ئىمىتىش مەزگىلى ئاياللارنىڭ ئۆز سۈتى بىلەن بوۋاق بالىلارنى ئىمىتىش مەزگىلىنى كۆرسىتىدىغان بولۇپ، ئادەتتە 18 ئاي ئەتراپىدا داۋاملىشىدۇ. بۇ مەزگىل بوۋاقلارنىڭ ئانىسىنىڭ ئاسرىشى ئاستىدا تىز سۈرئەتتە ئۆسۈپ-يىتىلىدىغان مەزگىلى بولۇپ، ئانا سۈتى بىلەن ئۇزۇقلاندۇرۇلۇپلا قالماي، بۇ يەنە ئانىسىنىڭ ساغلام ھەم خۇشال كەيپىياتى ئاستىدا ئانا-بالا ھىسيات ئالماشتۇرىدىغان ھالقىلىق مەزگىل ھىسابلىنىدۇ. بالا ئىمىتىش مەزگىلىدە قوساق كۆتۈرۈش، بوۋاقلارنىڭ "ئاشلىقىنى" ئۈزۈپ قويۇپلا قالماستىن، ئانىنىڭ قورساق كۆتۈرۈش جەريانىدا تارتقان ئازابى، بوۋاقنىڭ ھىسيات جەھەتتىكى يىتىلىشىگە تەسىر يەتكۈزىدۇ.

     ئىمىتىش مەزگىلىدە، گەرچە ھەيىز كەلمىسىمۇ، ئەمما تۇخۇم ئىشلەپچىقىرىش نورمال بولىدۇ، شۇڭلاشقا ئوخشاشلا ھامىلدار بولۇپ قىلىش ئىھتىماللىقى بولىدۇ؛ ئۇنىڭ ئۈستىگە، ئىمىتىش مەزگىلىدە قورساق كۆتۈرۈشنىڭ ئاياللارغا بولغان زىيىنى ناھايىتى چوڭ بولىدۇ.
    1. ئىمىتىش مەزگىلىدىكى ئاياللارنىڭ بەدىنى ئاجىز كىلىدۇ؛ ئالدىنقى قېتىملىق قورساق كۆتۈرۈشتە توختاپ قالغان ھەيىز تېخى ئەسلىگە كەلمىگەنلىكتىن، بالىياتقۇ ھەمرىيى چاپلاشقان جايدىكى بالىياتقۇ ئىچكى پەردىسى ناھايىتى ئاجىز كىلىدىغان بولۇپ، ئاسان يۇقۇملىنىدۇ، بۇنداق ئەھۋالدا، قوغدىنىش ۋاستىلىرى قوللىنىلمىغان جىنسىي تۇرمۇش، ئاسانلا داس بوشلۇقى ياللۇغى كەلتۈرۈپ چىقىرىدۇ.
    2. ئىمىتىش مەزگخلىدىكى ئاياللارنىڭ بالىياتقۇسى تېخى تۇلۇق ئەسلىگە كىلىپ بولالمىغان بولۇپ، چوڭ ھەم يۇمشاق كىلىدۇ؛ بۇنداق ئەھۋالدا قورساق كۆتۈرگەندە، ئەگەر بالا چۈشۈپ كىتىپ قالسا، بالىياتقۇ ئاسانلا تىشىلىپ كىتىدۇ ھەمدە بالىياتقۇ ھەمرىيى چاپلىشىپ قالىدىغان ۋە بالىياتقۇ ھەمرىيى تەتۈر كىلىدىغان ئەگەشمە كىسەللىكلەرنى پەيدا قىلىپ، چوڭ دەرىجىدە قان كىتىش ئىھتىماللىقى پەيدا قىلىدۇ، ھەتتا بالىياتقۇنى كىسىپ ئېلىۋىتىش خەۋپى تۇغۇلىدۇ.
    3. ئىمىتىش مەزگىلدە قورساق كۆتۈرگەندە، قان ئازلىق كىسىلىگە گىرىپتار بولۇش ئىھتىماللىقى يۇقىرى بولۇپ، بەدەننىڭ كىسەلگە قارشى تۇرۇش كۈچى تۆۋەنلەپ، قورساقتىكى ھامىيلىنىڭ ئۆسۈپ-يىتىلىشىگە پايدىسىز بولىدۇ.

     4. ئىمىتىش مەزگىلىدە قورساق كۆتۈرۈش، ئىمىۋاتقان بالىنى ئىمىشتىن توختاشقا مەجبۇر قىلىدىغان بولۇپ، ئۇلارنىڭ نورمال ئۆسۈپ يىتىلىشىگە پايدىسىز بولىدۇ.
    5. ئىمىتىش مەزگىلىدە قورساق كۆتۈرۈش، ئاياللارنىڭ جىسمانى ۋە روھى جەھەتتىكى يۈكىنى ئېغىرلىتىۋىتىدىغان بولۇپ، كىسەللىك يۇشۇرۇن خەۋپى ئېلىپ كىلىدۇ.
    6. ئوپراتسىيە قىلىش ئارقىلىق تۇغقان ئاياللاردا، ئىمىتىش مەزگىلىدە قورساق كۆتۈرسە، بالىياتقۇنىڭ ئۆزلىكىدىن يېرىلىش خەۋپى تۇغۇلۇپ، ئانا بالىنىڭ ھاياتىغا خەۋپ يىتىدۇ.
    شۇنىڭ ئۈچۈن، تۇغۇتتىن كىيىنكى ئۈچ ئاي ئىچىدە ئەر-خوتۇنلۇق تۇرمۇشى ئېلىپ بارماسلىق تەۋسىيە قىلىنىدۇ؛ 3 ئايدىن كىيىنكى ئەر-خوتۇنلۇق تۇرمۇشىدا ھامىلدارلىقتىن ساقلىنىش قورالىنى چوقۇم ئىشلىتىش كىرەك؛ ئادەتتە، ھەيىز ئەسلىگە كەلگەندىن كىيىن، نورمال ئەر-خوتۇنلۇق تۇرمۇشى ئېلىپ بارساق بولىدۇ، ئەمما ھامىلدارلىقتىن ساقلىنىشنى تۇغۇتتىن كىيىنكى ئىككى يىلغىچە داۋاملاشتۇرۇش كىرەك.