بەلكىم سىزمۇ ئۇچرىغان بولۇشىڭىز مۇمكىن! نۇرغۇن بالىلاردا چىشى چۈشۈپ كەتمەي تۇرۇپ، ھازىرقى چىشىنىڭ كەينىگە چىش چىقىپ، ئىككى رەت چىشى بار بولۇپ قالىدۇ؛ ئۇنداقتا بۇ زادى نىمە ئۈچۈن؟ بۇنىڭدا، ئاتا-ئانىلار ئالدى بىلەن ئۆزىدىن "بالىلارنىڭ يىمەكلىكىنى بەك يۇمشاق قىلىۋەتتىممۇ نىمە" دەپ سوراپ بېقىشى كىرەك. بالىلارغا ھەر كۈنى شورۋىگۈرۈچ بىلەن بولكا يىگۈزۈش، مىۋە-چىۋىلەرنىمۇ ئۇششاق توغراپ بىرىش، قاتتىق يىمەكلىكلەرنى چىشىنى ئاغرىتىدۇ دەپ بالىلارغا بەرمەسلىك....، يىمەكلىك بەك يۇمران ۋە يۇمشاق ياكى چاينىمىسىمۇ يۇتۇۋەتكىلى بولىدىغان بولۇش، ئىككى رەت چىش چىقىش ھادىسىسىنى كەلتۈرۈپ چىقىرىدىغان ئەڭ كۆپ ئۇچرايدىغان سەۋەپ.

     ئادەتتە كۆكتات ۋە گۆش توغرايدىغان قىڭراقلارنى قانچىكى ئىشلەتسەك شۇنچە ئىتتىك كىسىدىغان بولىدۇ، ئەمما ئۇزۇن مەزگىل ئىشلەتمەي قويۇپ قويساق، ئەكسىچە گاھالشىپ كەسمەيدىغان بولۇپ قالىدۇ، بالىلارنىڭ چىشىمۇ شۇنىڭغا ئوخشاش بولىدۇ. ئەگەر بالىلار ياخشى بولغان چايناش ئادىتى يىتىلدۈرمىسە، ئۇلارنىڭ سۈت چىشى يىتەرلىك فىزىلوگىيىلىك غىدىقلاشقا ئىرىشەلمەي، ئۆزلىكىدىن چۈشۈپ كىتىدىغان مەزگىل يىتىپ كەلسىمۇ، يەنىلا چۈشۈپ كەتمەيدۇ. بۇنداق ئەھۋالدا ئۆمۈرلۈك چىش ئۆسۈپ چىقماقچى بولغاندا، چىقىدىغان يەر تاپالماي، ئامالسىز چىش مىلىكىنىڭ يان تەرپىدىن ئۆسۈپ چىقىشقا مەجبۇر بولىدۇ.