خام ماتېرىيالى: تاتلىق بەرەنگە، قوناق كونسىرۋاسى، كۆك پۇرچاق، غولپىياز، زەنجىۋىل، سۇ يېغى

تەم خۇرۇچلىرى: تۇز، ئاق شېكەر، تېتىتقۇ، توخۇ تەم جەۋھىرى

تەييارلاش ئۇسۇلى: تاتلىق بەرەنگىنى ئۇششاق دانچە قىلىپ توغرىۋالىمىز؛ زەنجىۋىل ۋە غولپىيازنى ئۇششاق توغراپ تەييارلايمىز؛ قازانغا سۇ قۇيۇپ تاتلىق بەرەنگىنى سېلىپ نورمال پىشۇرۇپ سۈزۈپ ئالىمىز؛ كۆك پۇرچاق، قوناقنى سۇدا بىر قېتىم قاينىتىۋالغاندىن كېيىن، سوغۇق سۇدا چايقاپ تەييارلاپ قويىمىز.

قۇرۇش ئۇسۇلى: قازانغا ئازراق ماي قۇيۇپ، غولپىياز بىلەن زەنجۋىلنى سېلىپ قورۇپ تەم چىقارغاندىن كېيىن، تاتلىق بەرەنگە، كۆك پۇرچاق، قوناق قاتارلىقلارنى قازانغا سېلىپ قۇرۇيمىز؛ ئاخىرىدا تۇز، تېتىتقۇ، توخۇ تەم جەۋھىرى، شېكەر قاتارلىقلارنى قوشۇپ تەم تەڭشەپ تەخسىگە ئۇسۇپ ئالىمىز.