بەسەينىڭ ئەڭ ئومۇملاشقان يىيىش ئۇسۇللىرىنىڭ بىرى، پۇرچاق ئۇيۇتمىسى ۋە پىنتوزا بىلەن بىللە دۈملەش بولۇپ، ئۆزى قارىماققا ئاددى بىر تائام؛ ئەمما سىز راستىنلا بۇنى تەييارلاشنى بىلەمسىز؟ بۈگۈن كۆپچىلىكنىڭ دىققىتىگە بەسەي پۇرچاق ئۇتۇيمىسى دۈملىمىسىنىڭ تەييارلاش ئۇسۇلىنى تۇنۇشتۇرۇپ ئۆتىمىز؛ ئەگەر تۆۋەندىكى نوقتىلارنى ئىگەللىۋالسىڭىز، گۆش بەرسىمۇ ئالماشتۇرمايسىز، يىگەنسىرى يىگۈڭىز كىلىدۇ.

   ئالدى بىلەن بەسەينىڭ قاناتلىرىنى ئاجرىتىپ، ئىنچىكە قەلەمچە ھالىتىدە توغرىۋالىمىز؛ كەينىدىن ماي قازاننى قىزىتىپ، ئازراق قەنت ياكى شىكەر قوشۇپ قىرامغا ئايلاندۇرغاندىن كىيىن، ئۈستىگە ئازراق قايناقسۇ قۇيۇپ ئۇسۇپ ئېلىۋالىمىز.

   قازاننى قايتا ئېسىپ، زەنجىۋىل، سامساق ۋە غولپىيازلارنى سېلىپ تەم چىقىرىمىز.

   پۇرچاق ئۇيۇتمىسىنى سېلىپ تەكشى داغلاپ ساغارتىمىز؛ بۇنىڭدا پۇرچاق ئۇيۇتمىسى قېتىپ، كىيىنكى قەدەمدە قورۇپ دۈملىگەن ۋاقىتتا ئۇۋۇلۇپ كەتمەيدۇ.

    كەينىدىن مۇۋاپىق مىقداردا قايناقسۇ قۇيۇپ، ئالدىن چىلاپ قويغان پىنتوزىنى سالىمىز.

   توغراپ تەييار قىلغان بەسەي قەلەمچىسىنى قوشىمىز؛ مۇۋاپىق مىقداردا تۇز قوشىمىز؛ ئالدىدا تەييارلىغان شىكەر قىيامى سۈيىنى قۇيۇپ، 10مىنۇت دۈملەيمىز.

   ئاخىرىدا بەسەينىڭ يۇپۇرماق قىسمىنى سېلىپ، يەنە بەش مىنۇت دۈملەيمىز.