىز.

داغلاپ بولغاندىن كىيىن سۈزۈپ ئېلىۋالساق بولىدۇ.


-Step 4-
قازاندا ئىككى قوشۇق ماي قالدۇرۇپ، سامساقنى سېلىپ تەمىنى چىقىرىمىز.

سامساقنىڭ تەمى چىققاندىن كىيىن، بىر قوشۇق پۇرچاق قىيامى قوشىمىز.

كىچىك ئوتتا قويۇپ، قىزىل ماينى چىقىرىمىز.

كەينىدىنلا داغلانغان پىدىگەن بىلەن يېسى پۇرچاقنى سالىمىز.

چوڭ ئوتتا تەكشى ئارىلاشتۇرۇپ قورۇيمىز.

قازاندىن ئۇسۇشنىڭ ئالدىدا بىر قوشۇق تۇز قوشىمىز.

بىر قوشۇق شىڭچۇۋ جىياڭيۇسى قوشىمىز.

ئازراق ئارلاشتۇرۇپ قورۇۋەتكەندىن كىيىن، ئۇسساق بولىدۇ.


-Step 5-

    ئەگەر بەك مايلىق بولۇپ كىتىشىدىن ئەنسىرسىڭىز، مايدا داغلىماي، سۇدا قاينىتىپ ئالسىڭىزمۇ بولىدۇ؛ ئاخىرىدا چوڭ ئوتتا قورىسىڭىز ئوخشاشلا تەملىك قورۇما بولىدۇ.