شەنتۇ شەھرىدىكى 6 ياشلىق بىر قىز ئۆزى يالغۇچ سىرتقا چىققان ۋاقىتدا ئىھتىياتسىزلىقتىن زەخمىگە ئۇچرىغان بولۇپ، ئۇ دەسلىۋىدە ئىھتىياتسىزلىقتىن يېقىلىپ كەتكەنلىكىنى ئېيتقان؛ ئەمما كىيىنچە بۇ قىزدا نىرۋىسى قالايمىقانلىشىش كۆرۈلۈپ، ھوشىدىن كەتكەن. كىيىن بۇ قىز دوختۇرلار تەرپىدىن قۇتقۇزىۋىلىنغاندىن كىيىن، ئاندىن ھەقىقىي ئەھۋالنى ئاشكارىلىغان بولۇپ، ھەقىقى ئەھۋالنى ئاڭلاپ ئەتراپتىكى كىشىلەردىن يۈرىكى ئېچىشمىغان بىرمۇ ئادەم قالمىغان؛ لىكىن كىشىنى كۆڭلىنى تېخىمۇ يېرىم قىلىدىغىنى، داۋالاش كىچىكىپ قالغانلىقتىن، 6 ياشلىق بۇ قىز پۇتلىرىنىڭ كىسىلىپ كىتىش خەۋپىگە دۇچ كەلگەن.
   خۇنەنلىك تاڭ ئەپەندىم شەنتۇ شەھرىدە ئشىلەمچىلىك قىلىۋاتقىلى ئۇزۇن يىل بولغان بولۇپ، 9-ئاينىڭ 24- كۈنى كەچتە ئۇ 6 ياشلىق قىزى شىياۋ شۈەننى ئۆيىدە يالغۇز قالدۇرۇپ، دوستىنى يوقلاپ كىلىشكە كەتكەن.
  سەھەر سائەت بىردىن ئاشقاندا، شىياۋ شۈەن ئۆزى يالغۇز قورقۇپ، سىرتقا چىقىپ دادىسىنى ئىزدىمەكچى بولغان ھەمدە يېقىن ئەتراپتىكى تاغ باغرىدىن ئۆتۈۋاتقاندا ئىھتىياتسىزلىقتىن زەخمىلەنگەن بولۇپ، ئۇنىڭ جاراھىتى تىز سۈرئەتتە يامانلىشىپ، ھوشىدىن كەتكەن.

   شىياۋ شۈەننىڭ دادىسى تاڭ باۋشىنىڭ ئېيتىشىچە، قىز يېقىلىپ چۈشتۈم دەپ تۇرۋالغان بولغاچقا، دادىسى ئۇنى يېقىن ئەتراپتىكى دوختۇرخانىغا ئاپارغان. بۇ 9-ئاينىڭ 24-كۈنىدىكى ئەھۋال بولۇپ، ئۇ كۈنى دوختۇرلار ئۇنىڭغا ياللۇغ قايتۇرۇش قايتۇرۇش ئۇكۇلى سالغان. 25- چىسلا دوختۇرلار قىزنىڭ دادىسىغا قىزنىڭ جاراھىتىنىڭ يېقىلغان جاراھەت ئەمەسلىكى، يېقىلىپ چۈشسە بۇنداق ئېغىر ئەھۋال كۆرۈلمەيدىغانلىقىنى ئېيتقان. بۇ ۋاقىتتا قىز نىرۋىسى قالايمىقانلىشىپ ئىسىنى يوقىتىشقا ئاز قالغان بولۇپ، گەپ قىلىشنىمۇ خالىمايدىغان بولۇپ قالغان ئىدى ھەمدە ئۇنىڭ كۆزلىرىمۇ كەينىگە ئۆرۈلۈپ ئالىيىپ قالغاندەك كۆرۈنەتتى؛ بۇ ئەھۋالنى كۆرۈپ دادىسى قىزنى يەنە دوختۇرخانىغا ئېلىپ بېرىپ تەكشۈرتۈش قىلغاندا، قىزنىڭ ئەسلىدە يىرىڭدىن زەھەرلىنىش كىسىلى بولۇپ قالغانلىقى بايقالدى.

