ئائىلە، بالىلارنىڭ بىرىنچى ئۆسۈپ يىتىلىش مۇھىتى؛ ئاتا-ئانىلار بولسا بالىلارنىڭ بىرىنچى مۇئەللىمى. بىر بالىنىڭ قانداق ئالاھىدىلىكلەرنى يىتىلدۈرۈپ چىقالىشى، كەلگۈسىدە ياراملىق ئادەم بولۇش ياكى بولالماسلىقىدا، ئائىلە ھەل قىلغۇچ ئامىللىق رول ئوينايدۇ.
    ئون يىلدىن كىيىن ياراملىق ئادەملەرگە ئايلىنىدىغان بالىلار، تۆۋەندىكىدەك ئائىلىلەردىن چىقىدۇ.

مۇھەببەت بار ئائىلىلەر
    بىر ئائىلە كىشىلىرى ئارىسىدا، بىر خىل تىل بىلەن ئىپادىلىگىلى بولمايدىغان ماسلىشىشچانلىق بار بولۇپ، گەرچە بەزىدە ئىگىز-پەسلىكلەر بولۇپ قالسىمۇ، ئەمما ھەركۈندىكى ئايرىلماي ئۆتۈشلەر، مۇھەببەتنى ئاللىبۇرۇن سۆڭەككىچە سىڭدۈرۋەتكەن بولىدۇ. بۇ خىل تۇيغۇ مىھرى-مۇھەببەت دەپ ئاتىلىدۇ....
    مۇھەببەت، بالىلارنىڭ ئۆسۈپ-يىتىلىشىدىكى ئەڭ ياخشى ئۇزۇق بولۇپ، مۇھەببەتلىك ئائىلىلەردە چوڭ بولغان بالىلار، تەبىئىلا مۇھەببەتلىك بولۇشنى ئۆگىنىۋالىدۇ.
ئەر-خوتۇن مۇناسىۋىتى بىرىنچى ئورۇندا تۇرىدىغان ئائىلىلەر
    نۇرغۇن ئائىلىلەردە، بالىلىق بولغاندىن كىيىن، بالا ئائىلىنىڭ مەركىزىگە ئايلىنىپ، بالىلارغا سېلىشتۇرغاندا، قارشى تەرەپ، ھامان بىر كۈنى تاشلىنىپ قالىدىغان تەرەپكە ئايلىنىپ قالىدۇ.
    ئەمىلىيەتتە، ئائىلىنىڭ ئەڭ ياخشى ھالىتى بولسا، دادا ئانىنى ياخشى كۆرۈش، ئانا  دادىنى ياخشى كۆرۈش، ھەمدە ھەر ۋاقىتتا ۋە ھەر جايدا ئىپادىلەپ چىقىرىپ تۇرۇشتۇر.
   بىر جۈپ ئىجىل-ئىناق ھەم مۇھەببەتلىك كەلگەن ئاتا-ئانا، بىر جۈپ ئۆز-ئارا ھۆرمەتلىشىدىغان ئاتا-ئانا، بۇلار بالىلارنىڭ كىيىنكى ئائىلە مۇناسىۋىتى قۇرۇش جەريانىدىكى پايدىلىنىش ئوبىكتى بولۇپ، ئاساسى جەھەتتىن بالىنىڭ يىڭى ئائىلە قۇرۇش جەريانىدىكى قىلىپى دىيىشكە بولىدۇ.

ياخشى ئۈگىنىش كەيپىياتىغا ئىگە ئائىلىلەر
    ئاتا-ئانىلار بالىنىڭ ئەڭ ياخشى مۇئەللىمى، ئاتا-ئانىلارنىڭ بالىسىغا بولغان ئەڭ ياخشى تەربىيىسى، ئۆز ئىش-ھەرىكىتى ۋە گەپ-سۆزلىرى ئارقىلىق ئۈلگە بولۇشتۇر. بالىنى ياخشى ئۆگەنسۇن، ئۆگىنىشكە ئامراق بولسۇن دىسەك، ئاتا-ئانىلار ئالدى بىلەن ياخشى بىر ئۆگىنىش كەيپىياتىغا ئىگە ئائىلە مۇھىتى بەرپا قىلىشى كىرەك. بىكار ۋاقىتلىرىدا، ئاتا-ئانىلار قوللىرىدىكى يانفوننى قويۇپ قويۇپ، تېلىۋىزورنى ئىتىۋىتىپ، قولىغا كىتاپ ياكى گىزىت ئېلىشى، ياكى بىرەر تۈرلۈك ھۈنەر-ماھارەت ئۆگىنىشى كىرەك.
    بۇ خىلدىكى ئۆگىنىش كەيپىياتىغا تولغا ئائىلىلەردە چوڭ بولغان بالىلارغا نىسبەتەن، ئۆگىنىش ئۇلارغا نىسبەتەن مەجبۇرى ئىجرا قىلدۇرىدىغان يۈك ئەمەس بەلكى ئۇلارنىڭ ئۆزلىرىنىڭ ئادىتىگە ئايلىنىپ قالىدۇ.
ئاكتىپ ئىنىرگىيە بار ئائىلىلەر
    ئۈمىدۋار مىجەزلىك بىر ھەمراھ، سىزنىڭ پۈتكۈل تۇرمۇشىڭىزنىڭ بەخىت دەرىجىسىنى يۇقىرى كۆتۈرىدۇ. بىر جۈپ ئۈمىدۋار مىجەزلىك ئاتا-ئانا، پۈتكۈل ئائىلىنىڭ بەخىت دەرىجىسىنى يۇقىرى كۆتۈرىدۇ.
   ئائىلىنىڭ بالىغا كۆرسىتىدىغان تەسىرى ئىنتايىن چوڭ بولىدۇ؛ ئائىلىدىكى كەيپىيات بولسا، بالىنىڭ كىيىنلىك مىجەزى-خۇلقىغا تەسىر كۆرسىتىدۇ. قاقشاپ ئاغرىنىشقا تولغان ئائىلىلەردە چوڭ بولغان بالىلار، كۆپىنچە مەسىلىلەرنى بىتەرەپ قىلىشقا ماھىر ئەمەس، بەلكى قاقشاپ ئاغرىنىشقا ماھىر كىلىدۇ ھەمدە ئۇلار ئىنتايىن ئۈمىدسىزلىك ئىچىدە ياشايدىغان ئادەملەردىن بولۇپ، مەسىلىلەرگە دۇچ كەلگەندە، ھەمىشە مەسىلىنىڭ ياخشى تەرىپىنى ئويلىيالمايدىغان بولۇپ قالىدۇ.
   پاسسىپ ئىنىرگىيەگە تولغان ئائىلىلەردە چوڭ بولغان بالىلار، ئۇلارنىڭ مىجەز-خارەكتىرىدە ئازدۇر-كۆپتۇر كەمتۈكلۈك بار بولىدۇ ھەمدە بالىغا بىر ئۆمۈر تەسىر كۆرسىتىدۇ.
   ئاتا-ئانلار ئاكتىپ ئىنرگىيەلىك بىر ئائىلە مۇھىتى بەرپا قىلىپ، بالىلارنىڭ ئالدىدا ئىتراپ قىلىپ جەزىملەشتۈرۈش سۆزلىرىنى كۆپرەك ئىشلىتىشى، بالىلارغا گۈزەللىك نەزىرىدە دۇنياغا قاراش ۋە ئۈمىدۋارلىق روھ ئاستىدا ئۆسۈپ-يىتىلىشنى ئۆگىتىشى كىرەك.