بۈگۈن بىز كۆپچىلىكنىڭ دىققىتىگە، بوۋاقلارغا قوشۇمچە يىمەكلىك قوشۇپ يىگۈزۈشتە دىققەت قىلىشقا تىگىشلىك ئىشلارنى تۇنۇشتۇرۇپ ئۆتمەكچى.
   بالىلارغا تۇنجى قېتىم يىگۈزمەكچى بولغان قوشۇمچە يىمەكلىكتە، ئادەتتە تۆمۈر تەركىبى يۇقىرى بولغان يىمەكلىكلەر تەۋسىيە قىلىنىدۇ. چۈنكى، بوۋاقلار تۇغۇلغان ۋاقىتتا بەدىنىدە ساقلانغان تۆمۈر ماددىسى، پەقەت ئۇلارنىڭ 6-4ئايلىق ئىھتىياجىنى قامداشقىلا يىتىدۇ، ئۇندىن كىيىن يىمەكلىك ئارقىلىق تۆمۈر ماددىسى تۇلۇقلاش كىرەك بولىدۇ.

   بۇنىڭدىن باشقا، بوۋاقلارغا قوشۇمچە يىمەكلىك قوشۇشتا، تۆۋەندىكىدەك ئالتە چوڭ پىرىنسىپنى بىلىۋىلىش لازىم بولىدۇ.
   1. قوشۇمچە يىمەكلىكلەرنى قوشۇپ يىگۈزۈش تەرتىپ بويىچە ئېلىپ بېرىلىشى كىرەك: ئاۋال ئازدىن باشلاپ تەدرىجى كۆپەيتىش ھەمدە ئاۋال سۇيۇقتىن تەدرىجى قويۇق تائاملارغا ئۆتۈش؛ بوۋاقلار ئازراق ماسلىشىۋالغاندىن كىيىن، ئاندىن مىقدارىنى ۋە قويۇق-سۇيۇقلۇقىنى ئۆزگەرتىش.

   2. ھەر قېتىمدا پەقەت بىر خىللا يىڭى يىمەكلىك قوشۇش: ھەربىر قېتىم يىڭى بىر خىل يىمەكلىكنى يىگەندىن كىيىن، بوۋاقنىڭ ئەھۋالىنى 5-3كۈن ئەتراپىدا كۆزىتىپ، باشقا بىنورماللىق ئەھۋاللىرى كۆرۈلمىگەندىن كىيىن، ئاندىن نورمال يىگۈزۈش.
   3. تۆمۈر تەركىبى مول بولغان قوشۇمچە يىمەكلىكلەرنى ئالدىنئالا ئويلىشىش.
   4. يىمەكلىكلەرنى تۈرىنى كۆپ خىللاشتۇرۇش: مەسىلەن، سۈت تۈرى، دانلىق زىرائەتلەر، مىۋە-كۆكتاتلار، گۆش-تۇخۇم دىگەنلەرگە ئوخشاش بولۇپ، ئىمكان قەدەر كۆپ خىللاشتۇرۇش؛ بۇندىن باشقا يەنە، مۇۋاپىق تۈردە ئۆسۈملۈك مېيى قوشۇلسا بولىدۇ.
   5. سۈت ئىچىش ئادىتىنى ساقلاپ قېلىش: 12-7ئايلىق بوۋاقلار ھەركۈنى ئىھتىياجلىق بولىدىغان سۈت مىقدارى 1000-600مىللىلىتىر؛ بىر ياشتىن ئاشقاندىن كىيىن، ھەركۈنلۈك ئىھتىياجلىق بولىدىغان سۈت مىقدارى 500-300مىللىمىتىر.
   6. خۇرۇچ ماتىرياللىرى قوشماسلىق: بوۋاقلارغا قوشۇمچە يىمەكلىك تەييارلىغاندا، يىمەكلىكنىڭ تەبىئى تەمىنى ساقلاش، تۇز ۋە باشقا ھەرقانداق غىدىقلاش خارەكتىرىدىكى خۇرۇچ ماتىرياللىرىنى قوشماسلىق كىرەك.