بوۋاقلارنى ئۇزۇن مەزگىل قۇچاقتا كۆتۈرۋىلىش، ئۇلارنىڭ تەبىئى ئۆسۈش قانۇنىيىتىگە خىلاپ كىلىدۇ. بەزى بوۋاقلار ئانىسىنىڭ قۇچىقىدا ئۇخلاشقا ئادەتلەنگەن، ئەمما بۇ خىل ئەھۋال ئۇزۇن مەزگىل داۋاملاشسا، ئۇلار باشقىلارغا تايىنىۋالىدىغان، قۇچىقىغا ئېلىپ كۆتۈرمىسە ئۇخلىمايدىغان بولىۋالىدۇ. يىڭى تۇغۇلغان بوۋاق ھەركۈنى ئوتتۇرىچە ھىساپتا 20 سائەت ئەتراپىدا ئۇخلايدىغان بولۇپ، ئۇلار 6 ئايلىق بولغاندا بولسا، ھەر كۈنى ئوتتۇرىچە ھىسابتا 16 سائەت ئۇخلايدۇ. بوۋاق ئادەتتە 2 ئايلىق بولغان مەزگىللىرىدە ھەر كۈنى ئۇنى قۇچاقتا كۆتۈردىغان ۋاقىت ئىككى سائەتتىن ئېشىپ كەتمەسلىكى كىرەك. بۇندىن باشقا، بوۋاقلارنىڭ سۆڭىكىنىڭ ئۆسۈشى ناھايىتى تىز بولىدىغان بولغاچقا، ئەگەر ئۇلارنى كۈندە ئۇزۇن ۋاقىت قۇچاقتا كۆتۈرۋالساق، ئۇلارنىڭ سۆڭىكىنىڭ نورمال ئۆسۈپ-يىتىلىشىگە تەسىر كۆرسىتىدۇ.

    بالىلارنى قۇچاقتا كۆتۈرۈشتە، تۆۋەندىكى ئۈچ نوقتىغا دىققەت قىلمىقىمىز لازىم:
1. بوۋاقلار ئۇخلاپ قالغاندا، ئۇلارنى قۇچاققا ئېلىپ كۆتۈرۋالماسلىقىمىز لازىم.
    ئاتا-ئانىلار بوۋاقنى قۇچاققا ئېلىپ كۆتۈرگەندە، ئەڭ ياخشىسى "ھەمىشە كۆتۈرۈش، ھەر قېتىمدا قىسقا ۋاقىت كۆتۈرۈش" پوزۇتسىيىسىنى تىكلەش لازىم؛ يەنى، بوۋاقنى دائىم قۇچاققا ئېلىپ كۆتۈرۈپ بىرىش، ئەمما ھەر قېتىمدا 5-3مىنۇتتىن ئاشۇرۋەتمەسلىك لازىم، بۇنىڭدا بوۋاقلار سىزنىڭ ئۇنىڭغا بولغان مۇھەببىتىڭىزنى ھىس قىلالايدۇ ھەمدە بىخەتەرلىك تۇيغۇسىغا ئىگە بولالايدۇ. بوۋاقلاپ ئۇخلاپ قالغاندا ئۇلارنى ئۇزۇن ۋاقىت كۆتۈرۋالماڭ، بولسا ئەڭ ياخشىسى ئۇلارنى قۇچىقىڭىزغا ئېلىپ كۆتۈرمەڭ؛ بولمىغاندا بوۋاقلار قۇچاققا ئېلىپ كۆتۈرمىسە يىغلايدىغان يامان ئادەتنى يىتىلدۈرۋىلىشى مۇمكىن،  بۇندىن باشقا يەنە كەلگۈسىدىكى ئۆسۈپ-يىتىلىشىگە نۇرغۇن ئاۋارىچىلىقلارنى كەلتۈرۈشى مۇمكىن.

