ئادەتتە، بوۋاق تۆت ئايلىققا توشقاندىن كىيىن، ئۇلار ئۈچۈن يەنە بىر خىل مەزگىل باشلانغان ھىسابلىنىدۇ. يىمەك-ئىچمەك جەھەتتە، سۈت پاراشوكى ئىمىتىپ باققان بوۋاقلارغا نىسبەتەن، تۆت ئايلىق بولغاندىن باشلاپ قوشۇمچە يىمەكلىكلەرنى قوشۇپ يىگۈزۈش باشلىنىدۇ؛ ئانا سۈتى ئىمىتىپ باققان بوۋاقلارغا نىسبەتەن ئالتە ئايلىق بولغاندىن كىيىن، ئاندىن قوشۇمچە يىمەكلىك يىگۈزۈشنى باشلاش تەۋسىيە قىلىنىدۇ. ئالدىنقى تۈردىكى بوۋاقلارغا نىسبەتەن، قوشۇمچە يىمەكلىكلەرنى قوشۇپ يىگۈزۈشنى باشلاشمۇ، بىر خىل مۇھىم ساۋات ھىسابلىنىدىغان بولۇپ، ئەگەر قوشقان يىمەكلىكلەر مۇۋاپىق بولمىسا، بوۋاقلارنىڭ ئاشقازان-ئۈچەي ئىقتىدارىغا ئېغىر دەرىجىدە تەسىر يەتكۈزىدۇ. شۇنىڭ ئۈچۈن، يىڭى ئانا بولغۇچىلار، بۇ جەھەتتە ئالاھىدە دىققەت قىلىشى كىرەك.

    بەزى ئاتا-ئانىلار، بوۋىقىغا قوشۇمچە يىمەكلىكلەرنى بىرىشكە باشلىغاندىن كىيىنلا، ئۇلارغا ھەر خىل تائاملارنى يىگۈزۈپ سىناپ بېقىشنى ئويلايدۇ. بىراق، بۇنچىلىك چوڭلۇقتىكى بوۋاقلانىڭ ئاشقازان-ئۈچىيى تېخى تولۇق يىتىلىپ بولالمىغان؛ ئۇنىڭ ئۈستىگە، بۇنىڭ ئالدىدا بوۋاق پەقەت سۈت پاراشوكىدىلا ئۇزۇقلىنىدۇ. شۇڭا، يىڭىدىن قوشۇمچە يىمەكلىكلەرنى بىرىشنى باشلىغان ۋاقىتتا، شورۋىگۈرۈچ، بۇلىماق قاتارلىق ئاددى تائاملاردىن باشلاش كىرەك.

   گۆش، تۇخۇم، كاۋاپ قاتارلىق تەس ھەزىم بولىدىغان يىمەكلىكلەرنى ئالدىراپ قوشماسلىق كىرەك. چۈنكى، بۇ ۋاقىتتا بوۋاقلارنىڭ ئاشقازان-ئۈچىيى تېخىچە يىتىلىش باسقۇچىدا تۇرۋاتقان بولغاچقا، پەقەت ئۇماچ، بۇلىماق قاتارلىق ئەڭ ئاددى بولغان يىمەكلىكلەرنىلا ھەزىم قىلالايدۇ، بىر مەزگىل ئۆتكەندىن كىيىن، ئاندىن باشقا يىمەكلىكلەرنى ئاددىيلىقتىن مۇرەككەپكە قاراپ تەرتىپلىك ھالدا تەدرىجى قوشۇپ يىگۈزسەك بولىدۇ؛ ئۇنىڭ ئۈستىگە، باشلىنىشتا، ئۇماچ ۋە بۇلىماق دىگەنلەرنىمۇ بىراقلا كۆپ يىگۈزىۋىتىشكە بولمايدۇ.