ئاياللارنىڭ ھەممىسى گۈزەللىكنى سۈيىدىغان كىلىدۇ؛ نۇرغۇن ئاياللار، ھامىلدارلىق مەزگىلىدە چېچىنى بوياشقا بولىدىغان ياكى بولمايدىغانلىقىنى سورىشىدۇ. ئۇنداقتا، ھامىلدار مەزگىلىدە چاچنى بوياشقا زادى بولامدۇ يوق؟

ئاياللار ھامىلدارلىق مەزگىلىدە چېچىنى بويىسا بولامدۇ؟
   نۇرغۇن ھامىلدار ئاياللارنىڭ چېچىنى بۇياشقا جۈرئەت قىلالماسلىقى، ئۇلار چاچ بۇياشنىڭ ھامىيلىنىڭ يىتىلىشىگە تەسىر كۆرسىتىشىدىن ياكى بالسىنىڭ چۈشۈپ كىتىشىدىن ئەنسىرەيدۇ. بىراق نۆۋەتتە، ھامىلدار ئاياللار چېچىنى بۇياش سەۋەپلىك بالىسى چۈشۈپ كەتكەنلىك ھەققىدە ھېچقانداق ئىسپات ماتىريالى يوق. چاچ بۇياشتا ئىشلىتىدىغان بۇياق، چاچ ئارقىلىق ئادەم بەدىنىگە كىرەلمەيدۇ؛ ئەمما، بۇياق باش تىرىسى بىلەن ئۇچرىشىش جەريانىدا، باش تىرىسى ياللۇغلىنىش، چاچ كىپەك بولۇپ قېلىش قاتارلىق ئەھۋاللارنى كەلتۈرۈپ چىقىرىشى مۇمكىن. باش تىرىسى ئارقىلىق بەدەنگە ئۆتكەن خېمىيىلىك تەركىبلەرمۇ بار بىلەن يوقنىڭ ئارلىقىدا بولۇپ، قوساقتىكى ھامىيلىگە ھېچقانداق تەسىر كۆرسىتەلمەيدۇ.

ھامىلدارلىقنىڭ قايسى مەزگىلىدە چېچىنى بۇيىسا بولىدۇ؟
   ئەگەر سىز چېچىڭىزنى بۇياشنى ئويلىغان بولسىڭىز، ئەمما يەنە قوساقتىكى ھامىيلىگە تەسىر يىتىپ قېلىشىدىن ئەنسىرسىڭىز، ئۇنداقتا سىز ئەڭ ياخشىسى ھامىلدار بولۇپ ئۈچ ئايغا توشقاندىن كىيىن ئاندىن چېچىڭىزنى بوياشنى تاللاڭ. ھامىلدارلىقنىڭ ئالدىنقى ئۈچ ئېيى، ھامىيلە بالىياتقۇغا ئورۇنلىشىپ، بەدىنىنىڭ ھەرقايسى ئەزالىرى ۋە ئىقتىدارلىرى شەكىللىنىۋاتقان مەزگىل بولۇپ، بۇ ۋاقىتتىكى ھامىيلە نىسبەتەن سەزگۈر كىلىدۇ. ھامىلدارلىقنىڭ ئالدىنقى ئۈچ ئېيى ئۆتۈپ كەتكەندىن كىيىن، چېچىڭىزنى بويىسىڭىز ھېچقانداق مەسىلە كۆرۈلمەيدۇ.

