بوۋاقلار ئالتە ئايلىق بولغاندىن كىيىن، ئانا سۈتى ۋە رىتسىپلىق سۈت پاراشوكى تەركىبىدىكى ئۇزۇقلۇق، بالىلارنىڭ ئۇزۇقلۇققا بولغان ئىھتىياجىنى پۈتۈنلەي قاندۇرۇپ كىتەلمەيدۇ ھەمدە بالىنىڭ چايناش ۋە يۇتۇش ئىقتىدارىنى چېنىقتۇرالمايدۇ. بۇ سەۋەپلىك، بوۋاق ئالتە ئايلىققا توشقاندىن كىيىن، ئۇلارغا مۇۋاپىق تۈردە قوشۇمچە يىمەكلىك قوشۇپ يىگۈزۈش لازىم بولىدۇ.
لىكىن، قوشۇمچە يىمەكلىك قوشۇپ يىگۈزۈشتىمۇ، بەلگىلىك قائىدە-پىرىنسىپقا ئەمەل قىلماي بولمايدۇ، بولمىسا ئاسانلا بالىلارنىڭ ئاشقازان-ئۈچەي ئىقتىدارىنىڭ ئاجىزلاپ كىتىشىنى كەلتۈرۈپ چىقىرىدۇ. بولۇپمۇ، بالىلار 2ياشقا كىرىشتىن بۇرۇن، ئۇلارغا بۇ يىمەكلىكلەرنى يىگۈزۈش تەۋسىيە قىلىنمايدۇ.
مىۋە شەربىتى
مىۋىلەر تەركىبىدە زور مىقداردا تالا ماددىلىرى ۋە ۋىيتامىنC بار بولۇپ، بۇ ماددىلار بوۋاقنىڭ ئاشقازان-ئۈچىيىنىڭ قىمىرلىشىنى ئىلگىرى سۈرەلەيدۇ. لىكىن مىۋىنى ئىزىپ شەربەتكە ئايلاندۇرغاندىن كىيىن، ئۇنىڭ تەركىبىدىكى تالا ماددىلىرى بۇزغۇنچىلىققا ئۇچراپ، ساقلىنىپ قالىدىغان ئەڭ كۆپ ماددا قەنت تەركىبى بولىدۇ. ئەگەر مىۋە شەربىتنى قوشۇمچە يىمەكلىك قىلىپ بالىغا ئىچكۈزسەك، بالىلار قوبۇل قىلىدىغان قەنت ۋە ئىنىرگىيە مىقدارى ئېشىپ كىتىپ، بالىلارنىڭ چىشى قۇرتلاپ قالىدۇ ھەمدە بالىنىڭ ئاشقازان-ئۈچىيىنىڭ يۈكىنى ئاشۇرۇپ، سەمىرىپ كىتىش ئىھتىماللىقى ئېشىپ كىتىدۇ.
پالەك
پالەك تەركىبىدە ئوكسالىك كىسلاتا مول بولۇپ، ئادەم بەدىنىگە كىرگەندىن كىيىن، ئاشقازان ئۈچەينى غىدىقلاپ، ئاشقازان سۇيۇقلۇقىنىڭ ئاجرىلىپ چىقىشىنى ئاشۇرۋىتىدۇ ھەمدە بۇ سەۋەپلىك ئاشقازاننىڭ يۈكى ئېغىرلاپ كىتىشنى پەيدا قىلىپ، بالىلار قوبۇل قىلغان كالتسىي ماددىسىنىڭ ئۇلارنىڭ بەدىنىگە سۈمۈرلىشىگە تەسىر كۆرسىتىدۇ.
ھەسەل
ئادەتتە، بىزنىڭ ئاشقازان-ئۈچەيلىرىمىز بىئارام بولۇپ قالسا، ئازراق ھەسەل ئىستىمال قىلىپ ئۈچەينى سىلىقلاشتۇرىمىز؛ بىراق، بالىلارغا ھەسەل ئىچسە بولمايدۇ.
ھەسەل، ئىشلەپچىقىرىش، توشۇش ۋە ساقلاش جەريانىدا، بوتۇلىزىم تاياقچە باكتىرىيەسىدە بۇلغىنىشقا ئۇچرايدۇ؛ بۇنداق ئەھۋالدا، ئىككى ياشتىن تۆۋەن بالىلارنىڭ كىسەلگە قارشى تۇرۇش كۈچى ئاجىز بولۇشى نەزەردە تۇتۇلۇپ، ئۇلارغا ھەسەل ئىچكۈزۈش تەۋسىيە قىلىنمايدۇ.
پۇرچاق سۈتى
پۇرچاق سۈتى بىلەن پىلتە قۇيماق، كۆپ قىسىم كىشىلەر ناشتىدا ئىستىمال قىلىشنى ياخشى كۈرىدىغان يىمەكلىك تۈرى. لىكىن، بۇ خىل ناشتىلىق گۇرۇپپىسى دىگەندەك ساغلام ئەمەس؛ پىلتە قۇيماقنىڭ ماي تەركىبى يۇقىرى بولۇپلا قالماي، ئۇزۇقلۇق تەركىبىمۇ تۆۋەن، شۇڭا مەيلى چوڭلار بولسۇن ياكى كىچىكلەر بولسۇن، ئازراق ئىستىمال قىلىشى كېرەك.
بالىلار 2ياشقا كىرىشتىن بۇرۇن، ئۇلارغا پۇرچاق سۈتى ئىچكۈزۈش تەۋسىيە قىلىنمايدۇ. چۈنكى، پۇرچاق سۈتى تەركىبىدىكى ئاقسىللار چوڭ مولىكولالىق ئاقسىل بولۇپ، 2ياشتىن تۆۋەن بوۋاقلارنىڭ بەدىنىدىكى ئاقسىل ئىنىزىمى، تېخى بۇنداق چوڭ مولىكولالىق ئاقسىللارنى سىنتىزلەپ ھەزىم قىلالمايدۇ ھەمدە بۇ سەۋەپلىك ئاسانلا قوساق كۆپۈپ قېلىشنى كەلتۈرۈپ چىقىرىدۇ. بۇندىن باشقا، پۇرچاق سۈتى تەركىبىدە بەلگىلىك مىقداردا تۆۋەن پولىساخارىد بار بولۇپ، بۇ ماددىلار ئاسانلا بالىلارنىڭ ھەزىم قىلىش ئىقتىدارىنىڭ ناچارلىشىپ كىتىشىنى كەلتۈرۈپ چىقىرىدۇ.
新公网安备 65010202000516号 
