ئىگىلەشلەرگە ئاساسلانغاندا، يېقىنقى يىللاردىن بويانقى دۆلىتىمىزنىڭ غەلىتە شەكىلدە تۇغۇلۇپ قالغان بالىلار نىسبىتىگە سەل قاراشقا بولمايدىغان بولۇپ، ھەر يىللىق، كەمتۈكلۈك كۆرۈلۈش نىسبىتى %5.6گە يىتىدىكەن ھەمدە ھەر 35سىكونتتا، غەلىتە شەكىللىنىپ قالغان ھامىيلىدىن بىرسى تۇغۇلىدىكەن. بۇ خىل سانلىق مەلۇماتلار ئادەمنى ھەيران قالدۇرىدۇ! ئۇنداقتا ھامىيلىنىڭ غەلىتە شەكىللىنىپ قېلىشىدىكى سەۋەپ زادى نىمە؟ بىز ئۇنىڭ ئالدىنى قانداق ئېلىشىمىز كىرەك؟

گىن ئامىلى
    ئەگەر ئاتا-ئانىسى ھەر ئىككى تەرەپتە، ياكى ئىچىدىكى بىر تەرەپتە گېن ئۆزگىرىشى كۆرۈلسە، ئۇنداقتا بۇ خىل ئەھۋال ئۇلارنىڭ بالىسىنىڭ غەلىتە شەكىلدە تۇغۇلۇپ قېلىشىنى كەلتۈرۈپ چىقىرىشى مۇمكىن.
مۇھىت ئامىلى
    تۆۋەندىكى ئەھۋاللاردا ھامىيلە غەلىتە شەكىللىنىپ قېلىش كۆرۈلۈشى مۇمكىن: دىھقانچىلىق دورىلىرى، ئۆي زىننەتلەش جەريانىدا قويۇپ بىرىلىدىغان زەھەرلىك گاز قاتارلىق خېمىيىلىك ماددىلارنىڭ تەسىرى؛ ھامىلار ئايالنىڭ رادىئاتسىيە مەنبەسىگە كۆپلەپ ئۇچرىشىشى؛ دوختۇرلارنىڭ كۆرسەتمىسىنى ئالماي تۇرۇپ قالايمىقان دورا ئىشلىتىش؛ ھامىلدارلىق مەزگىلىدىكى دىئابىت كىسىلى؛ ھامىلدارلىق مەزگىلىدە، ھامىلدار ئايالنىڭ يۇقۇملىنىپ قېلىشى؛ توغرا بولمىغان يىمەك-ئىچمەك ئادىتى.

بىر ئولتۇرغانچە ئۇزۇن ۋاقىت كومپىيوتىر ئىشلىتىشتىن ساقلىنىش
    ئەگەر قورسىقىڭىزدىكى بالىنى سالامەت تۇغۇلسۇن دىسىڭىز، ئۇنداقتا كومپىيوتىرنىڭ ئالدىدا ئۇزۇن ئولتۇرۋىلىشتىن ساقلىنىڭ؛ چۈنكى، كومپىيوتىر تارقاتقان ئېلىكتىر ماگنىت دولقۇنى ۋە رادىئاتسىيە نۇرى، قوساقتىكى ھامىيلىگە يامان تەسىر كۆرسىتىدۇ.
ھامىلدارلىق مەزگىلىدە مۈشۈكنىڭ چوڭ تەرىتى بىلەن ئۇچرىشىپ قېلىشتىن ساقلىنىش
    مۈشۈكنىڭ چوڭ تەرىتىدە ياسىمان قۇرت بار بولۇپ، ئۇ ئاسانلا ھامىيلىنىڭ غەلىتە شەكىللىنىپ قېلىشىنى كەلتۈرۈپ چىقىرىدۇ. شۇڭا ئۆيىدە مۈشۈك باققانلار، ھامىلدارلىق مەزگىلىدە ئەڭ ياخشىسى مۈشۈكنى ۋاقىتلىق باشقا جايلارغا يۆتىكىۋىتىش كىرەك؛ يۆتكىۋەتمىگەن تەقدىردىمۇ، مۈشۈكنىڭ تەرەت ماددىلىرىنى تازىلاشقا باشقا ئادەمنى مەسئۇل قىلىش كىرەك.
فولىن كىسلاتاسى تەركىبى مول بولغان يىمەكلىكلەرنى كۆپرەك ئىستىمال قىلىش
   ھامىلدار ئاياللار فولىن كىسلاتاسى تەركىبى مول بولغان يىمەكلىكلەرنى كۆپرەك يەپ بەرگەندە، بوۋاقنىڭ كالپۇكى يېرىق ياكى نىرۋا كانىلى كەمتۈك تۇغۇلۇپ قېلىش نىسبىتىنى تۆۋەنلىتىشكە بولىدۇ. فولىن كىسلاتا تەركىبى يۇقىرى بولغان يىمەكلىكلەردىن، سەۋزە، كەرەپشە، ئاپلىسىن، بۆلجۈرگەن، ئوسۇڭ، دولانا قاتارلىقلار بار.