ياز كۈنى كىرىش بىلەن، كۆكتاتلارنىڭ باھاسى تۆۋەنلەشكە باشلايدۇ؛ مانا بۇ، سەي كاۋىسىنىڭ باھاسىمۇ تۆۋەنلەپ كىتىپتۇ. ئەمىلىيەتتە، سەي كاۋىسى ئۆزى ئەرزان بولغان بىلەن، ئۇنىڭ ئۇزۇقلۇق قىممىتى ياخشى، قورۇما قورىساقمۇ، تامغاقنى چاكىلداتقۇدەك قورۇما بولىدۇ.

    ئادەتتە، بىز سەي كاۋىسى قورىغان ۋاقىتتا، ئۇنى قۇرۇقلا قورۇيمىز؛ بىراق ئەگەر، قورۇش جەريانىدا قازانغا بىر قۇشۇق قىيام قوشۇۋتسەك، باشقىچە بىر خىل تەمدىن ھۇزۇرلىنالايمىز.

قىياملىق سەي كاۋىسى قورىمىسىنى تەييارلاش ئۇسۇلى
   كىتەرلىك ماتىريال: سەي كاۋىسى، سېرىق پۇرچاق قىيامى، شىڭچۇۋ جىياڭيۇسى، تۇز، سامساق، شاكال بەدىيان، كىراخمال

تەييارلاش باسقۇچلىرى
   1. سەي كاۋىسىنى پاكىزە يۇيۇپ، ئوتتۇردىن يېرىپ تۆت پارچە قىلىمىز ۋە ئوتتۇرلۇقتىكى ئۇرۇغلىرىنى ئېلىۋىتىمىز.

   2. سەي كاۋىسىنى تۆۋەنىكى رەسىمدىكىگە ئوخشاش يانتۇ ھالەتتە توغرا تەييارلايمىز.

   3. كىراخمالنى ئازراق سۇغا چىلاپ، سۇ كىراخمالى قىلىپ تەييارلايمىز.

   4. قازاننى ئېسىپ قىزىتقاندىن كىيىن ماي قۇيۇپ، ماي قىزىغاندىن كىيىن ئاۋال شاكال بەدىياننى، كەينىدىن سامساقنى سېلىپ تەم چىقىرىمىز.

   5. سەي كاۋىسىنى قازانغا سېلىپ 30 سىكونت چوڭ ئوتتا قورۇيمىز.

   6. بىر قوشۇق سېرىق پۇرچاق قىيامى، ئازراق شىڭچوۋ جىياڭيۇسى، مۇۋاپىق مىقداردا تۇز قوشۇپ يەنە ئازراق قورۇپ، قىيامنىڭ تەم پۇرىقىنى چىقارغاندىن كىيىن ئازراق سۇ قۇيۇپ، تۇۋاقنى يېپىپ بىر مىنۇت دۈملەيمىز.

   7. بىر مىنۇت توشقاندىن كىيىن، كىراخمالنى سېلىپ، چوڭ ئوتتا نەچچە مالتىلاپ قورۇۋەتكەندىن كىيىن تەخسىگە ئۇسۇپ ئالساق بولىدۇ.