چاچ بۇياشنىڭ ھامىلدار ئايال ۋە ئۇنىڭ قورسىقىدىكى ھامىيلىگە قارىتا قانداق تەسىرلىرى بار؟
    ھامىيلىگە بولغان تەسىرى: ھامىلدارلىق مەزگىلىدە چاچ بوياش ھەققىدە، چاچ بوياش بالىنىڭ چۈشۈپ كىتىشىنى كەلتۈرۈپ چىقىرىدۇ، بالىلاردا كۆرۈلىدىغان نىرۋا ئانا ھۈجەيرە ئۆسمە كىسەللىكى شەكىللىنىدۇ دىگەندەك قاراشلار مەۋجۇت؛ ئەمما، بۇ خىل قاراشلارنىڭ ھېچقايسىسىنىڭ ھېچقانداق ئىلمى ئاساسى يوق. يەنە بەزىلەرنىڭ دىيىشىچە، چاچ بوياش ھامىيلىنىڭ غەلىتە شەكىللىنىپ قېلىشىنى كەلتۈرۈپ چىقرىدىكەن؛ ئەمما ئالاقىدار مۇتەخەسسىسلەرنىڭ بىلدۈرۈشىچە، ھامىلدار ئايال ھەر كۈنى ئۈچ قېتىمدىن ئارتۇق چاچ بۇيىسا، ئاندىن ھامىيلىنىڭ غەلىتە شەكىللىنىپ قېلىشىنى كەلتۈرۈپ چىقىرىشى مۇمكىن ئىكەن.
    ھامىلدار ئايالغا بولغان تەسىرى: ئاياللار ھامىلدار بولغاندىن كىيىن، باش تىرىسىنى ئۆز ئىچىگە ئالغان تىرىلىرى ئىنتايىن سەزگۈر بولۇپ كىتىدىغان بولۇپ،  چاچ بويىقى بەلكىم ھامىلدار ئايالنىڭ باش تىرىسىنىڭ ياللۇغلىنىپ قېلىشىنى ۋە چېچىنىڭ چۈشۈپ كىتىشىنى كەلتۈرۈپ چىقىرىشى مۇمكىن؛ شۇڭا چاچنى بۇياشنىڭ ئالدىدا، ئەڭ ياخشىسى چاچ ياساش ئۇستىسىدىن مەسلىھەت سوراش كىرەك. بۇندىن باشقا، ئەگەر ھامىلدار ئايالنىڭ سىزىكى ئېغىرراق بولۇپ، كۆڭۈل ئاينىش، قۇسۇش قاتارلىق ئەھۋاللار مەۋجۇت بولسا، چاچ بويىقىنىڭ پۇرىقى، ھامىلدار ئايالنىڭ كۆڭلى ئاينىپ قۇسۇپ ياندۇرۇشىنى كەلتۈرۈپ چىقىرىشى مۇمكىن.

ھامىلدار ئاياللار چاچ بويىغاندا دىققەت قىلىشقا تىگىشلىك ئىشلار
     چاچ بويىقى تاللاش جەھەتتە: ئەگەر سىز ھامىلدارلىق مەزگىلىڭىزدە چېچىڭىزنى بوياشنى ئويلاشسىڭىز، ئۇنداقتا ساپ ئۆسۈملۈكتىن ياسالغان بوياق ئىشلىتىشىڭىز كىرەك؛ بۇنىڭدا سىزگە ئېلىپ كىلىدىغان غىدىقلاش ئەڭ كىچىك بولىدۇ.
     بوياش ئۇسۇلى جەھەتتە: ھامىلدار ئاياللار چاچ بوياشتا، زىيىنى ئەڭ تۆۋەن ئۇسۇلنى تاللاپ ئىشلىتىش، رەڭ جەھەتتە ئاق، قىزىل، سېرىق قاتارلىق رەڭلەرنى تاللىماسلىق كىرەك؛ بۇنىڭدا چېچىڭىزغا بولىدىغان زىيىنى ئەڭ كىچىك بولىدۇ.

    بۇياش ۋاقتى جەھەتتە: ۋاقىت جەھەتتە ئىككى نوقتىغا دىققەت قىلىش كىرەك؛ بىرىنچىسى ھامىلدارلىقنىڭ دەسلەپكى ئۈچ ئېيىدا چاچ بويىماسلىق. يەنە بىرسى بولسا، چاچ بوياش ۋاقتى بەك ئۇزۇن بولۇپ كەتمەسلىك. ئاياللارنىڭ چېچى ئۇزۇن بولغاچقا، چاچ بوياشقا نەچچە سائەت ۋاقىت كىتىپ قېلىشى مۇمكىن؛ بۇنداق ئەھۋال، ئېغىرقات بىر ئايالغا نىسبەتەن ئىنتايىن چارچاپ كىتىدىغان بىر خىل قىلمىش ھىسابلىنىدۇ.
    سالامەتلىك جەھەتتە:  ئەگەر ھامىلدار ئايالنىڭ سالامەتلىكى ياخشى بولمىسا، مەسىلەن كۆڭلى ئاينىپ قۇسۇپ ياندۇرۇش، چاچ چۈشۈش قاتارلىق مەسىلىلەر كۆرۈلگەن بولسا، بۇنداق ئەھۋالدا ئەڭ ياخشىسى چاچ بۇيىماسلىق كىرەك.