ياز پەسلى، كاۋا چۈشىدىغان مەزگىل بولۇپ، ھويلىغا تىكىلگەن كاۋىلار بارغانسىرى يوغىناپ، پىلەكلىرى ھويلىنى بىر ئالدى. كىچىك ۋاقتىمىزدا، تاتلىق كاۋا پىشۇرۇپ يىيىشنى بەك ئارزۇ قىلاتتۇق؛ ئۆيدىكى چوڭلار بولسا، كاۋىنىڭ پىلىكىنى قورۇپ يەيتتى. ئۇ ۋاقىتتا، كاۋىنىڭ پىلىكى قارىماققا بىر خىل تۈكلۈك، كۆرۈمسىز كۆرىنىدىغان بولغاچقا، مەن پەقەت يىگىلى ئۇنىمايتتىم. بىراق چوڭ بولغاندىن كىيىن، كاۋا پىلىكىنىڭ پايدىلىقىنى ھەقىقى ھىس قىلىپ يەتتىم. ئەمىلىيەتتە، ھازىر كاۋا پىلىكىنى كۆكتات بازارلىرىدىمۇ ساتىدىغان بولۇپ، سىرتىدىكى بىر قەۋەپ پوستىنى سويىۋىتىپ ۋە چوڭراق ياپراقلىرىنى ئۈزۈپ ئېلىۋىتىپ، قالغان يۇمران غول ۋە ياپراقچىلىرىنى قورۇپ يىسەك، تەمى ئۆزگىچە، ئۇزۇقلۇقى مول بىر خىل تائام بولۇپ چىقىدۇ.

   كاۋا پىلىكىنىڭ ئۈچەي تازىلىغۇچى دىگەن نامى بار بولۇپ، ئۈچەينى قۇۋۋەتلەش ۋە قەۋزىيەتنى ياخشىلاش جەھەتتىكى ئۈنۈمى ياخشى، ئادەمنىڭ ئۈچەي ئاشقازاندا يېغىلىپ قالغان ماي تەركىبلىرىنى تازىلاپ، قەۋزىيەتنى ۋە ئېغىزدا غەلىتە پۇراق پەيدا بولۇپ قېلىشنى ياخشىلايدۇ. ئەگەر سېمىز كىشىلەر بۇ قورىمىنى داۋاملىق يەپ بەرسە، بارغانسىرى ئۇرۇقلاپ كىتىدۇ. بۇندىن باشقا، كاۋا پىلىكىنىڭ يەنە، بەدەندىكى ئەركىن رادىكاللارنى تازىلاش، تىرە رىئاكسىيە قىلىشنىڭ ئالدىنى ئېلىش قاتارلىق رولىمۇ بار.

   كىتەرلىك ماتىريال:  كاۋا پىلىكى، سامساق، تۇز

   ئالدى بىلەن، كاۋا پىلىكىنىڭ سىرتقى بىر قەۋەت پوستىنى سويىۋىتىپ ۋە چوڭراق ياپراقلىرىنى ئېلىۋىتىپ، يۇمران غول قىسمى بىلەن يۇمران ياپرىقىنى قالدۇرغاندىن كىيىن، قولىمىزدىلا سۇندۇرۇپ بۆلەك ھالىتىگە ئەكىلىۋالىمىز ھەمدە پاكىزە يۇيۇمىز؛

    قازانغا مۇۋاپىق مىقداردا ماي قۇيۇپ قىزىتىپ، سامساقنى سېلىپ تەم چىقىرىمىز

   كاۋا پىلىكىنى سېلىپ، چوڭ ئوتتا قورۇيمىز؛ قورىغان ۋاقىتتا، كاۋا پىلىكىنىڭ رەڭگى تېخىمۇ ئۇچۇق يىشىل رەڭگە ئۆزگىرەيدۇ؛ كاۋا پىلىكى يۇمشاپ سۈيى چىققۇچە ئىزچىل تۈردە قورۇيمىز.

   ئاخىرىدا ئازراق تۇز قوشۇپ تەم تەڭشىگەندىن كىيىن، تەخسىگە ئۇسۇپ ئالساق بولىدۇ؛