مۇناسىۋەتلىك بىر تەتقىقات نەتىجىسىدە كۆرسىتىلىشىچە، دادا ئاكتىپلىق بىلەن ئائىلە تەربىيىسىگە قاتناشقا ئائىلىدىكى بالىنىڭ، ھەمكارلىق ۋە ئىجتىمائى ئالاقە ئىقتىدارى تېخىمۇ يۇقىرى سەۋيىلىك ھالەتتە ئىپادىلىنىپ چىقىدىغان بولۇپ، مەسىلە كۆرۈلىدىغان قىلمىشلاردا بولۇش نىسبىتىمۇ بىر قەدەر تۆۋەن بولىدىكەن. يەنە باشقا بىر تەكشۈرۈپ تەتقىق قىلىشتا كۆرسىتىلىشىچە، دادىنىڭ دائىم بالىسىغا ھەمرا بولۇپ بىرىشى، بالىلارغا بولغان قىممەت قارىشى تەربىيىسىگە قارىتا ئىنتايىن مۇھىم ئىكەن.

   ئەگەر سىز ئوغلىڭىزنى كەلگۈسىدە ياراملىق بىر ئادەم بولۇپ يىتىشىپ چىقسىكەن دەپ ئۈمىد قىلسىڭىز؛ ئەگەر سىز قىزىڭىزنىڭ كەلگۈسىدە بەخىتلىك تۇرمۇش كەچۈرۈشىنى ئارزۇ قىلسىڭىز؛  ئەگەر سىز بالىلارنىڭ كۆڭلىدە مۇنەۋۋەر بىر دادىلىق ئوبرازىم بولسىكەن دەپ ئويلىسىڭىز، ئۇنداقتا بۈگۈندىن باشلاپ ياخشى بىر دادا بولۇپ، بالىڭىزغا كۆپرەك ھەمرا بولۇڭ!

    1. بالىڭىز بىلەن بىللە لەگلەك ئۇچۇرۇڭ؛
    2. بالىڭىز بىلەن بىللە مۆكۈ-مۆكۈلەڭ ئويناڭ؛
    3. بالىڭىزغا ھەمرا بولۇپ، كاۋچۇڭ لايدىن شەكىللەرنى ياساپ ئوينىشىپ بىرىڭ؛
    4. بالىڭىز بىلەن بىللە رەسىم كىرىشتۈرۈش ئويۇنى ئويناڭ؛
    5. بالىڭىزغا ئاز دىگەندىمۇ بىر خىل شاھمات تۈرى ئويناشنى ئۈگىتىڭ؛
    6. بالىڭىز بىلەن بىللە "ئەمەلگە ئاشمايدىغان خىياللار"نى قىلىڭ؛
    7. بالىڭىز بىلەن بىللە، ئەقلى-ئىقتىدارغا پايدىلىق بولغان ئويۇنلارنى كۆپرەك ئويناڭ؛
    8. بالىڭىزنى ئېلىپ، ئۇنىڭ بىلەن بىللە بەدەن چېنىقتۇرۇڭ؛
    9. تاماقتىن كىيىن بالىڭىز بىلەن بىللە سەيلە قىلىڭ؛
    10. بالىڭىزغا ھەمرا بولۇپ ھايۋاناتلار باغچىسىغا بېرىڭ؛

    11. قار ياغقاندا، بالىڭىزغا قار بوۋاي ياسىشىپ بىرىڭ؛
    12. بالىڭىزغا ھەمرا بولۇپ، كىچىك ھايۋاناتلارنى كۆزىتىڭ؛
    13. بالىڭىز بىلەن بىللە كىتاپ ئوقۇشنىڭ ھۇزۇرىنى سۈرۈڭ؛
    14. بالىڭىز بىلەن بىللە، ئۆي سىرتىدىكى پائالىيەتلەرنى ئۆتكۈزۈڭ؛
    15. ھەر يىلى بالىڭىز بىلەن بىرلىكتە، بىر قېتىملىق ئۇزۇن مۇساپىلىك ساياھەت ئېلىپ بېرىپ، ئۇلارنىڭ نەزەر دائىرىسىنى كېڭەيتىڭ؛
    16. بالىڭىزغا ھەمرا بولۇپ، كىتابخانىلارنى ئارىلاڭ؛
    17. بالىڭىزنى موزىينى ئىكىسكۇرسىيە قېلىشقا ئېلىپ بېرىڭ؛
    18. بالىڭىزنى ئېلىپ، ئۇنىڭ بىلەن بىرلىكتە سىرلىقلىققا تولغان سەنئەت دۇنياسىنى ھىس قىلىشقا بېرىڭ؛
    19. بالىڭىزنى داڭلىق ئالىي مەكتەپلەرنى ئىكىسكۇرسىيە قىلىشقا ئېلىپ بېرىڭ؛
    20. بالىڭىز بىلەن بىللە ساخاۋەت ئىشلىرى بىلەن شۇغۇللىنىپ، ئۇلارنىڭ ئاق كۆڭۈللۈك خارەكتىرىنى يىتىلدۈرۈڭ؛