2. بوۋاقلارنى قۇچاققا ئېلىپ كۆتۈرۈشتىن ئاۋال قولنى يۇيماق لازىم.
    بوۋاقلارنى قۇچاققا ئېلىپ كۆتۈرۈشتىن بۇرۇن، ئاتا-ئانىلار قولىنى پاكىزە يۇيۇشى ۋە سائەت، ئۈزۈك، بىلەيزۈك قاتارلىق زىننەت بۇيۇملىرىنى ئېلىۋىتىش ھەمدە ئىككى قولى ئىسسىغاندىن كىيىن ئاندىن بالىنى كۆتۈرۈش لازىم؛ بۇنىڭدا بوۋاقنىڭ يۇمران تىرىسىنى زەخمىلەندۈرۈپ قويۇشتىن ساقلانغىلى بولىدۇ.

3. بوۋاقلارنىڭ كىيىمىنى رەتلەپ قويۇش لازىم.
    ئاتا-ئانىلار بوۋاقنى قۇچاققا ئېلىپ كۆتۈرمەكچى بولغاندا، چوقۇم ئالدىنئالا ئىھتىياتچانلىق بىلەن بالىنىڭ كىيىملىرىنى تۈزەشتۈرۈپ قويىشى، بوۋاقنىڭ كىيىملىرىنىڭ تۈرۈلۈپ قېلىپ بوۋاققا سۇغۇق ئۆتۈپ قېلىشتىن ساقلىنىشى لازىم. ئەگەر سىز بوۋاقنى ئېلىپ سىرتقا چىقماقچى بولسىڭىز، ئۇنداقتا سىز ئىسسىق ساقلايدىغان كىيىملەرنى تەييار قىلىپ، بوۋاققا زۇكام تىگىپ قېلىشنىڭ ئالدىنى ئېلىشىڭىز كىرەك.

   بوۋاقلارنىڭ بەدىنىنىڭ ئۆسۈپ-يىتىلىشى بەلگىلىك قانۇنىيەتكە بويسۇنىدىغان بولۇپ، ئادەتتە 2 ئايلىق بولغاندا بېشىنى كۆتۈرىدۇ، 3 ئايلىق بولغاندا ئۇيان-بۇيان ئۆرۈلۈشكە باشلايدۇ، 7 ئايلىق بولغاندا دومىلاشقا، 8 ئايلىق بولغاندا ئىمىلەكلەشكە باشلايدۇ... گەرچە رىئال تۇرمۇشىمىزدا، ھەر بىر بوۋاقنىڭ كونكىرتنى يىتىلىش باسقۇچىدا ئازدۇر-كۆپتۇر ئوخشىماسلىقلار بار بولسىمۇ، ئەمما ئومۇمى جەھەتتىن ئېلىپ ئېيتقاندا بەك چوڭ پەرقلەر بولۇپ كەتمەيدۇ. ئەگەر ئاتا-ئانىلار بوۋاقنى ئىزچىل تۈردە قۇچاققا ئېلىپ كۆتۈرۋالسا، ئۇنداقتا بۇ بوۋاقنىڭ ئۆسۈشى ۋە يىتىلىشىنى ئاستىلىتىپ قويىدۇ.

    نورمال ئەھۋال ئاستىدا، بوۋاقلار 8 ئايلىق بولغاندىن باشلاپ ئىمىلەكلەشكە باشلايدۇ؛ ئۇلار ئىمىلەكلەشنى ئۆگىنىۋالغاندىن كىيىن، ئاتا-ئانىلار ئۇلارغا ياردەملىشىپ مېڭىشنى ئۈگەتسەك بولىدۇ؛ بۇ بىر خىل تەدرىجى ھالدا ئېلىپ بېرىلىدىغان جەرياندۇر. ئاتا-ئانىلار ئۆزىنىڭ مۇھەببىتىنى دەپ، بوۋاقلارنىڭ نورمال ئۆسۈپ-يىتىلىشىگە تەسىر كۆرسەتمەسلىكى كىرەكتۇر.