ئۆتكەن يىلى 8-ئاينىڭ 23-كۈنى، جىڭجۇ شەھىرى جىن يىن كەنتى ئاھالە ئولتۇراق رايونىغا ئوت كىتىپ، 2ئادەم ئۆلۈپ 3ئادەم يارىلاندى. بەخىتكە يارىشا بولغىنى، قورسىقىغا 7 ئايلىق بولغان خۇاڭ چىنچىن ئۆلۈم ئېغىزىدىن قۇتۇلدى؛ بەخىتكە قارشى بولغىنى، 7ئايلىق بولغان ھامىيلىنىڭ ئەھۋالى خەتەرلىك ئىدى.

   لىيۇ جىڭچىياڭ ھاياتىدىكى ئەڭ تەس تاللاشقا دۇچ كەلگەن بولۇپ، ئېغىر كىسەللەرنى كۆزىتىش ئۆيىنىڭ ئالدىدا، ئۇ ئايالىنىڭ رەسىملىرىنى قايتا-قايتا كۆرۈپ، ئىككىسىنىڭ تويلۇق ئۈزۈكىنى توختىماستىن سىيلاپ ئولتۇراتتى. دوختۇرلار ئۇنىڭغا، بۇنداق ئەھۋالدا بالىنىڭ ساق-سالامەت تۇغۇلغان تەقدىردىمۇ، غەلىتە تۇغۇپ قېلىش ئىھتىماللىقى يۇقىرى ئىكەنلىكىنى، شۇڭا ئەڭ ياخشىسى، بار ئاماللار بىلەن ئانىسىنى ساقلاپ قېلىش كىرەكلىكىنى ئېيتقان ئىدى.
   بىر ئائىلە كىشىلىرى تۇيۇق يولغا كىرىپ قېلىپ نىمە قىلارىنى بىلەلمەي تۇرغىنىدا، 8-ئاينىڭ 30-كۈنى خۇاڭ چىنچىننىڭ تۇيۇقسىز تولغىقى تۇتۇشقا باشلىدى؛ بۇ، بالىنىڭ بالدۇر تۇغۇلۇپ قېلىشىدىن دىرەك بىرەتتى. خۇاڭ چىنچىن قانداق تاللاش قىلىشى كىرەك؟

   ئاخىرىدا، ئەمدىلا ئۆلۈم ئېغىزىدىن قۇتۇلغان خۇاڭ چىنچىن، قورسىقىدىكى بالىسى ئۈچۈن يەنە بىر قېتىم جاننى تىكىش قارارىغا كەلدى. خۇاڭ چىنچىن ئوپراتسىيە ئارقىلىق تۇغدۇرۇشنى رەت قىلىپ،  9-ئاينىڭ 1-كۈنى چۈشتىن كىيىن سائەت تۆتتىن 49 مىنۇت ئۆتكەندە، ئىككى كىچە-كۈندۈز تىرىشچانلىق كۆرسىتىش ئارقىلىق قىز بوۋاقتىن بىرنى تۇغدى.
   بوۋاق ئەمدى تۇغۇلغاندا، ئۇنىڭ بەدەن ئېغىرلىقى ئاران 2.5جىڭ كىلەتتى؛ ئۇ ئانىسىنىڭ قورسىقىدا ئاران 30 ھەپتە تۇرغانلىقتىن، ئۇنىڭ ئۆپكىسىنىڭ ئىقتىدارى تۇلۇق يىتىلىپ بولالمىغان؛ بۇنىڭ بىلەن بىرگە، ئانىسىنىڭ پۈتۈن بەدىنىدىكى كۈيۈك يارا يۈزى بىرقەدەر چوڭ بولغانلىقتىن، بوۋاق ئانىسىنىڭ قورسىقىدىلا ياللۇغلىنىپ قالغان ئىدى. شۇنىڭ ئۈچۈن، ئۇ تۇغۇلۇشى بىلەنلا، كىسىلى ئېغىر يىڭى تۇغۇلغان بوۋاقلارنى كۆزىتىش ئۆيىگە ئەكىرىلدى.

   دوختۇرنىڭ بىلدۈرۈشىچە، بالىنىڭ ئەھۋالى ھازىرچە مۇقىم بولۇپ، كىيىنكى قەدەمدە ئۇلار بالىنىڭ كونكىرتنى كىسەللىك ئەھۋالىغا ئاساسەن داۋالاش لايىھەسى تۈزۈپ چىقىدىكەن.
   بۇنىڭ بىلەن بىر ۋاقىتتا، خۇاڭ چىنچىنمۇ تىرە كۆچۈرۈش ئوپراتسىيەسى قىلدۇردى.