پەمىدۇر، تۇرمۇشىمىزدا ئەڭ كۆپ ئۇچرايدىغان كۆكتاتلارنىڭ بىرى؛ ئۇنىڭ ئۈستىگە، پەمىدۇرنىڭ ئۇزۇقلۇق قىممىتى ئىنتايىن يۇقىرى بولۇپ، دائىم پەمىدۇر ئسىتىمال قىلىپ بەرگەندە، تۆۋەندىكىدەك پايدىلىق تەرەپلىرى بار:
   1. تىرە كىسەللىكلىرىنى ياخشىلاش
   2. ھۆسىن گۈزەللەشتۈرۈپ قېرىشنىڭ ئالدىنى ئېلىش
   3. راك كىسەللىكىنىڭ ئالدىنى ئېلىش
   4. يۇقىرى قان بېسىمنى ياخشىلاش
   5. قان ئازلىقنى ياخشىلاش
   6. يارىنى ياخشىلاش
   7. جىگەر ياللۇغىنى ياخشىلاش
   8. ئىسسىق ئۆتۈپ قېلىشنىڭ ئالدىنى ئېلىش
   9. قىزىتما قايتۇرۇش
   10. چىش مىلىكى قاناشنى ياخشىلاش

   بىز كۈندە دىگۈدەك پەمىدۇر ئسىتىمال قىلىمىز؛ بىراق، ئادەتتە ئەڭ كۆپ ئۇچرايدىغان پەمىدۇر ئىستىمال قىلىش ئۇسۇلى، پەمىدۇرنى تۇخۇم بىلەن قورۇش ياكى سۇغۇق سەي قىلىش قاتارلىقلار نەچچە خىللا بولىدۇ. بۇ سەۋەپلىك، بۈگۈن كۆپچىلىكنىڭ دىققىتىگە، پەمىدۇرنىڭ يىڭى بىر خىل تەييارلاش ئۇسۇلى—پەمىدۇر دۇفۇ بوتقىسى تەييارلاش ئۇسۇلىنى تۇنۇشتۇرۇپ ئۆتىمىز.
كىتەرلىك ماتىريال: پەمىدۇر، دۇفۇ(پۇرچاق ئۇيۇتمىسى)، تۇخۇم
خۇرۇچ ماتىريالى: غولپىياز، سامساق، تۇز، كىراخمال، كۈنجۈت مېيى، يۇمغاقسۈت

تەييارلاش ئۇسۇلى
   1. دۇفۇنى تۆت بۇرجەك پارچە ھالىتىدە توغرايمىز؛ پەمىدۇرنى قوشۇش شەكلىدە بىر تىلىۋەتكەندىن كىيىن قايناقسۇغا چىلاپ ئېلىپ، پستىنى سويىۋىتىپ، كىچىك پارچە ھالەتتە توغراپ تەييارلايمىز.

   2. غولپىيازنى يانتۇ بۆلەك ھالىتىدە توغرايمىز؛سامساقنى ياپراقچە ھالىتىدە توغرايمىز؛ يۇمغاقسۈتنى قىسقا بۆلەك ھالىتىدە توغرايمىز؛ بىر قاچىغا تۇخۇمدىن ئىككىنى چېقىپ قوچۇپ تەييارلايمىز.

   3. قازانغا ماي قۇيۇپ قىزىتقاندىن كىيىن، غولپىياز بىلەن سامساقنى سېلىپ تەم چىقىرىمىز؛ كەينىدىن پەمىدۇرنى سېلىپ قورۇپ شەربىتىنى چىقارغاندىن كىيىن، دۇفۇنى سېلىپ تەكشى ئارىلاشتۇرۇپ قورۇيمىز.

   4. مۇۋاپىق مىقداردا سۇ قۇيۇپ ئىككى مىنۇت قايناتقاندىن كىيىن، چېقىپ قوچۇپ تەييارلىغان تۇخۇمنى قۇيىمىز ھەمدە بىر تەرەپتىن قۇيغاچ بىر تەرەپتىن مالتىلاپ تەكشى ئارىلاشتۇرىمىز.

   5. ئۈستىگە ئازراق تۇز، سۇلۇق كىراخمال، ئاز مىقداردا كۈنجۈت مېيى قوشۇپ تەم تەڭشەيمىز؛ كەينىدىن ئۈستىگە ئازراق يۇمغاقسۈت سېپىۋىتىپ قاچىغا ئۇسسۇپ ئالساق بولىدۇ.