ئاياللار ئەرلەرنىڭ تۆۋەندىكى 6خىل قىلمىشىدىن ئەڭ بىزار بولۇپ، بۇ يەنە تويدىن كىيىنكى تۇرمۇشتا ئەڭ ساقلىنىشقا تىگىشلىك مەسىلىلەردۇر؛ ئەگەر ئەرلەرنىڭ بۇ قىلمىشلىرى كۆپىيىپ كەتسە، ئاخىرى بېرىپ ئەر-خوتۇنلار ئوتتۇرسىدىكى مۇناسىۋەتنى بۇزۇۋىتىشى مۇمكىن.      ئەر-خوتۇنلار ئارىسىدا كونا ھىسابنى قايتا كۆتۈرۈپ چىقىشتىن ساقلىنىڭ، بولمىغاندا قارشى تەرەپنىڭ ئىچكى دۇنياسىدىكى نازرازىلىقنى قوزغاپ قويىسىزدە، بۇ ئەر-خوتۇنلارنىڭ ئىناقلىقىغا تەسىر كۆرسىتىدۇ؛ نۇرغۇن ئىشلار ئۆتۈپ كەتكەندىن كىيىن، ئۇنى ئۇنتۇپ كىتىشىڭىز كىرەك، چۈنكى تۇرمۇشتا ئالدىغا قارىماق لازىمدۇر.       توي قىلىپ بولغان ئادەمنىڭ بۇنىڭغا ماس ئاڭ قارىشى بولىشى كىرەك. باشقا يات جىنسلىقلارغا قارىتا ئارلىقنى ساقلاش، ھەر جەھەتتىن پايدىلىق.      ئەر-خوتۇنلار ئارىسدا، جىدەللىشىپ قېلىش نورمال ئەھۋال. ئەمما جىدەللىشىپ قالغاندىن كىيىن، توختىماي سوغۇق مۇناسىۋەتلەر ئۇرۇشى ئېلىپ بېرىپ، ھەر ئىككى تەرەپ باش ئىگىشنى خالىمىسا، ئەر-خوتۇنلۇق مىھرى بارغانسىرى سۇسلاپ، ئاستا-ئاستا بىر-بىرىنى ئۆز دۇنياسىدىن چىقىرۋىتىشىنى كەلتۈرۈپ چىقىرىدۇ.     ئىككى ئادەم بىللە تۇرمۇش كەچۈرگەندە ئۆز-ئارا بىر-بىرىنى رىغبەتلەندۈرۈشى كىرەك؛ ئەگەر قارشى تەرەپنىڭ ئىقتىدارىدىن گۇمانلىنىدىغان گەپ-سۆزلەر كۆپ بولۇپ كەتسە، قارشى تەرەپتە ئۆزىنى كەمسىتىش پىسخىكىسى پەيدا قىلىپ قويىدۇ؛ ئۆزىنى كەمسىتىش پىسخىكىسى بار ئادەم، ئادەتتە باشقىلارنى سۆيۈش ئىقتىدارىنى يوقاتقان كىلىدۇ.      كونىلاردا "ئەر-خوتۇنلار ئوچاق بېشىدا جىدەللىشىپ، كارۋاتتا يارىشىپ قالىدۇ" دىگەن گەپ بار؛ ئەگەر ئەر-خوتۇنلار جىدەللىشىپ قالغاندىن كىيىن ئۆي ئايرىپ ئۇخلىسا، زىددىيەتنى تۈگىتىشتىكى ئەڭ ياخشى پۇرسەتنى كەتكۈزۈپ قويغان بولىدۇ. ئەگەر ئۆي ئايرىپ ئۇخلاشنىڭ ۋاقتى ئۇزىراپ قالسا، ئەر-خوتۇنلارنىڭ ھېسيات ئالماشتۇرۇشىغا ئېغىر دەرىجىدە تەسىر كۆرسىتىپ، قايتا بىر يەرگە كىلىپ ئۇخلىشى تەسكە توختايدۇ.      ئەر-خوتۇنلار ئارىسىدا مەيلى گەپ تەگىشىپ قېلىش بولسۇن ياكى جىدەللىشىپ قېلىش بولسۇن، ھەرگىز قارشى تەرەپنىڭ ئۇرۇغ-تۇققانلىرىنى چىشلەپ تارتماڭ، ئۇلارنى ھۇجۇم ئوبىكتى قىلىۋىلىشتىن تېخىمۇ ساقلىنىڭ. سىز ئۆزىڭىزنى قارشى تەرەپنىڭ ئورنىغا قويۇپ ئويلاپ باقسىڭىز بولىدۇ، بۇ خىلدىكى گەپلەر ئېغىزدىن چىقىپ كەتسە، ئادەمنىڭ يۈرىكىنى يارا قىلىدۇ.       ياخشى كۆرۈشۈش ئاسان ئەمەس، تويلىشىش مۇھەببەتنى مەڭگۈلۈككە ئۆزگەرتىدىغان ئۇسۇل تېخىمۇ ئەمەس؛ ھەر بىر بۆلەك ئەر-خوتۇنلار مۇناسىۋىتى ۋە مۇھەببەت ئىككى تەرەپنىڭ ياخشى يۈرگۈزۈشىگە، بىر-بىرىنى قەدىرلىشىگە ئېھىتياجلىق بولىدۇ.