كىتەرلىك ماتېرىيال: يېسى پۇرچاق، گۆش، غولپىياز، زەنجىۋىل، سامساق، قاقمۇچ، كاۋاۋىچىن، كۈنجۈت

   خۇرۇچ ماتېرىياللىرى: تۇز، تېتىتقۇ، توخۇ تەم جەۋھىرى، شېكەر، قىزىلمۇچ قىيامى

   تەييارلاش ئۇسۇلى: ماترىياللارنى يۇيۇپ پاكىزلىغاندىن كېيىن، يېسى پۇرچاقنى ئۇزۇنچاق بۆلەك ھالىتىدە توغرىۋالىمىز؛ غولپىياز، سامساق، زەنجىۋىل قاتارلىقلارنى كىچىكرەك پارچە ھالىتىدە توغرايمىز؛ قاقمۇچنى قىسقا بۆلەك ھالىتىدە توغرىۋالىمىز. گۆشنى ئۇششاق توغرايمىز.(ئۆز تەم خاھىشىمىزغا ئاساسەن، گۆش سالساقمۇ ياكى سالمىساقمۇ بولىدۇ)

   قورۇش ئۇسۇلى: ئاۋۋال بىرىنچى قەدەمدە، يېسى پۇرچاقنى سۇدا بىر قاينىتىپ ئېلىۋالىمىز. كەينىدىن قازانغا كۆپرەك قۇيۇپ قىزىتىپ، يېسى پۇرچاقنى سېلىپ ياغدا داغلايمىز ھەمدە سارغايغاندا سۈزۈپ ئېلىۋالىمىز.
   كەينىدىن قازانغا قايتىدىن ئازراق ياغ قۇيۇپ، ئاۋۋال گۆشنى سېلىپ، نەچچە مالتىلاپ قورىغاندىن كېيىن، سامساق، زەنجىۋىل، غولپىياز قاتارلىقلارنى سېلىپ قورۇيمىز؛ گۆش سارغايغاندىن كېيىن، قاقمۇچ ۋە كاۋاۋىچىنلارنى سېلىپ داۋاملىق قورۇيمىز؛ كەينىدىن يېسى پۇرچاقنى سېلىپ قورۇپ، ئۈستىگە تۇز، تېتىتقۇ، توخۇ تەم جەۋھىرى قاتارلىقلارنى قوشۇپ تەم تەڭشەپ ھەم مۇۋاپىق مىقداردا كۈنجۈت سېپىۋىتىپ، ئىككى ئارىلاشتۇرۇپ ئۇسۇپ ئالساق بولىدۇ.