بۈگۈن كۆپچىلىكنىڭ دىققىتىگە بىر يىشىل قورۇما تۇنۇشتۇرۇپ ئۆتمەكچى؛ بۇ كۆكتاتنىڭ ئۇزۇقلۇق قىممىتى يۇقىرى بولۇپ، تەييارلاش ئۇسۇلىمۇ كۆپ ھەم قولايلىق. بۇ كۆكتات دەل ئەركەك ئەمەن(茼蒿) بولۇپ، ئۇنى ئايرىم قورىساق ياكى تۇخۇم بىلەن بىللە قورىساقمۇ بولىدۇ. ئەركەك ئەمەننىڭ ئۈچەينى تازىلاپ زەھەر ھەيدەش، ئۆت ۋە ئاشقازاننى ساغلاملاشتۇرۇش، نىرۋىنى تىنچلاندۇرۇش قاتارلىق ئۈنۈملىرى بار. تۆۋەندە، كۆپچىلىكنىڭ دىققىتىگە ئەركەك ئەمەننىڭ ئايرىم قورۇش ئۇسۇلىنى تۇنۇشتۇرۇپ ئۆتىمىز.

    كىتەرلىك ماتىريال: ئەركەك ئەمەن، سامساق، ئىستىمال مېيى، تۇز
تەييارلاش ئۇسۇلى
    بىرىنچى قەدەمدە، ئەركەك ئەمەننىڭ سارغىيىپ قالغان يۇپۇرماقلىرى بولسا ئۈزۈپ ئېلىۋەتكەندىن كىيىن، يۇيۇپ پاكىزلايمىز؛ سامساقنى ئاقلاپ، ياپراقچە ھالىتىدە توغرىۋالىمىز.

    ئىككىنچى قەدەمدە، قازانغا ئازراق ماي قۇيۇپ قىزىتقاندىن كىيىن، ئالدى بىلەن سامساقنى سېلىپ تەم چىقىرىمىز، كەينىدىن ئەركەك ئەمەننى سېلىپ مالتىلاپ قورۇيمىز.