ئوكنى تاقىم ئاراللىرى شوتلاندىيەنىڭ شىمالى قسىمدىكى دېڭىز بويىدىن 32كىلومىتىر يېراقلىقتىكى دېڭىز رايونىغا جايلاشقان بولۇپ، ئومۇمى نوپۇسى 21مىڭ، ئومۇمى يەر كۆلىمى 975 كۋادىرات كىلومىتىر كىلىدۇ؛ ئوكنى تاقىم ئاراللىرى چوڭ-كىچىك بولۇپ 70نەچچە ئارالدىن تەركىب تاپقان بولۇپ، بۇنىڭ ئىچىدىكى 20 ئارالدا ئاھالە ئولتۇراقلاشقان، بەزى ئاراللاردا ھەتتا ئۈچ-تۆتلا ئادەم ئولتۇراقلاشقان.
    تاقىم ئارالدىكى ئاھالە نىسبەتەن تارقاق جايلاشقان بولۇپ، ئەڭ ئاز بولغاندا بىر ئارالدا ئۈچ-تۆت ئادەم، كۆپ بولغانلىرىدا ئونمىڭدىن ئارتۇق ئادەم بار. بۇ سەۋەپلىك، ھۆكۈمەت تەرەپ دائىم ئولتۇرۇشلۇق نوپۇسى نەچچە يۈزگە يەتكەن ئارالدىلا ئاندىن مەكتەپ تەسسىس قىلغان بولۇپ، نەچچە ئون ئادەم ھەتتا نەچچىلا ئادىمى بار ئارالدىكى ئاھالىلەر ئەگەر مەكتەپكە بارماقچى بولسا، پاراخوتقا ئولتۇرۇپ يېقىن ئەتراپتىكى مەكتەپ بار ئارالغا بېرىشقا مەجبۇر ئىدى.

    ئوكنى تاقىم ئاراللىرىغا تەۋە پاپاۋىستىلى ئارىلىدا ئارانلا 70 ئادەم ياشايدۇ، شۇڭا بۇ ئارالدا ئوتتۇرا مەكتەپ يوق؛ يەنە بىر ئارال—ۋىستىلى ئارىلىدا بولسا 600دىن ئارتۇق ئاھالە بار بولۇپ، بۇ ئارلدىكى 70تىن ئارتۇق ئوقۇغۇچى، ئارالدا تەسسىق قىلىنغان تۇلۇقسىز ئوتتۇرا مەكتەپتە ئوقۇيدۇ. بۇ ئىككى ئارالنىڭ ئارىلىقى 1.6 كىلومىتىر كىلىدىغان بولۇپ، كىيىنچە ئىككى ئارال ئوتتۇرسىدىكى پاراخوت قاتنىشى توختىتىلغاندىن كىيىن، پاپاۋىستىلى ئارىلىدىكى نەچچە ئوقۇغۇچى، ئامالسىز ھەر قېتىمدا ئايروپىلانغا ئولتۇرۇپ مەكتەپكە بېرىشقا مەجبۇر بولغان.
    ئوقۇغۇچىلار ھەر ھەپتىنىڭ سەيشەنبە كۈنى، لوگىن ئاۋئاتسىيە شىركىتىنىڭ "ئارال ئادىمى" ناملىق ئايروپىلانىغا ئولتۇرۇپ مەكتەپكە بېرىپ، ئىككى كۈن مەكتەپ ياتىقىدا يېتىپ ئوقۇيدۇ ھەمدە پەيشەنبە كۈنى ئوخشاش ئايروپىلانغا ئولتۇرۇپ ئۆزى تۇرۇشلۇق ئارالغا قايتىدۇ.

    لوگىن ئاۋئاتسىيە شىركىتىنىڭ بىلدۈرىشىچە، بۇ ئاۋئاتسىيە لىنيىسىنىڭ ئوتتۇرىچە ئۇچۇش ۋاقتى ئاران 96 سىكونت بولۇپ، يەر شارى بويىچە ھاۋادا ئۇچۇش ۋاقتى ئەڭ قىسقا ئاۋئاتسىيە لىنيىسى ھىسابلىنىدىكەن. ئەگەر شامال يۆنىلىشى ئوڭدىن كەلگەن ۋاقىتقا توغرا كەلسە، ئۇچۇش ۋاقتى ھەتتا ئەڭ قىسقا بولغاندا 47 سىكونتقا قىسقىرايدىكەن. بەزىلەر دىيىشى مۇمكىن، بۇ ئاۋئاتسىيە لىنيەسىگە چىقىپ، ئورنىدا ئولتۇرۇپ بولغۇچە نىشانغا بېرىپ قالىدىكەن، نىمە ئۈچۈن ئەمەلدىن قالدۇرۋەتمەيدۇ؟
    لوگىن ئاۋئاتسىيە شىركىتىنىڭ سودا ئالاقە باش نازارەتچىسىنىڭ بىلدۈرۈشىچە، سىرتتىكى كىشىلەرگە نىسبەتەن ئېلىپ ئېيتقاندا، بۇ ئاۋئاتسىيە لىنيىسى بەلكىم كۈلكىلىك تۇيۇلىشى مۇمكىن؛ ئەمما ئارالدا تۇرۇشلۇق ئاھالىلەرگە نىسبەتەن ئېلىپ ئېيتقاندا، ئۇ قەتئى كەم بولسا بولمايدىغان بىر ھاياتلىق لىنيەسىدۇر. ئۇ بالىلارنىڭ ئوقۇشىنى داۋاملاشتۇرۇشقا كاپالەتلىك قىلىدۇ؛ بۇنىڭ بىلەن بىرگە، بۇ ئاۋئاتسىيە لىنيەسىنىڭ مەۋجۇت بولۇپ تۇرغاندا، ئارالدىكى ئاھالىلەرنىڭ تۇرمۇشى باشقىچە بولىدۇ.