بالىلارنىڭ چىراي ئالاھىدىلىكى كۆپىنچە ئاتا-ئانىسىنىڭ چىراي ئالاھىدىلىكى تەرپىدىن بەلگىلىنىدىغان بولۇپ، بۇندىن باشقا ئاتا-ئانىلارنىڭ ئەقلى ئىقتىدارىمۇ بالىسىغا ئىرسىيەت قالىدۇ. شۇنىڭ ئۈچۈن، نۇرغۇن كىشىلەر كىيىنكى ئەۋلادىنىڭ تېخىمۇ ئەقىللىق بولۇشى ئۈچۈن، ئۆزىنىڭ ئۆمۈرلۈك ھەمراھىنى تاللاشتا ئىنتايىن ئىھتىياتچانلىق بىلەن ئىش كۆرىدۇ. ئادەتتە، ئەرلەرنىڭ تۆۋەندىكى ئۈچ خىل ئالاھىدىلىكىنىڭ بالىسىغا ئىرسىيەت قېلىش ئىھتىماللىقى ئىنتايىن يۇقىرى بولۇپ، قىزلار توي قىلىش ئوبىكتى تاللىغاندا، بۇ تەرەپلەردىن پايدىلانسا بولىدۇ.

چاچ چۈشۈش
    ھازىرقى ياشلارنىڭ، خىزمەت بېسىمى بىر قەدەر ئېغىر، تۇرمۇش ئادەتلىرى تەرتىپسىز قاتارلىق ئامىللار سەۋەبىدىن، ياش تۇرۇپلا چېچى چۈشۈشكە باشلايدۇ. كۈندىلىك تۇرمۇشتا، چاچ چۈشۈش ئادەمنى بىئارام قىلدىغان بىر ئەھۋال بولۇپ، لايىق تاللاشتا، ئاياللار قارشى تەرەپنىڭ چېچىنىڭ ئاز كۆپلىكىگە دىقەقت قىلىش لازىم. چۈنكى، ئەگەر قارشى تەرەپتە چاچ چۈشۈش ئەھۋالى ئېغىر بولسا، ھازىر قاملاشقان كۆرۈنىدىغان بىر يىگىت، ئاز كۈن ئۆتمەي پەينەكباش "تاغا" بولۇپ قېلىشى مۇمكىن؛ ئۇنىڭ ئۈستىگە، ئەرلەردىكى چاچ چۈشۈپ پەينەكباش بولۇپ قېلىشنىڭ بالىسىغا ئىرسىيەت قېلىش ئىھتىماللىقى ناھايىتى زور.

قاڭشىرى ئېگىز بولۇش
    قاڭشىرى ئېگىز بولۇش، ئادەمنىڭ چىراي قىسىمىنى تېخىمۇ چىرايلىق كۆرسىتىدۇ. شۇنىڭ ئۈچۈن، قىزلار لايىق تاللىغاندا، قارشى تەرەپنىڭ قاڭشىرىنىڭ ئېگىز ياكى ئەمەسلىكىگە دىققەت قىلىش كىرەك. ئەگەر قارشى تەرەپ قاڭشىرى ئېگىز كەلگەن بولسا، ئۇنداقتا كەلگۈسىدە بالىسىمۇ ئېگىز قاڭشارلىق تۇغۇلىدۇ. بىراق ئادەتتىكى ئەھۋال ئاستىدا، بالا ئەمدى تۇغۇلغان ۋاقىتتا سۆڭەكلىرى تېخى تولۇق يىتىلىپ بولالمىغاچقا، ئۇنىڭ قاڭشىرىنىڭ دادىسىنى تارتقان ياكى تارتمىغانلىقىنى بىلگىلى بولمايدۇ،  بالىلار 4-3ياشقا كىرگەن ۋاقىتتا ئاندىن بىلگىلى بولىدۇ.