ھازىر جەمئىيەتتە، تاشقى قىياپىتىگە بەكرەك ئەھمىيەت بىرىدىغان بولۇپ قېلىنىدى؛ شۇڭا بۇ سەۋەپلىك، گۈزەللىككە ئىنتىلىدىغان خانىم-قىزلىرىمىز، ئۇرۇقلاشنى ئۆمۈرلۈك كەسلىپ قىلىۋالماقتا. بولۇپمۇ ھازىرقىدەك ياز كۈنلىرىدە، بەدەننىڭ ئېچىلىپ تۇرىدىغان يەرلىرى نىسبەتەن كۆپ بولغاچقا، ئۇرۇقلاش، نۇرغۇن كىشىلەرنىڭ تېخىمۇ مۇھىم كۈن تەرتىۋىگە تىزىلىپ بولدى. بىراق، ئۇرۇقلايمەن دەپ ھەركۈنى تاماق ئىستىمالىنى ئازايتىۋەرسەك، ئۇزۇقلۇق يىتىشمەسلىك شەكىللىنىپ، سالامەتلىككە تەسىر يىتىشى مۇمكىن. شۇڭا بۈگۈن كۆپچىلىكنىڭ دىققىتىگە، سىزنى ئاچ قويمايدىغان ھەمدە ئۇرۇقلاش ئۈنۈمىگىمۇ يەتكۈزەلەيدىغان بىر خىل قورىمىنى تۇنۇشتۇرۇپ ئۆتىمىز.

    بەرەڭگە بىلەن كۆكمۇچ ئەڭ ياخشى ھەمرالاردىن بولۇپ، بۇ ئىككى خىل كۆكتاتنى بىللە قورۇپ ئىستىمال قىلغاندا، تەبىئى كەلگەن ئىچ سۈرۈش دورسىنىڭ ئۈنۈمىنى كۆرسىتەلەيدۇ؛ بۇ خىل قورىمىنى ھەمىشە ئىستىمال قىلىپ بەرگەندە، ئۈچەي يوللىرىدىكى قالدۇق ئەخلەتلەرنى ھەيدەپ، بەدەن ئېغىرلىقىڭىزنى چۈشىرىدۇ. بۇنىڭ بىلەن بىرگە، بۇ ئىككى خىل كۆكتات تەركىبىدىكى ۋىيتامىن C بىلەن كاروتىن ماددىسى، ئاشقازان سۇيۇقلۇقىنىڭ ئاجرىلىپ چىقىشىنى ئىلگىرى سۈرۈپ، بەدەندىكى مايلارنى ئىرىتىپ يوقىتىش رولىنى ئوينايدۇ.

   كۆكمۇچ بەرەڭگە قورۇمىسىنى تەييارلاش ئۇسۇلى
    1. ئالدى بىلەن بەرەڭگىنى ئاقلاپ پاكىز يۇغاندىن كىيىن، نىپىز ياپراقچە ھالىتىدە توغراپ ئىشلىتىش ئۈچۈن ئېلىپ قويىمىز؛ كۆكمۇچىنى يۇيۇپ پاكىزلىغاندىن كىيىن، بېغىچىنى ۋە ئىچىدىكى ئۇرۇغلىرىنى ئېلىۋىتىپ، پارچە ھالىتىدە توغراپ ئىشلىتىش ئۈچۈن ئېلىپ قويىمىز.
    2. قازانغا ماي قۇيۇپ قىزىتقاندىن كىيىن، ئالدى بىلەن غولپىياز ۋە سامساقلارنى سېلىپ تەم چىقىرىمىز.

    3. كەينىدىن توغراپ تەييارقىلغان بەرەڭگىنى سېلىپ چوڭ ئوتتا قورۇيمىز.
    4. تەخمىنەن بىر مىنۇت ئەتراپىدا قورىۋەتكەندىن كىيىن، ئازراق پۇرچاق بوتقىسى قوشۇپ، داۋاملىق قورۇپ تەكشى ئارىلاشتۇرىمىز؛ كەينىدىن ئۇلاپلا توغرالغان كۆكمۇچىنى سېلىپ قورۇيمىز.
    5. ئاخىرىدا، قازان ئىچكى دىۋارىنى بويلىتىپ ئازراق سۇ قۇيۇپ، چوڭ ئوتتا قورۇپ سۈيى تۈگىگەندىن كىيىن قاچىغا ئۇسۇپ ئالساق بولىدۇ.