   كىيىن، شىياۋشۈەن شەنتۇ شەھەرلىك مەركىزى دوختۇرخانىغا يۆتكەپ ئېلىپ كىلىنىپ، مەزكۇر دوختۇرخانىدىكى دۇختۇرلار ئۇنىڭغا قارىتا قۇتقۇزۇش ئېلىپ بارغان. قۇتقۇزۇش ئارقىلىق قىزچاق ئاخىرى ھۇشىغا كەلگەن بولۇپ، بۇ ۋاقىتتا دوختۇرلار ئۇنىڭدىن سورىغان ۋاقىتتا، شىياۋ شۈەن ئاندىن ھەقىقى ئەھۋالنى ئاشكارىلاپ، ئۆزىنىڭ يېقىلىپ چۈشۈپ زەخمىلەنگەن ئەمەسلىكىنى ئېيتقان.

   ئەسلىدە، شىياۋ شۈەننى يىلان چېقىۋالغان بولۇپ، دوختۇرلار ئۇنىڭدىن ئۇنى قانداق يىلاننىڭ چېقىۋالغانلىقىنى سورىغان ھەمدە يانفوندا يىلانلارنىڭ رەسىمىنى چىقىرىپ ئۇنىڭغا كۆرسەتكەن؛ قىزچاق يانفوندىكى رەسىملەرنى كۆرۈپ، ئۆزىنى كۆزەينەكلىك يىلانغا ئوخشايدىغان بىر يىلاننىڭ چېقىۋالغانلىقىنى ئېيتقان.

   ئۇنداقتا بۇ قىزچاق ئالدىدا نىمە ئۈچۈن يالغان ئېيتىپ، ئۆزىنى ئىھتىياتسىزلىقتىن يېقىلىپ چۈشۈپ زەخمىلەندىم دەپ تۇرۋالىدۇ؟ ئەسلىدە، ئەمدىلا 6 ياشقا كىرگەن بۇ كىچىك قىز ئائىلىسنىڭ ئىقتىسادى ئەھۋالىنىڭ ياخشى ئەمەسلىكىنى بىلىدىغان بولۇپ، ئۇنىڭ دىيىشىچە، ئۇ دادىسىغا ئاز بولسىمۇ داۋالىنىش ھەققىنى تىجەپ بىرىش ئۈچۈن، ئۆزىنى يىلان چېقىۋالغانلىقىنى ئېيتمىغان ئىكەن.

   قىزچاق ھەقىقى ئەھۋالنى ئاشكارىلىغاندىن كىيىن، ئەتراپتىكىلەرنىڭ ھەممىسىنىڭ ئۇ قىزغا ئىچى ئاغرىپ يۈرەكلىرى ئېچىشقان. قىزنىڭ دادىسىمۇ ئۆزىنى تۇتاۋالالماي يىغالاپ كەتكەن بولۇپ، ئۇنىڭ دىيىشىچە، شىياۋشۈەن ئادەتتە ناھايىتى ئىش ئۇقىدىغان بولۇپ، كەچلىرى مەكتەپتىن قايتىپ كىلىپ ئۆينى تازىلاپ دادىسىغان ياردەملىشىدىكەن؛ ئۇ يەنە ئەتىگەنلىكى سائەت 5تە ئورنىدىن تۇرۇپ دادىسىغا ياردەملىشىپ كىر يۇيۇشۇپ بىرىدىغان بولۇپ، دادىسى ئىش قىلغاندا كىيىدىغان كىيىملەرنىمۇ ئۇ يۇيۇپ بىرىدىكەن.

    شىياۋشۈەن ھازىر ئۆلۈم خەۋپىدىن قۇتۇلغان بولسىمۇ، ئەمما ئەڭ ياخشى داۋالاش مەزگىلى ئۆتۈپ كەتكەن بولغاچقا، ئۇنىڭ ئوڭ پۇتىنىڭ چوڭ بىر قىسىم تىرىسى بۇزۇلۇپ ئۆلگەن ئىدى. كىيىنچە قىزنىڭ داۋالىنىشىغا يەنە ئىنتايىن كۆپ خىراجەت كىتىدىغان بولۇپ، ئەگەر داۋالاش ۋاقتىدا يىتىشىپ ماڭمىسا، 6 ياشلىق بۇ ۋاپادار قىز پۇتلىرى كسىۋىتىلىش خەۋپىگە دۇچار كىلىدىكەن.

   قىزنىڭ دادىسىنىڭ دىيىشىچە، ئەگەر ۋاقتى كەلگەندە يىتەرلىك پۇل تەييارلاپ بولالمىسا، بالىنىڭ ھاياتىنى ساقلاپ قېلىش ئۈچۈن پۇتىنى كىسىۋىتىشكە توغرا كىلىدىغان بولۇپ، ئۇمۇ ھازىر قىزىنىڭ تىنچ-ئامان بولۇشىنى تىلەشتىن باشقا ھېچنىمىنى ئويلىيالمىغانلىقىنى بىلدۈرگەن.