بالىنىڭ بوي ئېگىزلىكىگە نىسبەتەن، ئىرسىيەت ئامىلدىن باشقا، ئەڭ مۇھىم بولغىنى كىيىنلىك مۇھىتنىڭ تەسىرى بولۇپ، بۇ يەردە ئېيتىلغان كىيىنلىك مۇھىت تەسىرى، ئانا بالىغا ھامىلدار بولغان ۋاقىتتىلا باشلىنىدۇ. ھامىلدارلىق مەزگىلىدىكى تۆۋەندىكى قىلمىشلار، ھامىيلىنىڭ كەلگۈسىدىكى بوي ئىگىزلىكىگە تەسىر كۆرسىتىشى مۇمكىن، بۇنىڭغا سەل قارىماسلىقىڭىز كىرەك.

كەيپىياتىدا داۋالغۇش كۆپ بولۇش
    نۇرغۇن ئاياللار ھامىلدار بولغاندىن كىيىن، ئۇلارنىڭ كەيپىياتى كونتىروللۇققا ئۇچرىمايدىغان بولۇپ قالىدۇ؛ ھەمىشە كىچىك بىر ئىشلار ئۈچۈن ئاچچىقلىنىپ، ئىرىنىڭ بىرەر ئېغىز گەپلىرى ياكى بىرەر يېرىم ھەرىكەتلىرى ئۈچۈن ئاچچىق يۇتىۋالىدۇ. بۇنداق قىلىشنىڭ توغرا ئەمەسلىكىنى بىلىپ تۇرۇپمۇ، يەنىلا ئۆزىنى كونتىرول قىلالمايدۇ.
    بىراق تەتقىقاتلاردا كۆرسىتىلىشىچە، ئەگەر ھامىلدار ئايال ھەمىشە كەيپىياتى تۆۋەن ھالەتتە بولۇپ، كۆپ ئاچچىقلىنىدىغان بولسا، ئۇلارنىڭ بەدىنى بىر خىل زىيانلىق ماددا ئاجرىتىپ چىقىرىپ، ھامىيلىنىڭ يىتىلىشىگە زىيانلىق تەسىر كۆرسىتىدۇ؛ ھامىيلىنىڭ يىتىلىشىنىڭ ئاستىلاپ قېلىشىنى كەلتۈرۈپ چىقىرىپلا قالماي، تۇغۇلغاندىن كىيىن جۇغى ئادەتتىكى بالىلاردىن كىچىك بولۇپ قالىدۇ. ئۇنىڭ ئۈستىگە، ھامىلدار ئايالنىڭ كەيپىياتى ھامىيلىگە بىۋاستە تەسىر كۆرسىتىپ، بالىنىڭ كەلگۈسىدە تىرىككەك ھەم قوپال مىجەزلىك بولۇپ قېلىشىنى كەلتۈرۈپ چىقىرىدۇ.

تاماق تاللاش سەۋەبىدىن كىلىپ چىققان ئۇزۇقلۇق يىتىشمەسلىك
   ئاياللار ھامىلدار بولغاندىن كىيىن، ئۇلارنىڭ يىمەك-ئىچمەك ئادىتى جەھەتتە ئۆزگىرىش كۆرۈلىدۇ. بەزى ھامىلدار ئاياللار ئىشتىھاسى تۇتۇلۇپ، ھېچنىمە يىگۈسى كەلمەيدىغان بولۇپ قالىدۇ؛ بۇ خىل ئۆزگىرىشلەرنى توغرا چۈشىنىشكە بولسىمۇ، ئەمما ھامىلدار ئاياللار يەنىلا خالىغانچە ئىش كۆرسە بولمايدۇ. چۈنكى، تاماق تاللىغاندا، ھامىلدار ئاياللاردا ئاسانلا ئۇزۇقلۇق يىتىشمەسلىك كۆرىلىدىغان بولۇپ، قوساقتىكى ھامىيلىگە ئۇزۇقلۇق يەتكۈزۈشكە بىۋاستە تەسىر كۆرسىتىدۇ.
    بۇ سەۋەپلىك، قوساقتىكى ھامىيلە يىتەرلىك مىقداردىكى ئۇزۇقلۇققا ئىرىشەلمەي، يىتىلىشى ئاستىلايدىغان، تۇغۇلغاندىن كىيىن جۇغى كىچىك بولۇپ قالىدىغان ئەھۋاللار كىلىپ چىقىدۇ.