تاغ موگوسى ئادەتتە ئاق موگو دەپمۇ ئاتىلىدىغان بولۇپ، تۇرمۇشتا كۆپ ئۇچرايدىغان ئىستىمال زەمبۇرۇغ تۈرىنىڭ بىرخىلى؛ ئۇنىڭ تەييارلاش ئۇسۇللىرى كۆپ، تەمى يىڭى، ئايرىم قورۇما قورۇشقىمۇ ياكى شورپا قاينىتىپ ئىچىشكىمۇ بولىدۇ، ئۇنىڭ ئۈستىگە ئۇزۇقلۇق قىممىتى ئىنتايىن يۇقىرى. بۈگۈن كۆپچىلىكنىڭ دىققىتىگە، بۇ خىل تاغ موگوسى بىلەن مۇناسىۋەتلىك بولغان بىر قورۇمىنى—كۆكمۇچ تاغ موگوسى قورۇمۇسى تەييارلاش ئۇسۇلىنى تۇنۇشتۇرۇپ ئۆتىمىز. بۇ خىل قورىمىنىڭ تەمى تەملىك ھەم يىيىشلىك بولۇپلا قالماي، ئۇنىڭ يەنە راكقا قارشى تۇرۇش ۋە راكنىڭ ئالدىنى ئېلىش، ئۇرۇقلىتىش قاتارلىق ئۈنۈملىرى بار.

    كىتەرلىك ماتىريال: كۆكمۇچ، تاغ موگوسى، ئىستىمال مېيى، شىڭچوۋ جىياڭيۇسى، غولپىياز مايسىسى، تۇز، شىكەر
   تەييارلاش ئۇسۇلى: كۆكمۇچنى يۇيۇپ پاكىزلاپ، بېغىچىنى ۋە ئىچىدىكى ئۇرۇقىنى ئېلىۋەتكەندى كىيىن، چوڭراق پارچە ھالەتتە توغراپ (ياكى قولىمىزدا بىۋاستىلا تىتىپ ئاجراتساقمۇ بولىدۇ)تەييارلايمىز؛ تاغ موگوسىنى يۇيۇپ پاكىزلاپ، ئازراق تۇز قوشۇلغان سۇغا 15مىنۇت چىلاپ قويغاندىن كىيىن سۈزۈپ ئېلىپ، پارچە ھالەتتە توغراپ تەييارلايمىز. غولپىياز مايسىسىنى چانالغان ئۇششاق ھالەتتە توغرىۋالىمىز.

    قازاننى قىزىتقاندىن كىيىن، مۇۋاپىق مىقداردا ماي قۇيۇپ، ماينىڭ قىزىشىنى ساقلىمايلا غولپىياز مايسىسىنى سېلىپ، ئوتتۇرا دەرىجىلىك ئوتتا قورۇپ تەم چىقىرىمىز؛ كەينىدىن توغراپ تەييارلىغان تاغ موگوسىنى سېلىپ، ئوتنى چوڭ ئوتقا ئالماشتۇرۇپ قورۇيمىز؛ موگونىڭ پۇرىقى ئۆرلەپ چىققاندىن كىيىن كۆكمۇچنى سېلىپ، كۆكمۇچنىڭ رەڭگى زۇمرەتتەك يىشىل رەڭگە ئۆزگەرگۈچە توختىماستىن قورۇيمىز؛ كەينىدىن شىڭچو جىياڭيۇسى، مۇۋاپىق مىقداردا شىكەر ۋە تۇز قوشۇپ، مالتىلاپ تەكشى ئارىلاشتۇرۋەتكەندىن كىيىن تەخسىگە ئۇسۇپ ئالساق بولىدۇ.