بالىلارنى قانداق باشقۇرغاندا ياكى قايسى ئۇسۇلدا تەربىيىلىگەندە، ئۇلار ئاندىن كەلگۈسىدە ياراملىق ئادەم بولالايدۇ؟ بۇ سۇئالغا نىسبەتەن ئەجدادلىرىمىز ئاللىبۇرۇنلا، "بالىنى ئۇرمىسا ئادەم بولماس" دىگەندىن ئىبارەت بىر خىل تۇنۇشنى يەكۈنلەپ چىققان؛ بىراق بۇ خىل ئۇسۇل راستىنلا ھەممە بالىلارغا ماس كىلەمدۇ؟ ئاتا-ئانىلار بالا تەربىيەلەشتە قاتتىق قول بولۇپ، چىڭ باشقۇرۇش كىرەك؟ تۆۋەندە بىز كۆرسىتىپ ئۆتمەكچى بولغان، باشلانغۇچ مەكتەپ ئوقۇغۇچىسى، قولىغا پىچاق ئېلىپ، پىچاقنى ئانىسىغا سانجىغان بۇ ۋەقەلىكنى ئاڭلىسىڭىز، بەلكىم سىزنىڭ كۆڭلىڭىزدە ئاز تولا جاۋاپ پەيدا بولۇشى مۇمكىن.

    بۇ تېخى 2 كۈننىڭ ئالدىدا يۈز بەرگەن بىر ئىش. بۇ ۋەقەلىك ئاڭلىماققا قولىقىڭىزغا تۇنۇشتەك بىلىنىۋاتامدۇ؟ نەچچە كۈن ئىلگىرىمۇ مۇشۇنىڭغا ئوخشاش بىر ئىش بولغاندەك قىلغان؛ باشلانغۇچ مەكتەپ 6-يىللىقنىڭ ئوقۇغۇچىسى، ئۆز ئانىسى، پىچاق... ناھايىتى ئاددى كەلگەن بىر نەچچە سۆز ئىبارىلەر، ئادەمنىڭ تېنىنى شۈركەندۈرىدىغان، بۇنىڭ بىلەن بىرگە ئادەمنى ئويغا سالىدىغان بىر رىئاللىقنى تەشكىل قىلغان.

    باشلانغۇچ مەكتەپنىڭ 6-يىللىقىدا ئوقۇيدىغان بۇ ئوقۇغۇچى، كىچىكىدىن باشلاپ بىرەر قېتىممۇ ئىللىق مۇئامىلىگە ئۇچراپ باقمىغان بولۇپ، ئانىسى ئۇنى ئىنتايىن چىڭ باشقۇراتتى، ئازراقلا گەپ ئاڭلىماي قالسا ئۇنى ئۇرۇپ دۈشكەللەيتتى. بىراق ئانىسى ئۆزىمۇ ئويلاپ باقمىغان بولغىيتتى بەلكىم، ئانىنىڭ ئىككى كۈن ئىلگىرىكى ئاخىرقى قېتىملىق بالىسىنى ئۇرۇشى، ئۇنىڭ ئۆمۈرلۈك ھاياتىنىمۇ مۇددەتتىن بۇرۇن ئاخىرلاشتۇردى ھەمدە غۇنچىسى ئېچىلماي تۇرۇپ توزىغان گۈلدىن بىرنى بۇ دۇنيادا قالدۇردى. بۇ بالا قورقۇنچلۇقمىكەن؟ ئەلۋەتتە قورقۇنچلۇق، لىكىن ئانىسىچۇ؟

    بۇ قېتىمقى ۋەقەنىڭ كونكىرتنى نەتىجىسى تېخى چىقمىدى؛ بىراق مەكتەپ تەرەپتىن ئىگىلىگەن ئەھۋالغا ئاساسلانغاندا، بالىنىڭ مەكتەپتىكى ئىپادىسى ئىنتايىن نورمال بولۇپ، ھېچقانداق غەلىتە ئەھۋاللار كۆرۈلمىگەن ئىكەن. ئۇنداقتا بالا ۋە ئانىنى بۇنداق ئاقىۋەتكە قويغان زادى نىمە؟ نورمالنى ئەھۋال ئاستىدا، 6-يىللىقتا ئوقۇيدىغان بالىلارنىڭ ياش مەزگىلى دەل ئانىسىغا زىيادە ئامراقلىق قىلىپ، ئانىسىنىڭ يېنىدىن كەتمەيدىغان مەزگىلى بولۇپ، بۇنداق ئاقىۋەتنىڭ كىلىپ چىقىشىغا ئادەمنىڭ ئەقلى يەتمەيدۇ. چۈنكى بۇ قېتىملىق ۋەقەلىكنىڭ ئاساسلىق سەۋەبى ئانىنىڭ بالىسىنى زىيادە چىڭ باشقۇرغانلىقى ئىدى.