مۇبادا ، بالىلارغا چوقۇم ئېلىپ بىرىش زۈرۈر بولغان ئويۇنچۇقلار تىزىمى تۈزۈشكە توغرا كەلسە ، بۇنىڭ ئىچىدە كەم قالسا بولمايدىغان ئويۇنچۇق، رەسىم كىرىشتۈرۈش ئويۇنچۇقىدۇر . سىز بۇ ئويۇنچۇقنى ھەرگىز بوش چاغلاپ قالماڭ ، رەسىم كىرىشتۈرۈش ئويۇنىنىڭ بالىلارغا بولغان پايدىسى كۆپ بۇلۇپ ، بىر قول بىلەن ساناپ تۈگەتكىلى بولمايدۇ :

l       رەسىم كىرىشتۈرگەندىكى رەسىم پارچىلىرىنى تاللاش ، ئورنىغا قويۇش  بالىلارنىڭ بارماقلىرىنىڭ چىۋەر بۇلۇش ئىقتىدارى ۋە كۆز بىلەن قولىنىڭ ماسلىشىش ئىقتىدارىنى چېنىقتۇرىدۇ ؛

l       بالىلارنىڭ كۆزىتىش ئىقتىدارىنى يۇقىرى كۆتۈرۈپ، رەڭ، شەكىل ۋە بوشلۇق مۇناسىۋىتىگە بولغان سەزگۈرلىكىنى ئاشۇرىدۇ ؛

l       بالىلارنىڭ سەۋرچانلىقى ۋە دىققىتىنى مەركەزلەشتۈرۈشنى يىتىلدۈرىدۇ ؛

l       رەسىم كىرىشتۈرگەندە داۋاملىق خاتا كىرىشتۈرۈپ سالىدۇ ، بۇ قايتا قايتا سىناش جەريانى بالىلارنىڭ مەغلۇبىيەتكە قارشى تۇرۇش ئىقتىدارىنى يۇقىرى كۆتۈرۈپ ، ئۇلارنىڭ ئۆزىگە بولغان ئىشەنچىسىنى تۇرغۇزىشىغا ياردىمى بۇلىدۇ ؛

l       بالىلارنىڭ لوگىكىلىق تەپەككۇر ئىقتىدارى ۋە مەسىلىلەرنى ھەل قىلىش ئىقتىدارىنى يۇقىرى كۆتۈرىدۇ ؛

l       بالىلارنىڭ نۇرغۇنلىغان ئۇقۇم ۋە ساۋاتلارنى ئۈگىنىشىگە ياردىمى بۇلىدۇ؛ مەسىلەن رەڭ ، شەكىل ، ھايۋانات ، قاتناش قوراللىرى دىگەنگە ئوخشاش ؛

l       قايتا قايتا كىرىشتۈرۈپ بۇزۇش جەريانى بالىلارنىڭ ئەستە ساقلاش ئىقتىدارىنى يۇقىرى كۆتۈرىدۇ .

    بەزى ئانىلار " رەسىم كىرىشتۈرۈش شۇنداق قىيىن تۇرسا ، بالىلار ئويناشنى ئەسلا بىلمەيدۇ " ۋەياكى " مىنىڭ بالامنىڭ سەۋرچانلىقى ياخشى ئەمەس ، ھەمىشە بىر نەچچە پارچە كىرىشتۈرۈپلا ، ۋاز كىچىپ بولدى قىلىدۇ " دەپ ئەنسىرىشى مۇمكىن ؛ رەسىم كىرىشتۈرۈش ئويۇنىدا " تەدرىجى چوڭقۇرلاشتۇرۇش " تاكتىكىسى قوللىنىش زۈرۈر بۇلۇپ ، سىز باشلىنىشتىلا بالىڭىزغا پارچە سانى كۆپ ، ئۆزى كىچىك ئەمما مۇرەككەپ ئارقا كۈرنۈش تەسۋىرى بار رەسىم كىرىشتۈرۈش ئويۇنچۇقى ئېلىپ بەرسىڭىز ، بالىلار ئەلۋەتتە ئوينىيالمايدۇ !

   بۇ ھەقتە بىز  تۆۋەندە ئازراق تەكلىۋىمىزنى ئوتتۇرىغا قويىمىز :

     6-12ئايلىققىچە بولغان بوۋاقلارغا ، ئەڭ ياخشىسى تۇتقىسى بار ،كۆپۈپ چىققان قىسمى بار ۋە ياكى يان تەرەپلىرىدە ئېرىقچىلىرى بار چوڭ پارچىلىق رەسىم كىرىشتۈرۈش ئويۇنچۇقى تاللاپ بەرسىڭىز بۇلىدۇ ، بۇنىڭدا بوۋاقنىڭ تۇتۇشىغا ئاسان بۇلىدۇ . بۇندىن باشقا ئىمكان قەدەر شەكلى ئىنىق كەلگەن ، رەڭلىرى ئۇچۇق بولغان ، پارچە سانى ئاز بولغانلىرىنى تاللاپ بىرىشىڭىز كىرەك .

    1-2ياشقىچە بولغان بالىلارغا تاق پارچىلىك رەسىم كىرىشتۈرۈش ئويۇنچۇقىدىن باشلىسىڭىز بۇلىدۇ ، مەزمۇن جەھەتتە گىئومىتىرىيىلىك شەكىل رەسىملىرى ، ھايۋانات ، مىۋە-چىۋە ، قاتناش قورالى قاتارلىقلارنىڭ مۇكەممەل شەكلىنى كىرىشتۈرىدىغانلىرىنى تاللىسىڭىز بۇلىدۇ .

     2-3ياشقىچە بولغان بالىلارنىڭ ئەمىلى ئەھۋالىغا ئاساسەن ، كىرىشتۈرىدىغان رەسىمنىڭ پارچە سانى ۋە قىيىنلىق دەرىجىسىنى تەدرىجى ئاشۇرسىڭىز بۇلىدۇ .

ئەسكەرتىش : تور بىكىتىمىزدىكى ئەسەرلەرنىڭ ئاپتور ھوقۇقى شىنجاڭ تەمزات مەدەنىيەت تارقىتىش چەكلىك شىركىتىگە تەۋە بۇلۇپ، رۇخسەتسىز كۆچۈرۈپ ئىشلەتكەنلەرنىڭ قانۇنى مەسئۇلىيىتى سۈرۈشتە قىلىنىدۇ!

友情提示：作品版权归新疆塔穆扎提文化传播有限公司所有，抄袭转载者必究法律责任！