بالىنىڭ ھالىدىن خەۋەر ئېلىش جەھەتتە، ئانىلار ئەڭ جاپا تارتىدۇ؛ بوۋاقلارنىڭ يېشى كىچىك، بەدىنىدىكى سۆڭەكلىرى تېخى تۇلۇق قېتىپ بولالمىغان بولغاچقا، ئانىلار بوۋاقنىڭ ھالىدىن خەۋەر ئالغاندا، قەۋەتلەپ دىققەت قىلىشقا توغرا كىلىدۇ. بۇلاردىن باشقا، بوۋاقلارنىڭ كىيىنلىك ئۆسۈپ-يىتىلىشىگە زىيان يىتىپ قېلىشىدىن ساقلىنىش ئۈچۈن، ئۇلارنىڭ كۈندىلىك پائالىيەتلىرى جەھەتتىمۇ دىققەت قىلىش لازىم.

    ئادەتتە، بوۋاقلارنىڭ ھالىدىن خەۋەر ئېلىش جەريانىدا، تۆۋەندىكى ئۈچ ئىشتىن ساقلىنىش لازىم.
بوۋاقنى ئۇزۇن ۋاقىت قۇچىقىدا كۆتۈرۋالماسلىق
    ئادەمدىكى نۇرغۇنلىغان ناچار ئادەتلەر، ئادەتتە بالىلىق چاغلىرىدا يىتىلىپ قالىدۇ؛ بوۋاق ئەمدى تۇغۇلغان ۋاقىتتا، چوڭلار ئۇنىڭغا زىيادە ئامراقلىق كۆرسىتىدىغان بولغاچقا، ھەمىشە بوۋاقنى قۇچىقىغا ئېلىپ كۆتۈرۋىلىشقا ئامراق كىلىدۇ. بىراق بۇنداق ئەھۋال ئۇزۇن مەزگىل داۋاملاشسا، بوۋاق قۇچاققا كۆنۈپ قالىدىغان بولۇپ، ئۇخلىغان ۋاقىتتىمۇ قۇچاققا ئېلىپ كۆتۈرمىسە ئۇخلىمايدىغان بولىۋالىدۇ.

كەچتە ئۇخلىغان ۋاقىتتا چىراقنى ياندۇرۇپ قويماسلىق
    نۇرغۇن ئانىلار، كىچىلىرى بالىسىغا قاراشقا قولايلىق بولسۇن ئۈچۈن، ئۇخلىغان ۋاقتىدا چىراقنى ئۆچۈرمەي ئۇخلايدۇ؛ بىراق، بۇ خىل قىلمىش بالىنى يامان ئادەتلەندۈرۈپ قويىدۇ. چۈنكى، يىڭى تۇغۇلغان بوۋاقنىڭ كۈندە ئۇخلايدىغان ۋاقتى بىرقەدەر ئۇزۇن بولۇپ، ئەگەر بىز ھەمىشە چىراقنى ئۆچۈرمەي ياندۇرۇپ قويساق، بالىغا كۈندۈز ھەددىدىن ئارتۇقتەك خاتا تۇيغۇ بىرىپ قويىدىغان بولۇپ، بۇ ئەھۋال ئۇلارنىڭ كىيىنچە ياخشى بولغان ئۇخلاش ۋە ئورنىدىن تۇرۇش ئادىتى يىتىلدۈرۈشكە پايدىسىز بولىدۇ.