ھەممەيلەن بوۋاقلارنىڭ دۈم يېتىپ ئۇخلاشقا ئامراق ئىكەنلىكىنى بىلىدۇ؛ ئەمما نۇرغۇن ئاتا-ئانىلار بوۋاقلارنىڭ بىخەتەرلىك مەسىلىسىنى كۆزدە تۇتۇپ، يەنى ئۇلار دۈم يېتىپ ئۇخلىغاندا، ئۇلارنىڭ ئېغىز بۇرنىنىڭ ياستۇق ياكى يوتقان تەرپىدىن توسۇلۇپ نەپەسلىنەلمەي قېلىشىدىن ئەنسىرەپ، ئۇلارنىڭ دۈم يېتىپ ئۇخلىشىنى خالىمايدۇ. بىراق، ئاتا-ئانىلار، بوۋاقلارنىڭ دۈم يېتىپ ئۇخلىشىنىڭ پايدىلىق تەرەپلىرىنىمۇ بىلىپ قويۇشى كىرەك.

    بوۋاقلار دۈم يېتىپ ئۇخلىغاندا، ئۇلارنىڭ نەپەسلىنىش ئۈنۈمى يۇقىرى كۆتۈرىلىدۇ؛ ئۇنىڭ ئۈستىگە، نەپەسلىنىش جەريانىدىكى قىزىل قان ئاقسىلىدىكى ئوكسىگىن مىقدارىمۇ باشقا ئۇخلاش ھالىتىگە قارىغاندا كۆپ بولىدۇ، شۇڭا بۇ خىل ئۇخلاش ھالىتى بوۋاقنىڭ ئۆسۈپ يىتىلىشىگە ئىنتايىن پايدىلىق. بىراق دىققەت قىلىشقا تىگىشلىك ئىش شۇكى، ئەگەر بوۋاق تېخى بەك كىچىك بولسا، ئۇنداقتا بوۋاقنىڭ بىخەتەرلىك مەسىلىسىگە دىققەت قىلماي بولمايدۇ؛ بۇنداق ئەھۋالدا، ئاتا-ئانىلار بوۋاقنى ئۆرۈپ ياتقۇزۇپ قويىشى كىرەك. بوۋاقلار ئازراق چوڭ بولۇپ، ئۆزى ئۆرىلەلىگۈدەك بولغان ۋاقىتتا، ئاتا-ئانىلار ئەنسىرمىسىمۇ ھەم ئۇلارنى ئۆرۈپ قويمىسىمۇ بولىدۇ؛ ئۇلار دۈم يېتىپ ئۇخلىسا راھەت ھىس قىلغان ئىكەن، ئۇنى مەيلىگە قويۇپ بەرگەن ياخشى.

   بوۋاقلارنىڭ دۈم يېتىپ ئۇخلىشى ئۇلارنىڭ نىرۋىسىنىڭ يىتىلىشىگە پايدىلىق بولۇپ، يەنە تېخى بوۋاقنىڭ بەدىنىنىڭ ھەرقايسى مۇسكۇللىرىنىڭ تارتىشىش كۈچىنى چېنىقتۇرۇشقا بولىدۇ، بۇنىڭ بوۋاقنىڭ بەدىنىنىڭ ئۆسۈپ-يىتىلىشىگە پايدىسى زور بولىدۇ. بوۋاقلارنىڭ دۈم يېتىپ ئۇخلاشنى ياخشى كۆرىشى، بۇ خىل ئۇخلاش ھالىتى ئۇلارغا تېخىمۇ راھەت بىلىنىدىغان بولۇپ، بوۋاق كۆپ چەكلىمىگە ئۇچرىمايدۇ. پەقەت بوۋاق پۈتۈن بىر كىچە دۈم يېتىپ ئۇخلىمىسىلا، ئاتا-ئانىلار ئۇلارنى ئۆرۈپ قويمىسىمۇ بولىدۇ.