    21. دائىم بالىڭىزغا ھىكايە سۆزلەپ بىرىڭ؛
    22. بالىڭىزغا ئۆزىڭىزنىڭ خىزمىتى ھەققىدە سۆزلەپ بىرىڭ؛
    23. بالىڭىز بىلەن بىللە، ئايالىڭىز ئۈچۈن تۇغۇلغان كۈنلۈك سوۋغىتى تەييارلاڭ؛
    24. بالىڭىز بىلەن بىللە ئۆگىنىش پىلانى تۈزۈپ چىقىڭ؛
    25. بالىڭىز بىلەن بىللە كەچلىك تاماق تەييارلاڭ؛
    26. بالىڭىز بىلەن بىللە چوڭلارغا بولغان ۋاپادارلىقىڭىزنى ئىپادىلەڭ؛
    27. بالىڭىزغا ھەمرا بولۇپ، ھەر خىل مۇسابىقىلەرنى كۆرۈپ تاماشا قىلىڭ؛
    28. بالىڭىز بىلەن بىللە مۇزىكا ئاڭلاڭ؛
    29. بالىڭىز بىلەن بىللە تاغقا يامىشىش ھەرىكىتى ئېلىپ بېرىڭ؛
    30. بالىڭىز بىلەن بىللە باغۋەنچىلىكنىڭ خۇشاللىقىنى بېشىڭىزدىن ئۆتكۈزۈپ سىناپ كۆرۈڭ؛

    31. بالىڭىزغا ھەمرا بولۇپ، ئۇنىڭغا ۋەلىسپىت مىنىشنى ئۈگىتىڭ؛
    32. بالىڭىزنى مىھماندارچىلىقلارغا ئېلىپ بېرىپ، ئۇلارغا قائىدە-يۇسۇن ئۈگىتىڭ؛
    33. بالىڭىز بىلەن بىللە مىھمان كۈتۈڭ؛
    34. بالىڭىزنى ئېلىپ، خۇشاللىق تۇيغۇسىدىن بەھرىمان بولۇشنى سىناپ كۆرۈڭ؛
    35. بالىڭىزنىڭ ئايلىق پارچە خىراجىتىنىڭ سانىنى، ئۇنىڭ بىلەن مەسلىھەتلىشىپ بىكىتىڭ؛
    36. بالىڭىزغا بەزىبىر بىخەتەرلىك ساۋاتلىرىنى ئۆگىتىڭ؛
    37. بالىڭىز بىلەن بىللە قاتناش قائىدىلىرىگە رىئايە قىلىشنى ئۆگىنىڭ؛
    38. بالىڭىزغا ئاشلىقنىڭ قانداق كىلىدىغانلىقىنى كۆرسىتىپ قويۇڭ؛
    39. بالىڭىز بىلەن بىرلىكتە "تىجەشچان ئاۋانگارتلار"دىن بولۇشنى ئۆگىنىڭ؛
    40. بالىڭىز بىلەن بىللە غايە ھەققىدە مۇنازىرە ئېلىپ بېرىڭ؛

    41. بالىڭىز بىلەن بىللە، بۇزۇلغان ئويۇنچۇقلارنى رىمونت قىلىڭ؛
    42. بالىڭىز بىلەن بىللە ئەقىل سىناش مەسىلىلىرىنى ھەل قىلىڭ؛
    43. ئوڭۇشسىزلىقلارغا بالىڭىز بىلەن بىللە يۈزلىنىڭ؛
    44. بالىڭىزغا بايلىقنىڭ ئەمگەك ئارقىلىق كىلىدىغانلىقىنى ئىنىق بىلدۈرۈڭ؛
    45. بالىڭىز بىلەن بىللە، كىرىم-چىقىمنى خاتىرلەپ مېڭىڭ؛
    46. بالىڭىز بىلەن بىللە ئۆي تۇتۇپ، ئۇنىڭغا ئۇن، ياغ، گۈرۈچ دىگەنلەرنىڭ ئاسان قولغا كەلمەيدىغانلىقىنى بىلدۈرۈپ قويۇڭ؛
    47. بالىڭىزنى نەرسە-كىرەك سېتىۋىلىشقا بىللە ئېلىپ بېرىڭ، ھەمدە ئاۋال ئۇنىڭ بىلەن بىللە نەرسە-كىرەك سېتىۋىلىش خامچوتىنى تۈزۈپ چىقىڭ؛
    48. بالىڭىزغا ھەمرا بولۇپ، ئاددى ئەمما مەنىلىك بولغان تۇغۇلغان كۈن خاتىرسى ئۆتكۈزۈڭ؛
    49. ھەمىشە بالىڭىز بىلەن قۇچاقلىشىپ قويۇڭ؛
    50. بالىڭىزغا ۋەدە بەرگەن ئىشنى چوقۇم ئەمەلگە ئاشۇرۇڭ!